Amanesoma Mak Aa Chwera Tɔn 11:33 - mzwDBL

³³ Anomanta, ba waa baa bola laanee kɛŋɔ, “Yaa jemɛ.” Anee Yeesu ŋɔ ba be ŋɔ, “Gɛ haa wola jemɛ la, ɡɛɛ n ɡe aa wola heyaa naate waa tɛ mɛ kpeɡri mɛɛ ɛ a ɡɛ waa nɔ maa dɛ ɛ nɔɔ baɡle.”

Amanesoma Mak Aa Chwera Tɔn 11:33 ပူးပေါင်းရင်းမြစ်များ

2 Kɔrent 3:15

Hale fini ɡba, saŋ bɛlbwa ba dɛ kure Mosis Mmara Tɔn aa, a ta do kɛ yachaahne aa tɔ ba liire, dɛ ɡel baa a mun no.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Amanesoma Jɔn Aa Chwera Tɔn 9:27

Anee o ŋɔ, “N fa aa bol he be wubwa la, he vɛh noe. Ɛrɛɛ hɛɛ nyin kɛ ń bol jaɔ? He ɡe dɛ nyin he ɛ o habɔteŋra kɛɛ?”

Amanesoma Jɔn Aa Chwera Tɔn 3:10

Anee Yeesu ŋɔ, “Ɛrɛɛ he ɛ Juu tena nomonjen dɛɛ baɡle Korowii Wa, haa wola ɡɛ waa nɔ jemɛ nɔɔ?

Matiu 21:27

Anomanta, ba ŋɔ Yeesu be ŋɔ, “Yaa jemɛ.” Anee Yeesu ŋɔ ba be ŋɔ, “Dɛ haa jemɛ te naa, n ɡe aa heyaa kpeɡri maa dɔa dɛɛ ɛ ɡɛ toma nɔɔ baɡle.”

Matiu 16:4

Fini nɛra haa ɛ wechɔɡ-ɛɛra ɡbo haa wola Korowii ɔmɛ nɔ, heyaa ŋɔa ń ɛ nyokpowaa he na naa? Maa wobɛlbwaa ɛ hé na. Waa aa pu Korowii keame Jona la dɔŋa ɡboo dɛɛ ba n ɡe pui, ásɛ he che a ta dɛ́ jemɛ n nɛnsoo.” Anomanta, o ɡel ba bela dɛ kaa.

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

Aesaya 56:10

Nomonome baa ɛ sitɔɔla dɛɛ daah n nɛra Israel tena la, ba do kɛŋɔ nyoŋa ken, baa waa mun no. Ba do kɛŋɔ nyootena aa wola won wor dɛ chɔ dɛɛ dee ɡbo, dɛɛ nyin chɔe.

Aesaya 1:3

Nao jemɛ o dɔɔ, asɛ keeɡo jemɛ kon o dɔɔ aa kpɔ kondikwaa do o bini dɛɛ tɛo. Kɛ n nɛra Israel tena te aa men jemɛ, baa waa mun no.”

Job Tɔn 5:13

O ɡelɔ nɛra baa dɛ lii kɛŋɔ ba jemɛ waa la ɡbaɡba liire ɛɛ laɡ ba, wobɛlbwa baa ɛ la aa maɡre.

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Amanesoma Mak Aa Chwera Tɔn 11:32

Kɛ dɛ ya ŋɔ nɛwɛnyinii tɛo ɡe aa, aa werii do.” Dɛ ba dɛ ɔmɛ ba ɡbaɡba nɛra la, dɛkalkɛŋɔ dɛ nomɛlbwa yaradao kɛŋɔ Korowii keamee Jɔn.

Amanesoma Mak Aa Chwera Tɔn 12:1

Yeesu kpɔ sɛɡla bol waa baɡle nɛra la dɛ ŋɔ, “Baa bɛlee fa lole dɛɛ parɛ daa baa kpɔ a nɔna dɛɛ ɛ sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela, bá so o ta dɛɛ daah koo la, dɛ kpɔ nɛra báa ɛ koo la toma, a koma telaa, bá dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.