Amanesoma Mak Aa Chwera Tɔn 12:15 - mzwDBL

¹⁵ Dɛ Yeesu jemɛ ba wepɛɛre la mun dɛ ŋɔ, “Ɛrɛɛ hɛɛ haɡre mɛ bela nɔɔ? Hé kpɔ suuɡa bwe ba ń na.”

Amanesoma Mak Aa Chwera Tɔn 12:15 ပူးပေါင်းရင်းမြစ်များ

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

1 Kɔrent 10:9

Ya bɛ Korowii daah dɛɛ na ɡɛ bane fa aa daahno na, asɛ o ɡel harɛ kpɔ ba ba serewe la.

We-ɛɛla 5:9

Belaa Pita pɛɛro ŋɔ, “Ɛrɛɛ he ne he jaa nyoa pɛ asɛ he daah Korowii Domadɛɛɡe dɛɛ na nɔɔ? Bonɔɔna baa kaa huɡe he jaa laanee tel doonyoa la. Baa che he ɡee le buse.”

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

Amanesoma Luk Aa Chwera Tɔn 20:23

Dɛ Yeesu jemɛ ba webɔɔre la mun, dɛ ŋɔ,

Amanesoma Mak Aa Chwera Tɔn 10:2

Farisii tena bane ba bela dɛ baa haɡro bela dɛ fe ɛɛ nyin dɛ́ lawɔ. Ba bɔɔro ŋɔ, “Mmara dɛ tɛ ŋwɛnɛ kɛŋɔ baa vɛh o haah naa?”

Matiu 22:18

Yeesu tɔ sie jemɛ ba liichɔɡa, anomanta, o ŋɔ ba be ŋɔ, “He nɛra haa nyiŋi nɛra sie mɔɔ dɛɛ ɛ wa! Ɛrɛɛ hɛɛ nyin dɛ́ har mɛ bel nɔɔ?

Ɛsekeɛl 17:2

“Nɛwɛnyini bie, ka sɛɡle Israel tena

Matiu 20:2

O ne ba di yoɡ, asɛ ba sɛh kɛ baa ɛ toma tɔpebir la bwaa, dɛ́ lɛ denaare beŋkpoŋ aa ɛ tɔpebir toma kembɔr, asɛ o ɡel paa tena la kaa koo la ta.

Amanesoma Mak Aa Chwera Tɔn 12:14

Asɛ ba ba ŋɔ o be ŋɔ, “Nomoa, ya jemɔ kɛŋɔ he dɛ bol kasinteŋ. He ta waa bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol waa kɛŋɔ bɛl ɛ kooro kɛɛ nomoa kɛɛ bechala nɔ. Korowii ŋwɛnɛɛ hɛɛ baɡle nɛra kasinteŋ ne. Webeŋkpoŋii yaa nyin ya jemɛ. Onee kɛŋɔ ya Mmara nɔ dɛ tɛ yaa ŋwɛnɛ kɛŋɔ yá bɔ toɔ dɛ́ɛ tɛ Rom Koojen Siisa la aa, kɛɛ waa yaa ŋwɛnɛ tɛ?”

Amanesoma Mak Aa Chwera Tɔn 12:16

Anee ba kpɔ bɛl tɛo, asɛ o bɔɔ ba ŋɔ, “Ume nyu ne o sɔnee dawɛ suuɡa nɔ ta nɔɔ?” Asɛ ba chaŋe ŋɔ, “Koojen Siisa laanee.”

Amanesoma Jɔn Aa Chwera Tɔn 8:6

Ba pɛɛro ɡɛ waa nɔ dɛ́ kpɔ daahno na kɛŋɔ wɛɛ bol waanee ásɛ ba fee dɔ o nyoa lawɛ. Belaa Yeesu joŋi asɛ dɛ kpɔ o nonii dɛɛ chwerɛ harɛ.