Amanesoma Mak Aa Chwera Tɔn 15:43 - mzwDBL

⁴³ Dɛ Josef waa le Arimatea la ɛ ba bela nomonome la bini nɛn nɛra bwa aa dɛ tɛo duure. O ɡe dɛ kpa saŋ la Korowii aa di kora dɛ lɛɛ ba la. Awola jɔmɔra la, o lɔ bambile dɛ la Paelet be dɛ ka soŋo ŋɔ ó tɛo ŋwɛnɛ ó ka kpɔ Yeesu lale la.

Amanesoma Mak Aa Chwera Tɔn 15:43 ပူးပေါင်းရင်းမြစ်များ

Matiu 19:30

Nɛra baa tɔ sie ɡalɡa ɛɛ ba ka munii, ásɛ nɛra baa ka mun ɡe ɡalɡa ba tɔ sie.”

Matiu 20:16

Yeesu aa bol ɡɛ waa nɔ tonɛ la, o ŋɔ, “Gɛɛ a do, muŋkaala ɛɛ ba tɔ siee, ásɛ sitɔɔla berɛ ba ka mun.”

Matiu 27:57

Awola jɔmɔra la baa bɛl baa dɛ yerɔ Josef, o le Arimatea dɛ ɛ suuɡate balɔ. Dɛ o ɡba ɛ Yeesu habɔteŋra la bɛl,

Amanesoma Mak Aa Chwera Tɔn 14:54

Dɛ Pita teŋɛ ba nɛɛ bojaŋ dɛ ba jo nomoa la dem baah. Dɛ o ne soojare baa dɛ daah doonyoa la soɡo dɛɛ ŋwee nii.

Amanesoma Mak Aa Chwera Tɔn 15:44

Asɛ a piɡri Paelet kɛŋɔ Yeesu aa dena sewɛ la. Anee o yerɛ soojare lafa nomoa la dɛ bɔɔro ŋɔ, “Yeesu sewɔ kpela aa?”

Amanesoma Luk Aa Chwera Tɔn 2:25

A ɡɛ saŋ la dɛ baa bɛl lɔ Jerusalam baa yerɔ Simeon. O ɛ nɛndɛɛɡe, dɛɛ ɔmɛ Korowii, dɛ o dɛ nyiŋi naate waa dɛ ba ó ba lɛ Israel tena ŋwɛnɛ. Dɛ Korowii Domadɛɛɡe ir o nɛ,

Amanesoma Luk Aa Chwera Tɔn 2:38

Buɡ la ta, Yeesu nya ne o mɛɛ aa lɔ Korowii Dea la, Hana ɡe jo bela dɛ ka che ba jwɛh, dɛ kpɔ jam ne kpɛɛra tɛ Korowii, dɛ bol Yeesu waa baɡle nɛra baa soɡa dɛɛ kpa Korowii kɛ ó ba lɛ Jerusalam tena ta la.

Amanesoma Luk Aa Chwera Tɔn 23:50

Dɛ baa bɛl sɔne Josef, o ɛ Juu te dɛ le Arimatea. Dɛ o ja nomonome baa bol Yeesu waa la nɛ, dɛ o dɛ ɔmɛ Korowii dɛ ɛ nɛndɛɛɡe,

Amanesoma Luk Aa Chwera Tɔn 23:51

dɛɛ kpa saŋ la Korowii aa di Kora dɛ́ lɛɛ ba la. O te fe ta sɛɛh teŋɛ ba nɛɛ kɛ bá kpo Yeesu.

Amanesoma Jɔn Aa Chwera Tɔn 19:38

Anɔ bwa habɔɔ la, baa bɛl waa le Arimatea baa yerɔ Josef la Paelet be dɛ ka soŋo Yeesu lale. Dɛ a ɡɛ Josef nɔ dɛ teŋɛ Yeesu nɛ, kɛ o koh Juu tena ɔma waa dɛɛ sɔh o te a ɡɛ bɔr. Paelet tɛo ŋwɛnɛ ŋɔ ó ka kpɔ lale la kaa, asɛ o ka kpɔɔ kaa.

We-ɛɛla 13:50

Anɔ bwa aa dɛ ɛ la, dɛ bela Juu tena la ir bela bwɛjen nomonjena ne haahna bane baa ɛ nɛnjena dɛɛ tomɛ Korowii la bwaawee, asɛ ba baah di Pɔɔl ne Banabas nɛ, ba hah ba dɛ doŋ ba le ba bela bwɛɛre la ta.

We-ɛɛla 17:12

Nɛra la kɛrɛdɛ yarada Yeesu dɛ kpɔ ba te tɛo. Grik haahna baa ɛ nɛnjena la kɛrɛdɛ ne ba baala bwa yarada Yeesu.

Felepae 1:14

Asɛ n dea chɔe la berɛ ɡel yabala ɡalɡa ɡee yarada ya Dɔɔ Yeesu kohona, dɛ́ dɔ bambile dɛ́ɛ baɡle Korowii Waa la kɛrɛdɛ, baa wola ɔmɛ.