Amanesoma Mak Aa Chwera Tɔn 10:33 - mzwDBL

³³ dɛ ŋɔ, “Yaa dɛ kaa Jerusalam nɔ, baa ka le Men Nɛn Biee tɛ Sɔfonomonome ne Tɔnjerema la. Baa pa mɛ bolchɔɡee dɛ́ ŋɔ bá kpo mɛ, dɛ́ kpɔ mɛ do nɛra baa wola Juu tena ɛɛ la nɔn ta.

Amanesoma Mak Aa Chwera Tɔn 10:33 ပူးပေါင်းရင်းမြစ်များ

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Matiu 16:21

Le ɡɛ saŋ la, Yeesu bol waa chasee ken dɛɛ baɡle o habɔteŋra la, dɛ ŋɔ, “A chɛ kɛŋɔ ń kaa Jerusalam, dɛ́ ka na wahala bela nomonome ne Sɔfonomonome ne Tɔnjerema nɔn ta, ásɛ ba kpo mɛ, ásɛ a tɔpetooro wee la, ń ir seo ta.”

Matiu 26:66

Ɛrɛɛ he na waa nɔɔ, bwɛɛla?” Ba bwa den pɛ nyoa ŋɔ, “O chɛ kpoe.”

Matiu 27:2

dɛ vɔrɔwe o nɔɔra, dɛ kpɔɔ ka tɛ Rom nomoa Paelet waa dɛ nyiŋi bela harɛ ta.

Amanesoma Mak Aa Chwera Tɔn 14:64

He ta nɛnhɛlwobol waa dɛ bol Korowii noɛ yaa? Ɛrɛɛ he na nɔ?” Ate, dɛ ba bwa ŋɔ, “O ɛ wechɔɡa. Hé kpoo!”

Amanesoma Mak Aa Chwera Tɔn 15:1

Tɔɔ aa pera chɔmbibi ne la, Sɔfonomonome ne bwɛɛ nomonome ne Tɔnjerema bwa, Juu tena nomonome baa dɛ nyiŋi ba waa bini la te bwa, chemo dɛ vɔrɔwe Yeesu vɔrɔwa, dɛ vɔrɔwe o nɔɔra, dɛ kpɔɔ ka tɛ Rom nomoa Paelet waa dɛ nyiŋi bela harɛ ta.

Amanesoma Mak Aa Chwera Tɔn 8:31

Belaa Yeesu pa mun dɛɛ baɡle o habɔteŋra la kɛ a chɛ kɛ o Nɛn Bie la na wahala kohona waa bwa ta, ásɛ nomonome ne Sɔfonomonome ne Tɔnjerema vɛoh, ásɛ ba kpoo, ásɛ a tɔpetooro wee la, ó ir seo ta.

Amanesoma Mak Aa Chwera Tɔn 9:12

Asɛ o chaŋe ŋɔ, “Elaejaa dɛ tɔ sie ba kpela, dɛ́ ba kwaa ŋwɛnɛ mɔɔ. Kɛ ɛrɛ waa Korowii Tɔn la ŋɔ Nɛn Bie la dɛ ba wahala nae kohona, kɛ nɛwɛnyini sie aa o tɔɡa ba laɔ?

Amanesoma Mak Aa Chwera Tɔn 9:31

dɛkalkɛŋɔ dɛ o dɛ baɡle o habɔteŋra la wa, dɛɛ ŋɔ, “Ba dɛ ba Men Nɛn Bie lee do nɛra nɔn ta, ásɛ ba kpo mɛ, ásɛ a tɔpetooro wee la, ń ir seo ta.”

Amanesoma Luk Aa Chwera Tɔn 23:21

Ane a bwa, ba ta noɛ, dɛ kpɔ takpeɡ ŋɔ, “Kpaaro pɛl daɡaɡre ta! Kpaaro pɛl daɡaɡre ta!”

Amanesoma Luk Aa Chwera Tɔn 9:22

Asɛ o berɛ ŋɔ, “Men Nɛn Bie la chɛ kɛŋɔ ń na waa nomonome ne Sɔfonomonome ne Tɔnjerema nɔn ta, ásɛ ba vɛɛh mɛ, dɛ́ kpo mɛ, ásɛ a tɔpetooro wee la, ń ir seo ta.”

Amanesoma Jɔn Aa Chwera Tɔn 18:28

Tomun aa dɛ kpɔ la, Juu tena nomonome la kpɔ Yeesu la Kaefas be, dɛ ba o ne Rom nomoa waa dɛ nyiŋi ba harɛ ta la be koodem. Dɛ Galekaa Tɔpejen dii telo, anomanta, Juu tena nomonome la te ta dem bela joɛ, dɛkalkɛ dɛ ba jo bela aa, baa kah doŋaa baa wola won di Galekaa kondikwaa la.

Amanesoma Jɔn Aa Chwera Tɔn 18:32

Gɛ waa nɔ chiɡo ásɛ nɛra jemɛ kɛ Yeesu waa waa bola dɛ baɡle seo la soo waa dɛ ba sewa la ɛ kpela.

Amanesoma Jɔn Aa Chwera Tɔn 19:11

Asɛ Yeesu ŋɔ, “Korowiirii sɛah dɛ ɡel he dɔ kpeɡri n nɛ. O fe ta sɛɛh yaa, he fe ta kpeɡri dɔe n nɛ. Nɛn waa lee mɛ tɛ dɛ ɡel he dɔɔ mɛ la wechɔɡa ɡwaa he kwa.”

We-ɛɛla 13:27

Jerusalam tena ne ba nomonome ta jemɛ kɛ Yeesuu nɛwɛnyini Lɛɛ la. Korowii waa o keamere aa chwera asɛ ba kure dɛɛ baɡ ba Ona Tɔpera bwa ta la, dɛ baa a mun no. A waa ba bol o waa dɛ pao bolchɔɡe, dɛ kpoo ɡɛ Korowii keamere aa baɡla ŋɔ baa ɛo la.

We-ɛɛla 20:22

Taraken nɔ, Jerusalamee mɛɛ kaa la, dɛkalkɛŋɔ Korowii Domadɛɛɡe kpɔ bela laŋa do n bambile ta maa wola won vɛh. Dɛ waane ɛɛ puu mɛɛ belaa yaa, maa jemɛ.

Jems 5:6

He pa nɛndɛɛɡa ba wa aa do kaih la bolchɔɡe dɛ kpoo ba, ba ta wone ɛ wobɛlbwa dɛ lɛ ba te.