Amanesoma Mak Aa Chwera Tɔn 12:6 - mzwDBL

⁶ Dɛ nɛn waa kaa ó tomɛ bwaa o ɡbaɡba bie waa dɛ nyinu ɡwaa komɛlbwa. O bonɔɔna la bwa aa baa tonɛ la, o bie laanee o ka mun tomɛ dɛ ŋɔ, ‘Ba na n bie nɔ te naa, baa heehroo.’

Amanesoma Mak Aa Chwera Tɔn 12:6 ပူးပေါင်းရင်းမြစ်များ

Mumpar 22:12

Asɛ o ŋɔ, “Dɛɛ berɛ bie la wobɛlbwa ɛɛ. Namee n ta jemɛ kɛŋɔ he dɛ ɔmɛ Korowii, dɛkalkɛ he ta men he bibeŋkpoŋ nɔ kwaraa vɔmɛ.”

Mumpar 22:2

Belaa o ŋɔ o be ŋɔ, “Kpɔ he bibeŋkpoŋ Aesek haa dɛ nyin o waa la kaa Moria harɛ ta dɛ́ ka kpoo, dɛ́ fuuh ɛ saraha tɛ mɛ. Mɛɛ baɡlee bwejen bɛl haa ka ɛ saraha la o taa.”

Mumpar 37:3

Dɛ Josef ɛ Jekɔb banjenbie, anomanta, dɛ o dɛ nyin o waa ɡwaa o bii la bwa. Asɛ o nyarɛ batakaarejaŋ ondɛɛɡe bɛl baa di ɡwini dawɛ o ta tɛo.

Mumpar 44:20

Asɛ ya chaŋe ŋɔ ya dɔ mɛɛ o hwɛɛh dɛ dɔ nime bɛl ɡe. Ya mɛɛ aa hwɛɛhra la taa o lolɔ, asɛ o dɔɔ o ne waa pɛ nya la sewɛ a ka o ɡbo, anomanta, o mɛɛ dɛ nyin o waa taeh.

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

Yela 2:7

Kooro la ŋɔ, “Mɛɛ bol waa Korowii aa bola la waa. O ŋɔ n be ŋɔ, ‘N Biee hen, fini n berɛ he Mɛɛ.

Aesaya 42:1

Korowii ŋɔ, “N bonɔɔ maa leo dɛ tɛo kpeɡrii nɔ, n sie lɛ o nɛɛ taeh. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

Matiu 26:63

Yeesu mwaa o ne, o ta wobɛlbwa chaŋɛ. Anee Sɔfonomoa la berɛ ŋɔ o be ja ŋɔ, “N ŋwɛɛ Korowii waa lole saŋ bɛlbwa nɔ kɛŋɔ, dɛ henee o Bie Kristo la waa baɡɛ yaa nyoa ŋɔ wɛɛ tomɔɔ ó ba lɛ yaa la aa, ɡel ya jemɛ fini.”

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Amanesoma Mak Aa Chwera Tɔn 1:11

Asɛ o no taa bɛl le nyundua ŋɔ, “Henee n bie maa dɛ nyin he wa, he wa ɛɛ su n siwi.”

Amanesoma Mak Aa Chwera Tɔn 12:5

Asɛ koo te la berɛ tomɛ o bonɔɔna la bɛl ja, asɛ nɛra la lawɔ dɛ kpoo. Gɛɛ o tomɛ toroma bane ja, asɛ ba lɔɔ bane dɛ kpo bane ɡe.

Amanesoma Mak Aa Chwera Tɔn 12:7

Nɛra la aa na o bie la la, ba den ŋɔ, ‘Yoowa, baa la ɡbaɡba biee la. O mɛɛ toole naa, on dɛɛ ba o kapɛrɛ dii. Hé ɡel ya kpoo, ásɛ dɛ o mɛɛ baa sewaa, dɛ kwaa la ɛ ya kwa.’

Amanesoma Mak Aa Chwera Tɔn 9:7

Belaa bam bɛl ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinuu nɔ. Hé cheɡ deŋne dɛ́ no o be.”

Amanesoma Luk Aa Chwera Tɔn 3:22

asɛ Korowii Domadɛɛɡe do kɛŋɔ borɔnoma ken dɛ ba so o nɛ, asɛ ba no taa bɛl nyundua kɛŋɔ, “Henee n bie maa dɛ nyin he wa, he waa ɛɛ su n siwi.”

Amanesoma Luk Aa Chwera Tɔn 9:35

Belaa taa bɛl le bam la bini ŋɔ, “N Bie maa leo laanee la. Hé no o be!”

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Amanesoma Jɔn Aa Chwera Tɔn 1:34

A ɡɛ waa nɔ chiɡo n na, anomanta, n dɛ ŋɔ he be ŋɔ Korowii Biee on.”

Amanesoma Jɔn Aa Chwera Tɔn 1:49

Anee Nataaneɛl ŋɔ, “Nomoa, Korowii Biee hen. Henee Israel tena Kooro la.”

Amanesoma Jɔn Aa Chwera Tɔn 3:35

Korowii nyin o Bie la taeh, dɛ kpɔ wobɛlbwa kpeɡri do o nɔn ta.

Amanesoma Jɔn Aa Chwera Tɔn 5:23

Dɛ ŋɔ nómɛlbwa tɛ o Bie la jirima ɡɛ tenten baa dɛ tɛo jirima la. Anomanta, nomɛlbwa waa wola o Bie la jirima tɛ la, dɛ ɡɛɛ waa wola o Mɛɛ la waa tomɔ la jirima tɛ.

Hibru 1:6

Korowii aa dɛ ba o Bie waa lɔ o be loɡla la harɛ ta toma la, o bolɔ ŋɔ, “A chɛ kɛ nyundua toroma bwa ɛɛ tomɔ.”

1 Jɔn 4:9

Kenii o baɡle o nyina waa dɛ nyin yaa. O ɡelɔ o bibeŋkpoŋ la ba harɛ nɔ ta, ásɛ ya che o nɛɛ dɛ́ dɔ mkpa.

3 Jɔn 1:1

Men Nomoa Jɔnee chwerɛ tɔn nɔ, dɛɛ tɛ n dandɛɛɡe Gayos maa koh beŋkpoŋ ya bwa aa ɛa Korowii kasinteŋ waa la ta la, dɛɛ nyin he waa la.