Amanesoma Mak Aa Chwera Tɔn 12:7 - mzwDBL

⁷ Nɛra la aa na o bie la la, ba den ŋɔ, ‘Yoowa, baa la ɡbaɡba biee la. O mɛɛ toole naa, on dɛɛ ba o kapɛrɛ dii. Hé ɡel ya kpoo, ásɛ dɛ o mɛɛ baa sewaa, dɛ kwaa la ɛ ya kwa.’

Amanesoma Mak Aa Chwera Tɔn 12:7 ပူးပေါင်းရင်းမြစ်များ

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Mumpar 37:20

Hé ba ya kpoo, dɛ́ kpɔɔ ta kɔlɔŋ nɔ bɛl nee aa wola toole o bini nɔ bini, dɛ́ ka ŋɔ olchɔɡe bɛl lawɔ chwe, dɛ́ na ɡɛ o deera waa deera la aa dɛ ba chiɡa.”

Aesaya 49:7

Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

Matiu 21:34

Nɔna la koma aa tela la, o tomɛ o bonɔɔna ŋɔ bá la nɛra la aa dɛ nyiŋi koo la ta la be, dɛ́ ka lɛ o dibɔr ba tɛo.

Amanesoma Mak Aa Chwera Tɔn 12:12

Yeesu aa bol a ɡɛ waa nɔ dɛ kpɔ sɛɡle la, dɛ Juu tena nomonome la dɛ́ nyin bɔr dɛ́ lawɔ, dɛkalkɛŋɔ dɛ ba jemɔ kɛŋɔ banee o sɛɡle. Kɛ dɛ ba dɛ ɔmɛ nɛnlaa baa lɔ bela la, dɛ ɡelo dɛ kaa.

Amanesoma Mak Aa Chwera Tɔn 12:6

Dɛ nɛn waa kaa ó tomɛ bwaa o ɡbaɡba bie waa dɛ nyinu ɡwaa komɛlbwa. O bonɔɔna la bwa aa baa tonɛ la, o bie laanee o ka mun tomɛ dɛ ŋɔ, ‘Ba na n bie nɔ te naa, baa heehroo.’

Amanesoma Mak Aa Chwera Tɔn 12:8

Ba lawɛ bie la dɛ kpoo dɛ kpɔɔ viɡri koo la baŋ.”

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

We-ɛɛla 5:28

“Yaa kah heyaa ŋɔ he bɛ too ɡel ya na heyaa hɛɛ bol baa nɔ waa la, ɛrɛɛ he berɛ dɛɛ ɛ ja nɔɔ? Hé nyiŋi na kɛŋɔ haa bol o waa a perɛ Jerusalam bwa ɡɛ! Ɛrɛɛ he chaa o seo waa dɛɛ choɡ yaa ŋɔ yan ɡela ba kpoo nɔɔ?”

We-ɛɛla 7:52

Korowii keamere la bini ume nɛɛ he naawa aa wola cheɡɛ dɛ ɛo saɡasaɡa nɔ? Ba ta nɛra Korowii aa toma ŋɔ bá ba bol o Bonɔɔ la bala waa la kpooraa? Waa bala la, he ɡe ta on yoɡe dɛ kpoo wa aa?

Hibru 1:2

Fini tɔpera nɔ aa ka mun nɔ te, o Bie nɛɛ o che dɛɛ bol waa ya be. Korowii Bie nɔɔ o kpɔ cheɡ kɛŋɔ o toole naa, onee lole dɛ dɔ komɛlbwa. O nɛɛ Korowii che dɛ ta komɛlbwa.