Amanesoma Mak Aa Chwera Tɔn 12:14 - mzwDBL

¹⁴ Asɛ ba ba ŋɔ o be ŋɔ, “Nomoa, ya jemɔ kɛŋɔ he dɛ bol kasinteŋ. He ta waa bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol waa kɛŋɔ bɛl ɛ kooro kɛɛ nomoa kɛɛ bechala nɔ. Korowii ŋwɛnɛɛ hɛɛ baɡle nɛra kasinteŋ ne. Webeŋkpoŋii yaa nyin ya jemɛ. Onee kɛŋɔ ya Mmara nɔ dɛ tɛ yaa ŋwɛnɛ kɛŋɔ yá bɔ toɔ dɛ́ɛ tɛ Rom Koojen Siisa la aa, kɛɛ waa yaa ŋwɛnɛ tɛ?”

Amanesoma Mak Aa Chwera Tɔn 12:14 ပူးပေါင်းရင်းမြစ်များ

1 Tesalonika 2:4

Anɔ la Korowii aa dɛ nyin laanee yaa bol. Yanee o dɔ hwɛɡa tɛ kɛŋɔ ya bol o Amanesoma la. Anomanta, yaa anɔ la nɛwɛnyini sie aa dɛ lɛ a ta bol, kɛ anɔ la Korowii waa jemɛ bambile bɛlbwa waa la aa dɛ nyin la, anee yaa bol.

Galaasia 2:6

Nɛra la bini banɔ la baa dɛ lii ba nɛnjena la ta wone dɔ wobɛlbwa bol dɛ ja Amanesoma maa dɛ bol la ta. N te kwaraa waane laa ba nɛnjena ɛɛ wa, dɛkalkɛŋɔ Korowii aa nɛnjena kɛɛ nɛnjeɡre nyiŋi.

Galaasia 1:10

Maa ŋɔ ken nɔ, dɛ nɛwɛnyini bee mɛɛ nyin sɔn kɛɛ Korowii be nɔ? Maa sɔn nyin nɛwɛnyini be, Korowii bee mɛɛ nyin sɔn. Dɛ nɛwɛnyini bee mɛɛ nyin sɔn te naa, n fe ta Yeesu Kristo bonɔɔ ɛɛ.

2 Kɔrent 5:16

Anomanta, fini habɔɔ, yaa nɛra nyiŋi ɡɛ nɛwɛnyina aa dɛ nyiŋ ba la. Ya fa dɛ nyiŋi Yeesu Kristo ɡba ɡɛ, kɛ yaa on ɡɛ nyiŋi kpa.

2 Kɔrent 5:11

Yaa jemɛ ɡɛ Korowii aa do ɔma la waa ya bol waa dɛɛ baɡle nɛra ásɛ ba jemɛ kasinteŋ la. Korowii jemɛ ya bambile bini bwa. N dɛ lii kɛŋɔ he ɡe jemɛ ya nɛnsoore he bambile bini.

2 Kɔrent 2:17

Nɛra kɛrɛdɛ kpɔ Korowii waa la berɛ bona dii dɛ yoɡ dɛɛ di. Ba laa yan. Korowiirii tɛ yaa waa nɔ ŋɔ yáa bola, ásɛ yaa bola o siwi ta bambile bwa ne, pɛɛ ya ne Yeesu Kristo aa pɛa la nomanta.

2 Kɔrent 2:2

N ɡelɔ he tea bini chɔɡ aa, umee dɛ́ lar mɛ bwara jaɔ? Nɛn toole, nemenɛ he tenten maa chɔɡ he tea bini la.

Amanesoma Jɔn Aa Chwera Tɔn 7:18

Dɛ nɛn kpɔ o kpeɡri dɛɛ baɡle wa aa, o nyin sɔn dɛɛ tɛ o ɡbaɡba. Nɛn waa nyin sɔn dɛɛ tɛ nɛn waa tomɔ la te la, o waa dɔ kasinteŋ, waa nɛra neɡre.

Tɔn Pɔɔl Aa Chwerɛ Rom Tena 13:6

A waa a do wer kɛŋɔ hɛɛ bɔ toɔ ɡe la, dɛkalkɛŋɔ nomonome baa do toɔ lɛɛ mmara nɔ la, Korowii tomaa baa ɛ ɡɛ la.

