Amanesoma Mak Aa Chwera Tɔn 15:21 - mzwDBL

²¹ Baa dɛ kaa la, ba kaa na Seemɔn waa le Sairini, dɛ o le bobɛl dɛɛ ba. Ba ɛɡro o lɛ Yeesu daɡaɡre la che. Dɛ a ɡɛ Seemɔn la biirii Alɛksanda ne Rufus.

Amanesoma Mak Aa Chwera Tɔn 15:21 ပူးပေါင်းရင်းမြစ်များ

Matiu 27:32

Baa dɛ kaa la, ba kaa na Sairini baa bɛl baa dɛ yerɔ Seemɔn. Ba ɛɡro o lɛ Yeesu daɡaɡre la che.

Matiu 5:41

Dɛ kpeɡnɛn ɡe dɛ doe ŋɔ hé che o bone ka doo kwansini beŋkpoŋ naa, che ka doo kwansini anɛ.

Amanesoma Mak Aa Chwera Tɔn 15:20

Baa muɡli o baah tonɛ la, ba laa yaswɛm la foo o bwara ta, dɛ kpɔ o ɡbaɡba laala la doo, dɛ kpɔɔ le dɛɛ kaa dɛ́ ka kpaaro pɛl daɡaɡre ta.

Amanesoma Luk Aa Chwera Tɔn 14:27

Nomɛlbwa waa wola won kpɔ o te tɛ, dɛ sɛh wahala nae ne seo bwa, dɛ teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la waa won ɛ n habɔteŋre.

Amanesoma Luk Aa Chwera Tɔn 23:26

Soojare la aa kpɔɔ dɛɛ kaa dɛ́ ka kpoo la, ba kaa cheme Seemɔn. Sairini tee. Dɛ o le koo dɛɛ ba, asɛ soojare la lawɔ dɛ lɛ daɡaɡre Yeesu aa cheɡɔɔ la, dɛ ɡel Seemɔn cheo teŋɛ Yeesu nɛ.

Amanesoma Jɔn Aa Chwera Tɔn 19:17

Ba kpɔ Yeesu le koodem bela dɛ ɡel o che daɡaɡre baa dɛ ba o kpaara pɛl o ta la, dɛ ba tel bobɛl baa dɛ yerɛ bela Nyuhoɡ Bɔr, asɛ Juu tena wobol ta, ba ɡe ɛɛ yerɛ bela Gɔlɡɔta.

We-ɛɛla 11:20

Kɛ Saepros ne Sairini baala bane ba ɡe aa ɛ asɔre tena la te iro, dɛ la Anteɔk dɛ ka bol ya Dɔɔ Yeesu Amanesoma la waa Grik tena be.

We-ɛɛla 13:1

Dɛ Korowii keamere ne nɛra baa dɛ chaɡle nɛra Korowii waa ɡe lɔ Anteɔk asɔre tena la bini. Banee Banabas ne Semeon baa dɛ yerɔ Nɛmbiŋi la, ne Lusias waa le Sairini la, ne Manaen baa dɛɛro Kooro Hɛrɔd mɛɛ dem la, dɛ Sɔɔl.

We-ɛɛla 2:10

bane le Frejea ne Pamfilia, bane le Ijipt ne Lebya harɛ, Sairini jwɛɛh bela. Ya bane le Rom.

We-ɛɛla 6:9

Belaa Juu tena baa dɛ cheme cheremi dea bɛl baa dɛ yerɔ Libetines la, ir dɛɛ tɔŋle Steeven. Dɛ Juu tena nɔ le Sairini ne Alɛksandrea, bane ɡe le Silisia harɛ ne Eesia harɛ ta.

Tɔn Pɔɔl Aa Chwerɛ Rom Tena 16:13

N dɛ na Rufus o sɔn aa lea ya Dɔɔ Yeesu toma nɔ ta la, ne o nya waa nyiŋ mɛ kɛ n ɡbaɡba nya la.