Amanesoma Mak Aa Chwera Tɔn 14:44 - mzwDBL

⁴⁴ Baa dɛ ba la, Judas ŋɔ ba be ŋɔ, “Naate maa ɡbaaro pɛl n bambile dɛ mo o lwɛɛma la, hé lawɔ dɛ nyiŋu kɛrɛdɛ o bɛ won lɛ o te dɛ chwa.”

Amanesoma Mak Aa Chwera Tɔn 14:44 ပူးပေါင်းရင်းမြစ်များ

Kaala 12:13

Chal haa kpɔ ɛ he doonyoo laanee dɛ́ baɡle deene haa soɡe a bini. N teŋo baa kaa dɛ na chal laa, maa heyaa wobɛlbwaa ɛ, mɛɛ ɡale heyaa ta, ásɛ dɛ jo Ijipt tena la deremi dɛ́ tɛr ba deŋne.

Sɛɡla 27:6

He damdɛɛɡe dii kasinteŋ bɔ, kɛŋɔ he dɔm aa kpɔ nɔn dawɛ he vam ta.

Matiu 26:46

Hé ir yá kaa. Hé na, naate waa dɛ ba n lee tɛ bá kpo mɛ laanee la.”

Amanesoma Mak Aa Chwera Tɔn 14:43

Yeesu ta aa dɛ bol waa, dɛ o habɔteŋra la bini bɛl baa dɛ yerɔ Judas balɔ. Nɛnlaa bane teŋɛ o nɛɛ dɛ kpoŋe tokobie ne keri ne ɡule. Sɔfonomonome ne Tɔnjerema la ne bela nomonomee tomɛ a ɡɛ nɛra nɔ.

Amanesoma Mak Aa Chwera Tɔn 14:45

Waa baa tel Yeesu be la, o ɡbaaro pɛl o bambile dɛ mo o lwɛɛma dɛ ŋɔ, “N Dɔɔ!”

We-ɛɛla 16:23

Ba ɡelɔ ba lɔɔ ba kohona dɛ tɔ ba dea, dɛ ŋɔ nɛn waa dɛ nyiŋi nɛra baa tɔ ba dea nɛɛ la be ŋɔ ó nyiŋi ba nɛɛ ba bɛ ba chwa.

Felepae 1:28

dɛ́ berɛ dɔ bambile haa wola he dɔma ɔmɛ tamaa bɛlbwa bwa. He bambile dɔe la taa bá che jemɛ kɛŋɔ Korowii ɡbaɡba ɛɛ lɛ heyaa dɛ́ chɔɡ ba.

2 Tesalonika 3:17

Men Pɔɔl ɡbaɡbaa chwerɛ bonɔ nɔ. N dɛ na heya. Kenii n yon dɛɛ ɛ n tɔn bɛlbwa bini, ásɛ he won jemɛ kɛŋɔ n tɔnee.

Josua 2:12

Rahab berɔ ŋɔ ba be ŋɔ, bá ŋwɛɛ Korowii kɛŋɔ dɛ ba dɛ ba dɛ́ ba yo Jeriko tena aa, baa na o ne o lolanar sumii ɡɛ waa na ba sum la. Dɛ ŋɔ ba ɛ we-ɛɛle bɛl ásɛ o na dɛ́ yarada kɛŋɔ