Amanesoma Luk Aa Chwera Tɔn 23:2

dɛ ka haŋɛ o nyoa ŋɔ, “Ya lawɛ baa nɔ kɛ waa dɛ chɔɡ ya harɛ. O dɛ do nɛra dochɔɡa ŋɔ ba bɛ toɔ bɔ dɛɛ tɛ Rom Koojen Siisa kpa, dɛ berɛ dɛɛ ɛ o te ya Juu tena kooro Kristo la Korowii aa baɡɛ yaa nyoa ŋɔ wɛɛ ɡeloo o ba ba lɛ yaa la.”

Amanesoma Luk Aa Chwera Tɔn 20:22

Webeŋkpoŋii yaa nyin kɛŋɔ ya jemɛ. Onee kɛŋɔ ya mmarare dɛ tɛ yaa ŋwɛnɛ kɛ ya bɔ toɔ dɛɛ tɛ Rom Koojen Siisa kɛɛ ya bɛ dɛɛ bɔɔ?”

Amanesoma Mak Aa Chwera Tɔn 14:45

Waa baa tel Yeesu be la, o ɡbaaro pɛl o bambile dɛ mo o lwɛɛma dɛ ŋɔ, “N Dɔɔ!”

Matiu 22:17

Anomanta, chaɡle yaa ɡɛ haa na waa nɔ yá jemɛ. Ya mmarare dɛ tɛ yaa ŋwɛnɛ kɛ ya bɔ toɔ dɛɛ tɛ Rom Koojen Siisa la aa, kɛɛ waa yaa ŋwɛnɛ tɛ?”

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Jeremia 42:20

he kono kohona, a chɛ kɛ hé sewɛ. He ŋɔ n be ŋɔ ń soŋe Korowii yaa dɛ tomɔ ó nyiŋi he nɛ, dɛ baɡɛ nyoa ŋɔ hɛɛ teŋɛ waa waa do heyaa bwa taa.

Yela 120:2

N Naa Korowii, lɛɛ mɛ le nyosonteŋna baa dɛ neɡre nɛra nɔn ta.

Yela 55:21

O nyoa wobol pwɛre kɛŋɔ noo ken, kɛ dɛ liichɔɡa lɔ o bambile ta, dɛ won mɔna kɛŋɔ kerenyɛɡ ken.

Nehemia 9:37

Ya wechɔɡa nomanta, harɛ la ta kondikwaa bwa dɛ kaa koranar yaa lɔ ba lɔɡa be. Gɛ baa dɛ nyin laanee baa ɛ ya ne ya kondɛɛra, anomanta, ya lɔ wahala kohona ta.

2 Webena 19:7

Hé kpɔ duure dɛɛ tɛ Korowii, dɛ́ nyiŋi kɛrɛdɛ dɛɛ bol waa aŋwɛnɛ ta, dɛkalkɛ Korowii yaa dɛ tomɔ be te, waa waa sie berɛ bole pae ta, waa nɛn siebɔr kɛɛ sen yawa nyiŋi.”

2 Webena 18:13

Anee Korowii keame Mikaya chaŋe ŋɔ, “N ŋwɛɛ Korowii waa lole kɛŋɔ, mɛɛ bol waa Korowii maa dɛ tomɔ aa ŋɔa ń bol o bee.”

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

2 Kɔrent 4:1

Korowiirii sune ya nɛɛ dɛ tɛ yaa toma nɔ, anomanta, ya bwara aa yaa hwah.

Matiu 22:16

Anomanta, ba tomɛ ba habɔteŋra bane ne Hɛrɔd nɛra bane, ba ba o be dɛ ba ŋɔ, “Nomoa, ya jemɔ kɛŋɔ kasinteŋ ɡboo hɛɛ bol, haa nyosone teŋe. Korowii ŋwɛnɛɛ hɛɛ chaɡle nɛra kasinteŋ ne. He ta bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol wa, kɛŋɔ bɛl ɛ kooro kɛɛ nomoa kɛɛ bechala nɔ.

Amanesoma Mak Aa Chwera Tɔn 12:13

Baa kaala la, ba kaa tomɛ Farisii tena ne Hɛrɔd habɔɔ tena bane ŋɔ bá ba haɡre Yeesu bela wepɛɛre ne dɛ́ lawɔ.

Amanesoma Mak Aa Chwera Tɔn 12:15

Dɛ Yeesu jemɛ ba wepɛɛre la mun dɛ ŋɔ, “Ɛrɛɛ hɛɛ haɡre mɛ bela nɔɔ? Hé kpɔ suuɡa bwe ba ń na.”