Amanesoma Mak Aa Chwera Tɔn 13:15 - mzwDBL

¹⁵ Nomɛlbwa waa soɡe saldoa ɡe, o bɛ berɛ koh o te ŋɔ o dɛ tu dɛ́ jo dea dɛ́ ka kpɔ komɛl kpa.

Amanesoma Mak Aa Chwera Tɔn 13:15 ပူးပေါင်းရင်းမြစ်များ

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

We-ɛɛla 27:38

Yaa di kwaa vaɡre ɡɛ yaa dɛ nyin la, ba ɡɔɔ men baa kpɔa dɛɛ ɛ paanoo la ta mpo la ta, ásɛ stiimae la do fɛɡre.

Sɛɡla 22:3

Wejereme dɛ na waa aa lɔ sie dɛɛ ba dɛ fel dɛɛ kea, nɛn waa wola wobɛlbwa jemɛɛ yon ka jo a ta dɛɛ na wa.

Job Tɔn 2:4

Bɔnsam chaŋe Korowii ŋɔ, “Nɛn dɛ nyin o nyu aa, wɛɛ won kpɔ kwaa waa dɔa bwa charɛ.

Mumpar 19:26

Lɔt haah te keo nyiŋi, anomanta, o berɛ yabwejen che bela.

Mumpar 19:22

Ɛ warane, dɛ́ chwa kaa. Dɛ he ta bela telaa, maa won ɛ wobɛlbwa.” A waa ba pa bwɛɛ la sɔn Soar.

Amanesoma Mak Aa Chwera Tɔn 13:16

Nomɛlbwa waa lɔ koo ta bɛ berɛ ŋɔ o dɛ kaa dem dɛ́ ka kpɔ o yal kpa.