Amanesoma Mak Aa Chwera Tɔn 16:14 - mzwDBL

¹⁴ A habɔɔ la, o kpɔ o te chaɡle o habɔteŋra fi dɛ beŋkpoŋ la, dɛ ba dɛ di kwa. O pwaah ba ba yarada nyae ne ba bambikpeɡ la waa kɛŋɔ baa wola ba bala baa tɔ sie nao la yaradae la.

Amanesoma Mak Aa Chwera Tɔn 16:14 ပူးပေါင်းရင်းမြစ်များ

Nɛra Kura 14:11

Anee Korowii ŋɔ Mosis be ŋɔ, “Saŋ besoo nɛra nɔ ɛɛ ba n nyubaah nyiŋa ɡela ɔ? Ba teŋɔ dɛɛ vɛɛh mɛ ŋɔ baa men yarada, hale n nyokpowe-ɛɛla maa ɛa ba bini la bwa habɔɔ.

Matiu 11:20

Bwɛɛre Yeesu aa ɛ nyokpowaa a ta warɛ la, a nɛra ta ba wechɔɡa ta leɛ. Anomanta, o ŋɔ,

Matiu 17:20

Anee Yeesu ŋɔ, “He yarada aa wola kanɛ waa. Kasinteŋ, dɛ he yarada fe kan kɛŋɔ sipon ɡba aa, hé fe ɛɛ wonoo ŋɔ bwejen nɔ be ŋɔ ó huɡri kaa bela haa dɛ nyin, ásɛ o kaa. Hé fe ɛɛ wonoo ɛ komɛlbwa.

Matiu 28:17

Baa nao la, ba duuru, kɛ dɛ bane dɛ tɔŋle ŋɔ Yeesu laa ba na la.

Amanesoma Mak Aa Chwera Tɔn 7:18

O ŋɔ ba be ŋɔ, “He ɡe aa a mun jemaa? Haa jemɛ kɛ kwaa haa dɛ di aa won ɡel he ɛ nɛnchɔɡe aa?

Amanesoma Luk Aa Chwera Tɔn 24:11

Yeesu toroma la kpɔ waa la ɛ mola, ba ta kpɔe ɛ wobɛlbwa.

Amanesoma Luk Aa Chwera Tɔn 24:25

Anee Yeesu ŋɔ ba be ŋɔ, “Nfɛrɛ nyaara! Ɛrɛɛ haa wola Korowii keamere waa baa bola la yarada nɔɔ?

Amanesoma Jɔn Aa Chwera Tɔn 20:25

Anomanta, dɛ ba dɛ bol o be ŋɔ, “Ya na ya Dɔɔ la.” Asɛ o chaŋ ba ŋɔ, “Dɛ n te ta dadowɛre la buɡe aa lɔ o nɔɔra ta la nae, dɛ kpɔ n nonii do bela, dɛ berɛ kpɔ n nɔn do o loŋi bela baa kpɔ lampea yaɡɛ la aa, maa waa nɔɔ yarada.”

Amanesoma Jɔn Aa Chwera Tɔn 20:26

A yawanyoa la, Yeesu habɔteŋra la berɔ ba cheme dea la bini ja, dɛ Tɔmas ja ba nɛ. Ba kaɡre dea la ɡbeni, kɛ Yeesu baa jo che ba baah, dɛ ŋɔ, “Kórowii tɛ heyaa bambisɔɔhna!”

Amanesoma Jɔn Aa Chwera Tɔn 20:27

Asɛ dɛ ŋɔ Tɔmas be ŋɔ, “Kpɔ he nonii ba do n nɔɔra bɔɔne la ta, dɛ́ kpɔ he nɔn do n loŋi bɔɔ la ɡe ta, dɛɛ yarada mɛ, dɛ́ ɡel aahna aahna la haa dɛ ɛ la.”

Amanesoma Jɔn Aa Chwera Tɔn 21:1

A habɔɔ la, Yeesu kpɔ o te ba baɡle o habɔteŋra la Tibeerias Moo la ta ja. Kenii a ɛ ba nao.

Amanesoma Jɔn Aa Chwera Tɔn 21:14

Korowii aa iru seo ta la, anɔɔ jaa tooro waa kpɔ o te baɡle o habɔteŋra la.

We-ɛɛla 1:3

Waa sewa dɛ ir la, o kpɔ o te baɡle o toroma la kera aŋwɛnɛ bwa tɔpera fifraanaarɛ baah ta, dɛɛ bol Korowii Kora waa ba be. Gɛ baa nao la ɡelɔ ba jemɛ kpelakpela kɛŋɔ o ir seo ta.

1 Kɔrent 15:5

Pitaa tɔ sie nao, mɔɔ o habɔteŋra fi dɛ banɛ la bwa nao,

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.