Amanesoma Mak Aa Chwera Tɔn 12:26 - mzwDBL

²⁶ Nɛra seo ta ira ɡe la nɔ, dɛ he dɛ lii Mosis Tɔn bini waa ane aa dɛ baɡle dawii fuih la wa aa, ba chwerɛ bela ɡɛ Korowii aa ŋɔ Mosis be ŋɔ, ‘Menee Korowii he nabaala Abraham ne Aesek dɛ Jekɔb aa tomɔ la aa?’

Amanesoma Mak Aa Chwera Tɔn 12:26 ပူးပေါင်းရင်းမြစ်များ

Mumpar 26:24

Awola jwaana la ne la, Korowii ba o be kɛŋɔ deera ta ken dɛ ŋɔ, “Menee Korowii he mɛɛ Abraham aa tomɔ la. Bɛ dɛɛ ɔmɛ, mɛɛ che he habɔɔ. Mɛɛ koh n bonɔndɛɛɡe Abraham waa dɛ́ tɛɛ hɛɛra dɛ́ ɡel he naanar warɛ.”

Mumpar 28:13

Dɛ Korowii cheɡɛ o jwɛh dɛ ŋɔ, “Menee Korowii, menee he mɛɛ Abraham ne Aesek tomɛ la. Harɛ haa chɔ o ta nɔ, he ne he naanaree mɛɛ ba kpɔe tɛ.

Mumpar 31:42

Korowii n nabaa Abraham ne n mɛɛ Aesek aa tomɔ la laa teŋɛ n nɛɛ aa, he fe ɡelɔ n kpɔ nɔŋɡbala kaa. Kɛ Korowii na n wenaale ne n toma maa ɛa, a waa dɛ jwaana ne o ba pa bole la.”

Mumpar 32:9

Belaa o soŋe Korowii ŋɔ, “Korowii n nabaa Abraham ne n mɛɛ Aesek aa tomɛ, hen ŋɔ n be ŋɔ ń berɛ kaa n bwɛ n lolanar bini, dɛ ŋɔ hɛɛ ɡeloo n wobɛlbwa do wer.

Mumpar 33:20

O ɛ kon baa ɛ saraha o ta dɛɛ tɛ Korowii bela, asɛ dɛ pa o sɔn ‘Korowii Israel tena aa dɛ tomɔ’.

Kaala 3:16

La ka cheme Israel nomonome dɛ́ ŋɔ ba be ŋɔ, ‘Korowii he naawa Abraham ne Aesek ne Jekɔb aa tomɔ la ba n be dɛ ba ŋɔ, o nyiŋo, dɛ na ɡɛ baa dɛ ɛ heyaa hɔhɔrɔwa Ijipt harɛ.

Amanesoma Mak Aa Chwera Tɔn 12:10

Ba chwerɔ do Korowii Tɔn la bini ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

Amanesoma Mak Aa Chwera Tɔn 12:25

Nɛra baa ir seo ta naa, baa soo kɛŋɔ nyundua toroma, dɛkalkɛŋɔ baa haahna moe ba, baa jaranar ɡe yala ba.

Amanesoma Luk Aa Chwera Tɔn 20:37

Mosis ɡba fa bol seo ta ira nɔ waa kaih ken. Hé nyiŋi bela waa chwerɛ dawii fuih wa, dɛ bol Korowii waa ŋɔ onee Korowii Abraham ne Aesek dɛ Jekɔb aa tomɔ la.

Amanesoma Jɔn Aa Chwera Tɔn 20:17

Belaa Yeesu ŋɔ, “Kpɔ mɛ ta, n ta n Mɛɛ be laŋɛ mɔɔ. Kaa ka ŋɔ n nimanar be ŋɔ, ‘N berɔ dɛɛ kaa nyundua n ne he bwa Mɛɛ waa ɛ ya bwa Korowii la be.’ ”

Tɔn Pɔɔl Aa Chwerɛ Rom Tena 11:2

Korowii ta nɛra o fa aa lee ba cheɡ wubwa ba ɛ o nɛra la vɛɛh. Kɛ he jemɛ ɡɛ Korowii Tɔn aa bol Korowii keame Elaeja waa ŋɔ o chɔɡ Israel tena tɛ Korowii laɔ?