Amanesoma Mak Aa Chwera Tɔn 14:13 - mzwDBL

¹³ Belaa o tomɛ ba nɛra banɛ dɛ ŋɔ ba be ŋɔ, “Hé la bwɛjen bini. He kaa na baa bɛl o che vii ne nee aa, hé teŋɛ o nɛ

Amanesoma Mak Aa Chwera Tɔn 14:13 ပူးပေါင်းရင်းမြစ်များ

Matiu 8:9

dɛkalkɛ he dɔ wobɛlbwa kpeɡri. N ɛ nɛn maa lɔ nomonome bane lɔɡa, dɛ dɔ soojare do n ɡe lɔɡa. Mɛɛ wonoo ŋɔ bɛl be ŋɔ, ‘Kaa,’ ó kaa, dɛ́ berɛ ŋɔ onfale be ŋɔ, ‘Ba,’ ó ɡe ba. Mɛɛ wonoo ŋɔ n bonɔɔ be ŋɔ, ‘Ɛ ken tɛ mɛ,’ ásɛ o ɛ.”

Amanesoma Mak Aa Chwera Tɔn 14:12

Paanoo Iisi Aa Wola Toole a ta tɔpeloɡle la taa, baa kpoo Galekaa pebiiri dɛ ɛ nawee we-ɛɛla. Awola tɔpere la, Yeesu habɔteŋra la bɔɔro ŋɔ, “Leperaa hɛɛ nyin kɛŋɔ ya ka ɛ Galekaa kondikwaa la tɛɛ he dio?”

Amanesoma Mak Aa Chwera Tɔn 14:14

dɛ́ ka jo dem waa jo o ta la. He laŋaa, hé ŋɔ dem te la be ŋɔ nomoa la ŋɔ lee dea o ne o habɔteŋra aa dɛ ba Galekaa kondikwaa o bini dii la dɔɔ?

Amanesoma Jɔn Aa Chwera Tɔn 15:14

He dɛ teŋɛ n waa maa kpɔa tɛ heyaa la ta te naa, amɔ dɛ n daamanaree heya.

Amanesoma Jɔn Aa Chwera Tɔn 2:5

O nya berɔ ŋɔ bonɔɔna baa dɛ do sene la be ŋɔ, “Dɛ o baa ŋɔ hé ɛ wobɛlbwa naa, hé ɛ.”

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.