Amanesoma Mak Aa Chwera Tɔn 15:40 - mzwDBL

⁴⁰ Dɛ haahna bane ɡe cheɡɛ bojaŋ dɛɛ nyiŋi. Ba bini banee Mɛɛre waa le Maɡdala la, ne Jems Bechala ne Josis nya Mɛɛre, ne Salome.

Amanesoma Mak Aa Chwera Tɔn 15:40 ပူးပေါင်းရင်းမြစ်များ

Yela 38:11

N daamanar ne n soma bwa chwa mɛ n ŋwɛra wa, hale n lolanar bwa ɡe chwa mɛ.

Matiu 10:3

Felep ne Batolomeo, ne Tɔmas ne Matiu o fa aa dɛ lɛ toɔ la, ne Jems waa ɛ Alfeɔs bie la dɛ Tadeɔs,

Matiu 13:55

Kapenta te la bie la laa kɛɛ? O nya laa Mɛɛre aa? O nimanar laa Jems ne Josef ne Seemɔn dɛ Judas kɛɛ?

Matiu 27:61

Dɛ Mɛɛre waa le Maɡdala la ne o dɔŋ Mɛɛre la soɡe bela, asɛ ba sie pa lalbɔɔ la ta baa nyiŋi.

Matiu 28:1

Ona Tɔpere la aa ɡara, asɛ tɔɔ ɛɛ ba pera Kwasiara waa ɛ tɔpeloɡle la, Mɛɛre waa le Maɡdala la ne o dɔŋ Mɛɛre la iro ŋɔ ba dɛ la ka nyiŋi bela baa huɡe Yeesu la.

Amanesoma Mak Aa Chwera Tɔn 15:47

Mɛɛre waa le Maɡdala la ne Josis nya Mɛɛre na bela baa huɡo.

Amanesoma Mak Aa Chwera Tɔn 16:1

Ona Tɔpere la aa ɡara la, Mɛɛre waa le Maɡdala la ne Jems nya Mɛɛre ne Salome, yawɛ tɛɛɡa ane a sɔɔh aa soma ŋɔ bá fee kpɔ ka fɔɡle Yeesu lale la.

Amanesoma Mak Aa Chwera Tɔn 16:9

Kwasiara waa ɛ tɔpeloɡle tomun aa dɛ kpɔ Yeesu aa ir seo ta la, o tɔ sie kpɔ o te baɡle Mɛɛre waa le Maɡdala la. Yeesu fa doŋi kwaa aa dɛ ir nɛra nɛɛ anuanɛ le ɡɛ haah nɔ nɛ.

Amanesoma Luk Aa Chwera Tɔn 19:3

Dɛ o dɛ nyin dɛ na ɡɛ Yeesu aa doa, kɛ nɛnlaa la nomanta o ta on nae, dɛkalkɛ o ɛ nɛmbora.

Amanesoma Luk Aa Chwera Tɔn 23:49

Kɛ nɛra baa jemɔ kɛrɛdɛ la ne haahna baa teŋɛ o nɛɛ dɛ le Galilia harɛ la te ta cheɡɛ bojaŋ dɛɛ nyiŋu.

1 Kɔrent 9:5

Yeesu Kristo nimanar ne Pita ne Yeesu toroma la bwa mo haahna ba ne baa valɛ. Ya te ta ɡɛ ŋwɛnɛ dɔe kɛ ya mo haahna baa ɛ asɔre tena ya ne baa valaa?

Galaasia 1:19

N ta Yeesu toroma la bɛlbwa nae bela ka ja Pita nɛ. Jems waa ɛ ya Dɔɔ la nime la ɡee n berɛ na ja Pita nɛ.

Jems 1:1

Men Jems maa ɛ Korowii ne ya Dɔɔ Yeesu Kristo bonɔɔ laanee chwerɛ tɔn nɔ dɛɛ tɛ he Israel deene fi dɛ anɛ tena haa lɔ bobɛlbwa la. N dɛ na heya.