Amanesoma Mak Aa Chwera Tɔn 14:35 - mzwDBL

³⁵ Asɛ o la sie tama dɛ ka pi harɛ, dɛ soŋe Korowii ŋɔ a fe ɛɛ maɡroo waa, waa aa dɛ ba la fe bɛ o nɛɛ chiɡ.

Amanesoma Mak Aa Chwera Tɔn 14:35 ပူးပေါင်းရင်းမြစ်များ

Mumpar 17:3

Belaa Abram kpɔ sie pi harɛ asɛ Korowii ŋɔ o be ŋɔ,

2 Webena 7:3

Israel tena la bwa aa na nii la ne Korowii jirima la, ba ɡuŋo, dɛ kpɔ sie pi harɛ bobɛl baa mao bwea ne o ir nyundua, dɛɛ kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.”

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Matiu 26:45

O berɔ ba o habɔteŋra la be dɛ ba pɛɛ ba ŋɔ, “Domii he chɔ dɛɛ onaa? Saŋ baa dɛ ba Men Nɛn Bie la kpɔe do wechɔɡ-ɛɛra nɔn ta la telo.

Amanesoma Mak Aa Chwera Tɔn 14:41

Waa bera ka ba toorotena dɛ ba dɛ chɔɔɡe doromi ja, anee o bɔɔ ba ŋɔ, “He ta chɔɔ dɛɛ onaa? A tonɔ. Saŋ la baa dɛ ba Men Nɛn Bie kpɔe dɛ́ do wechɔɡ-ɛɛra nɔn ta la telo.

Amanesoma Luk Aa Chwera Tɔn 22:41

Waa ŋɔ ɡɛ la, o le ba jwɛɛh dɛ kaa sie tama, dɛ ka ɡuŋi dɛɛ soŋe Korowii,

Amanesoma Jɔn Aa Chwera Tɔn 12:23

Anee o chaŋ ba ŋɔ, “Men Nɛn Bie la tɔpere telo kɛŋɔ Korowii tɛ mɛ jirima.

Mmarare 9:18

Asɛ n berɛ chole dɛ kpɔ n sie pi harɛ Korowii sie tɔpera fifraanaarɛ webaŋa ne jwaana ɡɛ n fa aa kaa di bwejen la ta la. Dɛ maa kwaa di maa nee ɡe nyɔ, he wechɔɡa haa ɛ Korowii o baah di la nomanta.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.

Wepila 4:10

dɛ nomonome fifraanɛ dɛ banaarɛ la laa ba kooɡbɛrɛre pili bil kookara la sie dɛ ɡuŋi naate waa soɡe kookara la ta dɛ do le saŋ bɛlbwa la, dɛɛ duuru ŋɔ,

Wepila 5:14

Hweera kwaa anaarɛ la sio ŋɔ, “Aamen,” asɛ nomonome la ɡe ɡuŋi harɛ dɛ duuru.