24 Ba foo o laala, dɛ kpaa o nɔɔra ne o nakpale pɛl daɡaɡre ta. Dɛ soojare la dɛ nyin Yeesu laala bɔna, dɛ ta chacha mɔɔ dɛ́ won jemɛ laala ba bɛlbwa aa di.
Yeesu ŋɔ, “N Mɛɛ, kpɔ ba wechɔɡa kɛ ba. Baa waa baa dɛ ɛ nɔ jemɛ.” Soojare la kpɔ o laala bil dɛɛ ta chacha ŋɔ naate waa di la, ó kpɔ onɔ la waa dɛ nyin.
Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.
Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”
he bɛ ɡel o saɡɛ daa la ta tɔɔ per. Hé nyiŋi dɛ́ huɡo awola tenten, ásɛ dɛ bɛ doŋa ba kah harɛ Korowii haa dɛ tomɔ nɔ aa kpɔa dɛɛ ba heyaa tɛɛ he so o ta la. Dɛkalkɛŋɔ Korowii taah nomɛlbwa waa saɡɛ daa ta sewɛ.”