Amanesoma Mak Aa Chwera Tɔn 11:22 - mzwDBL

²² Asɛ Yeesu ŋɔ ba be ŋɔ, “Hé yarada Korowii.

Amanesoma Mak Aa Chwera Tɔn 11:22 ပူးပေါင်းရင်းမြစ်များ

2 Webena 20:20

Tɔ aa pera chɔɔ la, ba leɔ kaa Tekoa pua hɛŋle ɡbo harɛ ta bela. Baa dɛ ba kaala la, Kooro Jehosafat iro che dɛ ŋɔ, “Hé no, Juda ne Jerusalam tena. Hé yarada Korowii haa dɛ tomɔ la, dɛ́ yarada waa o keamere ɡe aa bola la, aa chiɡ heyaa kɛrɛdɛɛ.”

Yela 62:8

Yabala, hé kpɔ he hwɛɡa do Korowii nɛɛ saŋ bɛlbwa, dɛ́ kpɔ he wehiah bwa bil o sie, dɛkalkɛ onee ya chwa kaa marɛ wɛɛ lɛ yaa.

Aesaya 7:9

Israel harɛ ta bwɛjen laa Samaria aa? Kooro Pɛka ɡee bwɛɛ la nyu te. Onee umeo? Dɛ he ta yarada dɔe dɛ che kiŋkiŋ naa, haa won che kɛrɛdɛ kpa.”

Matiu 14:29

Anee Yeesu ŋɔ, “Ba.” Belaa Pita den le ɡbera bini tu nee sie dɛ valɛ dɛɛ kaa o be.

Matiu 17:20

Anee Yeesu ŋɔ, “He yarada aa wola kanɛ waa. Kasinteŋ, dɛ he yarada fe kan kɛŋɔ sipon ɡba aa, hé fe ɛɛ wonoo ŋɔ bwejen nɔ be ŋɔ ó huɡri kaa bela haa dɛ nyin, ásɛ o kaa. Hé fe ɛɛ wonoo ɛ komɛlbwa.

Matiu 21:21

Anee Yeesu ŋɔ ba be ŋɔ, “Kasinteŋ, dɛ he dɔ yarada, haa tɔŋla di he bambile bini naa, hɛɛ wonoo ɛ ɡɛ maa ɛa dɛ ɡel daa nɔ sewɛ nɔ. A ɡbo laa. Hɛɛ wonoo kpɔ yarada ŋɔ bwé nɔ chuɡri ka le mpo ta, ásɛ o chuɡri ka le mpo ta.

Amanesoma Mak Aa Chwera Tɔn 9:23

Anee Yeesu ŋɔ, “Mɛɛ wonoo chaoh waa, a lɔ he be. Nɛn waa yarada Korowii la, Korowii won wobɛlbwa ɛɛ dɛ́ tɛo.”

Amanesoma Jɔn Aa Chwera Tɔn 14:1

Yeesu berɔ ŋɔ, “He bɛ ɡel he bambile chɔɡ! Hɛ́ɛ yarada Korowii ásɛ dɛɛ yarada n ɡe.

Kolosi 2:12

Korowii nee ba fa aa sɔ heyaa la, anee baɡla kɛ he ne Yeesu Kristo bwaa ba pɛ huɡe. Asɛ a berɛ che yarada haa dɛ yarada Korowii ne kpeɡri waa kpɔa ir Yeesu seo ta la ta, he ne o bwa pɛ ir dɛ dɔ mkpa.

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.