Amanesoma Mak Aa Chwera Tɔn 15:34 - mzwDBL

³⁴ Wekee saŋ aa tela la, Yeesu do lɔŋɔ kpeɡri nɛɛ dɛ ŋɔ, “Eli, Eli, lama sabaktani?” O munii kɛŋɔ, “N Mɛɛ Korowii, n Mɛɛ Korowii, ɛrɛɛ he chwa mɛ nɔɔ?”

Amanesoma Mak Aa Chwera Tɔn 15:34 ပူးပေါင်းရင်းမြစ်များ

Yela 22:1

N Naa Korowii! N Naa Korowii! Ɛrɛɛ he chwa mɛ nɔɔ? N do lɔŋɔ sum ne ŋɔ hé cha mɛ, kɛ maa wobɛlbwa na.

Yela 27:9

bɛ he te kpɔ sɔɔh mɛ.” Bɛ ɡel he baah di men maa ɛ he bonɔɔ nɛ. Henee dɛɛ cha mɛ, bɛ men vɛh, dɛ berɛ habɔɔ kpo mɛ. N Naa Korowii, henee n Lɛɛ.

Yela 42:9

N ŋɔ Korowii waa do kɛ Bwetal n chwa kaa marɔ be ŋɔ, “Ɛrɛɛ he soh n waa nɔɔ? Ɛrɛɛ mɛɛ wi n dɔma, ba nyu bini aa kpeɡa nɔn ta nɔɔ?”

Yela 71:11

Ba dɛ bol ŋɔ, “Korowii vɛoh, hé ɡel ya tiu dɛ́ lawɔ, nomɛlbwa toole dɛ́ lɛo.”

Aesaya 41:17

Nyaara ne banɔ la ba waa aa suma ɛɛ ba nyin nee dɛ́ nyɔ kahonɛ ba lobi hol, men Korowii ɛɛ no ba wesoŋaa tɛɛ ba. Menee Israel tena ɛɛ tomɛ, maa ban ta.

Wiile 1:12

Jerusalam wio kɛ nɛn ken, dɛ ŋɔ nɛra baa teŋa baa kaa be ŋɔ, “Hé nyiŋ mɛ, amɔ nomɛl ɡe lole dɛɛ na n wenaale nɔ dɔŋa aa? Wenaale Korowii baah aa dia kohona o kpɔ ba ta n nɛɛ saŋ nɔ ta nɔ.

Wiile 5:20

Ɛrɛɛ he soh ya waa biɡri ɡɛ nɔɔ? He ta ɛɛ ba lii ya waa ja tenaa?

Daneɛl 9:21

N ta aa lɔ n wesoŋa ta la, nyundua torome Gebreɛl n fa aa nao wepila aa tɔ sie ta la iro kpɔ nyundua wɔrɔbe nɛɛ dɛ ba n be. Dɛ jɔmɔr saraha saŋ telo.

Matiu 27:45

Wee aa baa che nyufala la, bɔr biro jumaa ken dɛ ka tel wekee saŋ mɔɔ dɛ berɛ chaah ja.

Matiu 27:46

Wekee saŋ aa baa tel la, Yeesu do lɔŋɔ kpeɡri nɛɛ dɛ ŋɔ, “Eli, Eli, lama sabaktani?” O munii kɛŋɔ, “N Mɛɛ Korowii, n Mɛɛ Korowii, ɛrɛɛ he chwa mɛ nɔɔ?”

Amanesoma Mak Aa Chwera Tɔn 15:25

Koola nenyɔɔ saŋee ba kpaa Yeesu pɛl daɡaɡre ta.

Amanesoma Mak Aa Chwera Tɔn 15:35

Nɛra baa cheɡɛ bela la aa no ɡɛ la, ba ŋɔ, “Na, Elaejaa wɛɛ yerɛ la!”

Amanesoma Luk Aa Chwera Tɔn 23:44

Wee aa baa che nyubaah la, bɔr biro jumaa ken dɛ ka tel wekee saŋ,

Amanesoma Luk Aa Chwera Tɔn 23:46

Yeesu kpɔ takpeɡ do lɔŋɔ dɛ ŋɔ, “N Mɛɛ, he nɔn taa n lileo do!” Waa bol ɡɛ tonɛ la, o doma le, o sewɛ.

We-ɛɛla 10:3

Awola bɛl, o na wepila ane wekee saŋ. O nao kɛŋɔ nyundua torome bɛl aa baa jo o be dɛ yerɔ ŋɔ, “Kɔnɛɛleɔs!”

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.