Amanesoma Mak Aa Chwera Tɔn 13:5 - mzwDBL

⁵ Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre.

Amanesoma Mak Aa Chwera Tɔn 13:5 ပူးပေါင်းရင်းမြစ်များ

Kolosi 2:8

Webaɡla ane lole bane ɛɛ baɡle dɛɛ yera wejema. Hé nyiŋa kɛrɛdɛ. A ɛ nyosone kɛɛ wepuu ba kpɔ dɛɛ neɡre nɛra. Nɛwɛnyini nawee waa, ne koŋkwaa aa dɛ di kpeɡri harɛ nɔ ta wejema waa baa baɡle la. Yeesu Kristo be laa a le.

Ɛfesos 5:6

He bɛ ɡel nomɛlbwa kpɔ wepuu neɡre heya. A ɡɛ waa nɔ bwa waa Korowii baah di deŋnekpeɡ tena nɛɛ wɛɛ ba ba deŋne tɛra la.

Jeremia 29:8

Men Koranar Bwa Kooro, Israel tena aa dɛ tom mɛ dɛ́ kah heyaa ásɛ he bɛ ɡel keame nyosonteŋna ne voɡra baa soɡe he bini la ɛɛ neɡre heya. He bɛ wepila baa ŋɔa ba dɛ na la yarada.

1 Jɔn 4:1

Yabala, he bɛ nɛra baa ŋɔa ba dɔ Korowii Domadɛɛɡe la, dɛ che o ta dɛɛ baɡle waa la dɛɛ yarada warawara. Hé pese ba, dɛ́ na kɛŋɔ kpeɡri baa dɔa la le Korowii Domadɛɛɡe la be kɛɛ? Dɛkalkɛŋɔ nɛra baa dɛ neɡre nɛra kɛŋɔ ba ɛ Korowii keamere ba harɛ nɔ ta bobɛlbwa pirim.

2 Tesalonika 2:3

He bɛ ɡel nomɛlbwa neɡre heyaa ŋwɛnɛ bɛlbwa ta. Hé jemɛ kɛŋɔ waane ɛɛ ɛo mɔɔ ásɛ tɔpere la ba. Gɛ saŋ nɛra aa ir dɛ́ warɛ pirim dɛ́ vɛh Korowii la ɛɛ bao, mɔɔ nɛn waa ɛ Kristo dɔm tenten Korowii bandia aa lɔ o nɛɛ kɛŋɔ ó chɔɡo la le.

1 Kɔrent 15:33

He bɛ ɡel nɛra ɛɛ neɡre heya. Danchɔɡe kpɔe dɛ chɔɡ dadɛɛɡe.

Amanesoma Luk Aa Chwera Tɔn 21:8

Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre. Nɛra pirim ɛɛ kpɔ n sɔnee ba dɛ́ ba ŋɔ banee men, dɛ́ ŋɔ tɔpere la telo. He bɛ ba nɛɛ teŋɛ.

Amanesoma Mak Aa Chwera Tɔn 13:4

“Waa la haa bola la, saŋ besoo aa ba chiɡa ɔ? Bɔkwaa dɛɛ ba baɡla kɛ ɡɛ waa nɔ chiɡa teloo?”

Amanesoma Mak Aa Chwera Tɔn 13:6

Nɛra ɛɛ warɔɔ dɛ́ kpɔ n sɔn ba dɛ́ ba ŋɔ banee men. Ba bɛlbwa ɛɛ ŋɔɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛra la, dɛ́ neɡre nɛra pirim.