Amanesoma Mak Aa Chwera Tɔn 12:9 - mzwDBL

⁹ Asɛ Yeesu bɔɔ ba ŋɔ, “Ɛrɛɛ hɛɛ lii kɛŋɔ a ɡɛ koo te nɔ ɛɛ ɛɔ wɔ? Wɛɛ ba kpoo a ɡɛ nɛra laanee, dɛ́ kpɔ koo la do nɛnfala nɔn ta.

Amanesoma Mak Aa Chwera Tɔn 12:9 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 10:20

Korowii keame Aesaya te kwaraa chwerɛ Korowii wobol ane a ɡwaa ɡɛ. O chwerɔ ŋɔ, “Nɛra ba fa aa wola n bɔr ɡaaɡe la, ban na mɛ, banɔ la ba fa aa wola n waa bɔɔ la, banee n kpɔ n te chaɡle.”

Amanesoma Luk Aa Chwera Tɔn 19:27

N dɔma la baa ŋɔa baa men nyin kɛ n ɛ ba kooro la ɡe, hé laɡ ba ba n siwi ta bonɔ dɛ́ ba kpoo ba!’ ”

Matiu 21:43

Anomanta, n dɛ ŋɔ he be ŋɔ, Korowii ɛɛ lɛ o kora laanee le he be, dɛ́ kpɔ ka tɛ banɔ la baa dɛ ba wona nyiŋi o ta kɛrɛdɛ la.

Matiu 22:7

A ɛ kooro la bandia kohona dɛ ɡel o tomɛ o soojare ba ka kpoo banɔ la baa kpoo o bonɔɔna la, asɛ dɛ fuh ba bwɛjen la ɡe.

Matiu 12:45

dɛ berɛ ka na kɛ baa la liire chaahnɔ kɛŋɔ dea baa chaaro dɛ kwaaro kɛrɛdɛ, kɛ dɛ ɡel o chɔ pɛɛ. Gɛɛ o yon la ka kpɔ o bala banuanɛ aa ɡwaalo kwara. A bwa yon ba so naate la nɛ, dɛ́ chɔɡ o da ɡwaa ɡɛ o fa aa doa wubwa la. Gɛɛ aa ba doe fini nɔ nɛra baa ɛ nɛnchɔɡa nɔ nɛ.”

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Jeremia 17:3

dɛ bwejena bwa dor. Mɛɛ ɡeloo he dɔma ba kpɔ he kondɔɔh, ne laala a yoɡ aa kpeɡa bwa, dɛ bwejena dor haa dɛ tomɛ voɡare la do ba nɔn ta, he wechɔɡa bwa haa ɛa harɛ la ta wa.

Aesaya 65:15

He sɔn ɛɛ berɛ tooh tɛ nɛra maa lee ba tɛ n te laanee. Men Nemenɛ Korowii ɡbaɡba ɛɛ kpoo heyaa, dɛ́ tɛ banɔ la baa dɛ duu mɛ kɛrɛdɛ la sɔnfale.

Aesaya 29:17

A ka tamaa Lɛbanɔn kɔr berɛ harɛpare ondɛɛɡe, ásɛ o ta kwaa do kɛŋɔ kɔr bini kwaa ken.

Josua 23:15

Gɛ Korowii aa wona baɡɛ heyaa nyoa a bwa won ɛ nɔ, ɡɛɛ wɛɛ ba wona chɔɡ heya, ka tel kɛŋɔ waa kpoo heyaa le harɛdɛɛɡe nɔ waa kpɔa tɛ heyaa la ta.

Matiu 21:34

Nɔna la koma aa tela la, o tomɛ o bonɔɔna ŋɔ bá la nɛra la aa dɛ nyiŋi koo la ta la be, dɛ́ ka lɛ o dibɔr ba tɛo.

Amanesoma Mak Aa Chwera Tɔn 12:8

Ba lawɛ bie la dɛ kpoo dɛ kpɔɔ viɡri koo la baŋ.”

Amanesoma Mak Aa Chwera Tɔn 12:10

Ba chwerɔ do Korowii Tɔn la bini ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la.