Amanesoma Mak Aa Chwera Tɔn 12:1 - mzwDBL

¹ Yeesu kpɔ sɛɡla bol waa baɡle nɛra la dɛ ŋɔ, “Baa bɛlee fa lole dɛɛ parɛ daa baa kpɔ a nɔna dɛɛ ɛ sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela, bá so o ta dɛɛ daah koo la, dɛ kpɔ nɛra báa ɛ koo la toma, a koma telaa, bá dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.

Amanesoma Mak Aa Chwera Tɔn 12:1 ပူးပေါင်းရင်းမြစ်များ

Aesaya 7:23

Gɛ saŋ la, bobɛlbwa baa parɛ daa kooni la, daa kaɡboŋ a yoɡ aa ɛ suuɡapoŋa kaɡboŋ la bwa ɛɛ heo, bela berɛ le sɔɔhne ne jabalnadaŋɛre ɡbo.

Jeremia 2:21

He fa do kɛŋɔ ɡrepo da o dwee aa wera n kpɔ du. Ɛrɛɛ he berɛ habɔɔ kpo mɛ, dɛ berɛ dachɔɡa aa wola tɔnɔ bɛlbwa dɔe dɛ tɛ mɛ nɔɔ?

Ɛsekeɛl 20:49

Belaa men Ɛsekeɛl ŋɔ, “Nemenɛ Korowii, ba dɛ bol n waa ŋɔ baa waa maa dɛ bol nɔ mun no, a do kɛŋɔ molbie.”

Matiu 13:3

Asɛ o kpɔ sɛɡla bol waa chaɡ ba ŋɔ, “Baa bɛlee ira dɛ kaa merɛ mea o koo ta.

Matiu 21:28

Yeesu berɔ ŋɔ, “Hé no waa nɔ, dɛ́ baɡle ɡɛ haa naa. Baa bɛlee ira dɛ dɔ bibaala banɛ. Awola bɛl, o la o binomoa la be dɛ ka ŋɔ, ‘N bie, fini la n koo la ta ka ɛ toma.’ Anee o bie la ŋɔ,

Matiu 21:33

A habɔɔ la, Yeesu berɔ ŋɔ, “Hé no sɛɡla nɔ ɡe. Baa bɛlee fa lole dɛɛ parɛ kwaane baa kpɔa dɛɛ daa sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela bá so o ta dɛɛ daah koo la, a koma telaa, ba dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.

Matiu 21:34

Nɔna la koma aa tela la, o tomɛ o bonɔɔna ŋɔ bá la nɛra la aa dɛ nyiŋi koo la ta la be, dɛ́ ka lɛ o dibɔr ba tɛo.

Matiu 25:14

Yeesu berɔ ŋɔ, “Awola Men Nɛn Bie la aa ba la, kenii Korowii Kora la ɛɛ ba doe. Baa bɛlee ira dɛɛ ba o ŋwɛnɛ bɛl kaala, dɛ yerɛ o bonɔɔna dɛ kpɔ o suuɡa bwa do ba nɔn ta.

Amanesoma Mak Aa Chwera Tɔn 11:33

Anomanta, ba waa baa bola laanee kɛŋɔ, “Yaa jemɛ.” Anee Yeesu ŋɔ ba be ŋɔ, “Gɛ haa wola jemɛ la, ɡɛɛ n ɡe aa wola heyaa naate waa tɛ mɛ kpeɡri mɛɛ ɛ a ɡɛ waa nɔ maa dɛ ɛ nɔɔ baɡle.”

Amanesoma Mak Aa Chwera Tɔn 13:34

Aa ɛo kɛŋɔ nomoa bɛl aa dɛ ba bobɛl kaala dɛ baɡle o bonɔɔna tomare, dɛ ŋɔ baa waa dɛ nyiŋi o dem ta la be ŋɔ wɛ́ɛ nyiŋi o ta kɛrɛdɛ la.

Amanesoma Mak Aa Chwera Tɔn 3:23

Anee Yeesu yer ba dɛ ŋɔ ba be ŋɔ, “Ɛrɛɛ Bɔnsam ɛɛ ba wona doŋi o tenten nɔ?”

Amanesoma Mak Aa Chwera Tɔn 4:2

Belaa o kpɔ sɛɡla dɛ bol waa chaɡ ba ŋɔ,

Amanesoma Luk Aa Chwera Tɔn 15:13

A ta tɔpere bɛl dii, o bie bechala la yoɡ o te kwaa la bwa, dɛ kpɔ o suuɡa jo pua bojaŋ kaa. Waa laŋa la, o kaa ɛ suuɡa la saɡasaɡa ken.

Amanesoma Luk Aa Chwera Tɔn 19:12

O ŋɔ, “Koobie bɛlee fa lole dɛɛ ba bojaŋ bwɛɛ bɛl ta kaala bá ka cheɡo kora, ásɛ o ba dɛ́ ba ɛ kooro.

Amanesoma Luk Aa Chwera Tɔn 22:9

Anee ba bɔɔro ŋɔ, “Leperaa hɛɛ nyin kɛŋɔ ya ɛa cheɡ ɔ?”

Amanesoma Luk Aa Chwera Tɔn 8:10

Anee o ŋɔ ba be ŋɔ, “Korowii ta o Kora bini wobɛlbwa kpɔe sɔh he te. Kɛ nɛra baa kaa la te, sɛɡla nee mɛɛ ba waa ba be bola, ásɛ a ɛ ɡɛ baa chwera ŋɔ, ‘Ba dɔ sibie kɛ baa na, dɛ dɔ deŋna kɛ baa no, baa waa mun jemɛ.’

We-ɛɛla 7:38

A ɡɛ Mosis nɔ ne ya naawa ne nyundua torome waa bol waa o be Sinai Bwejen ta laanee fa dɛ cheme pua hɛŋle ɡbo harɛ la ta. Belaa Korowii kpɔ o waa aa wola ɡarɛ, aa wola tonɛ ɡe la, tɛo ŋɔ ó ba ŋɔ ya be.