Amanesoma Mak Aa Chwera Tɔn 14:37 - mzwDBL

³⁷ Asɛ Yeesu berɛ ba ba be dɛ ba na o habɔteŋra batoro la kɛŋɔ ba chɔɔɡe doromi. Anee o bɔɔ Seemɔn Pita ŋɔ, “Chɔe he chɔ aa? He ta wone were tamaa bɛlbwa naa?”

Amanesoma Mak Aa Chwera Tɔn 14:37 ပူးပေါင်းရင်းမြစ်များ

2 Samoɛl 16:17

Anee Absalɔm bɔɔ Husai ŋɔ, “He nyina haa dɛ chaɡle he dam Kooro Devid nɛɛ nɔ naa? Ɛrɛɛ he ne waa wola kaalɛ ɔ?”

Jeremia 12:5

Korowii ŋɔ, “Jeremia, he ne nɛra chwao, he ta ban wone dɛ koh aa, ɛrɛɛ he ne jaɡre ɛɛ ba wona chwa ɔ? He lɔ naa bɔchaah ta naa, ɛrɛɛ hɛɛ ba wona chwa Jɔɔdan Moo nyoa kɔr bini nɔ?

Jona 1:6

Nomoa waa dɛ nyiŋi stiimae la ta la, la Jona be dɛ ka na kɛŋɔ o chɔ dom kwaraa. Asɛ o chumu dɛ ŋɔ, “Bɔree he te dɔ dɛ chɔ aa? Ir, dɛ́ wi yerɛ he voɡ haa dɛ tomɔ, o ken ɛɛ na ya sumii, dɛ́ lɛ yaa le waa nɔ nyoa, ásɛ ya dɔ ya nyu.”

Matiu 25:5

Hanfale jaa la ta fele ba, anomanta, dom chuɡli bitoli la, ba bwa chɔɔɡe doromi.

Matiu 26:40

Yeesu berɔ ba o habɔteŋra batoro la be, dɛ ba na kɛ ba chɔɔɡe doromi, asɛ o ŋɔ Pita be ŋɔ, “He ta wone cha mɛ dɛ so were dɔŋ beŋkpoŋ ɡba naa?

Amanesoma Mak Aa Chwera Tɔn 14:36

Dɛ berɛ soŋo ja ŋɔ, “N Mɛɛ, wobɛlbwa toole haa wola won ɛ. N poori, bɛ ɡel n na a ɡɛ wahala nɔ, kɛ ɛ he tetoowaa dɛ ɡel n tetoowa.”

Amanesoma Mak Aa Chwera Tɔn 14:38

Asɛ o ŋɔ ba be ŋɔ, “Hɛ́ɛ nyiŋi kɛrɛdɛ dɛɛ soŋe Korowii ásɛ Bɔnsam bɛ won neɡre heya. He bambile fe dɛ nyin wedɛɛɡa ɛɛ, kɛ he bwadabii pwɛre.”

Hibru 12:3

Hé nyiŋi ɡɛ nɛnchɔɡa fa aa haoh dɛɛ chɛɡro, asɛ o lawɛ bambile la, ásɛ bɔhwaah bɛ heyaa lawɛ, he le habɔɔ.