Amanesoma Mak Aa Chwera Tɔn 11:20 - mzwDBL

²⁰ A tɔɔ aa pera chɔmbibi ne ba valɛ ŋwɛnɛ ta dɛɛ kaa la, ba kaa le fiɡ daa la ta, dɛ o sewɔ kwaraa le o nyundua ka le o lune bwa ta.

Amanesoma Mak Aa Chwera Tɔn 11:20 ပူးပေါင်းရင်းမြစ်များ

Matiu 15:13

Anee Yeesu chaŋ ba ŋɔ, “Daa te bɛlbwa n Mɛɛ waa lɔ nyundua la aa wola on due la, baa huɡruu ta.

Amanesoma Jɔn Aa Chwera Tɔn 15:6

Dɛ he bɛlbwa ta o te kpɔe pɛl mɛ naa, wɛɛ ɛo kɛŋɔ daa kpale baa teŋo ta asɛ o hol la. Kpala aa do ken la, pae ba paa dɛɛ do nii ta, aa fuh.

Amanesoma Mak Aa Chwera Tɔn 11:14

Belaa Yeesu taah fiɡ daa la ŋɔ, “Nomɛlbwa aa he nɔna dii ba kpa bwa.” Waa ŋɔ ɡɛ la, o habɔteŋra la noɔ.

Matiu 13:6

Kɛ a lune ta wone kaa bini. Anomanta, wee aa lɔa la, a jwalɔ dɛ serewe.

Aesaya 40:24

Ba do kɛŋɔ kwaa baa dua, kɛɛ kwaa baa mera, a pa mun dɛɛ dɔ lune, asɛ Korowii ɡel peu ta a ta a hol, asɛ kawulewule kpɔa kaa kɛŋɔ haahra ken.

Tɔn Jud Aa Chwera 1:12

He yon cheme dɛ pɛ dɛɛ di kondikwaa aa dɛ baɡle beŋkpoŋri ɛɛ haa dɔa he Dɔɔ tom nɔ ta la, a ɡɛ nɛra la lɔ he baah kɛŋɔ doŋa dɛɛ chɔɡ he wer. Ba ta sihiih dɔe. Ba ɡbo waa baa dawɛ, baa nɛra waa dawɛ. Ba waa ta hwɛɡa dɔe kɛŋɔ baama peu aa dɛ kaa a ne aa wola bwaala nee ne ba la. Ba do kɛŋɔ daa aa wola won a nɔna saŋ nɔnɛ, asɛ ba chuɡra ta a den serewe kwaraa la.

Hibru 6:8

Kɛ dɛ harɛ bɛlbwa le kpɔɡa ne sɔɔhne aa, o ta tɔnɔ dɔe. O cheɡɛ Korowii taahna nyoa. Baa fuuh.

Aesaya 5:4

A fe ta ka waane n fee ɛ daa la ta, asɛ n ta wone ɛ kɛɛ? N fe dɛ nyin kɛ a nɔnɛ nɔndɛɛɡa, aah bɔkwaa bera ɡel a nɔnɛ nɔnchɔɡa nɔɔ?

Matiu 21:18

Tɔɔ aa pera chɔɔ, Yeesu le Bɛtani dɛ berɛ baa kaa bwɛjen Jerusalam la, dɛ lɔr dɛ kpoo.

Amanesoma Mak Aa Chwera Tɔn 11:12

Tɔɔ aa pera, ba le Bɛtani dɛɛ ba la, dɛ lɔr lawɛ Yeesu.

Job Tɔn 8:17

A dɛ ta lune bar bwea, ásɛ dɛ lawa kpoŋe kiŋkiŋ.