Amanesoma Mak Aa Chwera Tɔn 13:13 - mzwDBL

¹³ Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Amanesoma Mak Aa Chwera Tɔn 13:13 ပူးပေါင်းရင်းမြစ်များ

Daneɛl 12:12

Nɛra baa so kasinteŋ ne, dɛ́ kpa ka tel tɔpera kaɡboŋ lafraatoro fifraatoro dɛ anue aa ba kaa la, ba na som.

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Matiu 24:13

Kɛ nomɛlbwa waa wola n habɔɔ leɛ, dɛ won teŋɛ n nɛɛ ka tonɛ la, wɛɛ dɔ o nyuu.

Matiu 24:9

Ásɛ mɔɔ ba ta lawɛ heyaa tɛ nɛra, ba ɛ heyaa hɔhɔrɔwa dɛ́ kpoo heya. Nomɛlbwa ɛɛ koh n waa hah heya.

Amanesoma Mak Aa Chwera Tɔn 13:12

Nɛra ɛɛ le ba ɡbaɡba lolanaree tɛ bá kpoo ba, baala le ba bii tɛ bá kpoo ba, ásɛ bechale ɡe ir che ba nyare ne mɛɛnanar nɛ, dɛ́ ɡel baa kpoo ba.

Amanesoma Luk Aa Chwera Tɔn 21:17

Nomɛlbwa ɛɛ koh n waa hah heya.

Amanesoma Luk Aa Chwera Tɔn 6:22

Dɛ nɛra koh Men Nɛn Bie nɔ waa dɛ hah heya, dɛ vɛh heya, dɛ chɛɡre heya, dɛ yerɛ he sɔnchɔɡe aa, he na som.

Amanesoma Jɔn Aa Chwera Tɔn 15:21

Anɔ bwaa baa ba n waa koeh dɛɛ ɛ heya, dɛkalkɛŋɔ baa naate waa tom mɛ la jemɛ.

Amanesoma Jɔn Aa Chwera Tɔn 17:14

Maa bol he Amanesoma la baɡ ba la, a ɡelɔ ba ta nɛra baa dɔ harɛ nɔ ta ɡbo liire nɛɛ jae kpa, ɡɛ maa wola ba nɛɛ jae la. Anomanta, ba hah ba.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Galaasia 6:9

He bɛ ɡel ya bwara ɛɛ hwah ya wedɛɛɡa ɛɛ ta. Dɛ ya swɛɛ siwi a ta naa, Korowii Tɔpere La telaa, yaa komaa.

Hibru 10:39

Ya ta nɛra baa dɛ le habɔɔ dɛɛ nyoɡre la ɛɛ. Nɛra baa dɛ yarada dɛɛ dɔ mkpa laanee yan.

Hibru 3:14

Gɛ ya yarada aa doa le mumpar la, dɛ ya wono che ɡɛ kiŋkiŋ ka tel wobɛlbwa jaɡa aa, dɛ ya ne Yeesu Kristo pɛo wobɛlbwa ta.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

1 Jɔn 3:13

Yabala, dɛ nɛra baa dɔ harɛ nɔ ta ɡbo liire hah heya aa, he bɛ ɡel a ɛ heyaa nyokpoa.

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.

Wepila 3:10

Haa noa tɛ mɛ, dɛ lawɛ bambile dɛ na wahala nomanta, mɛɛ lɛ heyaa le wahala aa dɛ ba harɛ nɔ ta nɛra bwa nɛɛ dɛ́ ba daah ba la ta.