Amanesoma Mak Aa Chwera Tɔn 10:24 - mzwDBL

²⁴ A ɡɛ waa la Yeesu aa bola la ɡelɔ o habɔteŋra la bwara yɔr. O ŋɔ ba be ŋɔ, “Biiwa, a kpeɡri kɛŋɔ nɛn dɔ bɔr ja Korowii Kora la ta.

Amanesoma Mak Aa Chwera Tɔn 10:24 ပူးပေါင်းရင်းမြစ်များ

Yela 17:14

N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.

Yela 52:7

“Hé na, baa waa wola Korowii kpɔe ɛ o Kpeɡnɛn laanee la. O kpɔ o hwɛɡa bwa do o kondɔɔh ta, o nyu bini do kpeɡri kohona o bala chɔɡa ta.”

Yela 62:10

Hé laa he te kpɔ nɛra ɛɡra dɛ́ dɔ kwa, kɛɛ he sie lɛ ŋwɛɛ kwaa ta. Dɛ he kondɔɔh teŋɔ dɛɛ warɛ kwaraa naa, hé laa he bambile kpɔ a ta.

Sɛɡla 11:28

Nɛn waa dɛ hwɛɡɛ o kondɔɔh ta la, wɛɛ cholo kɛŋɔ hwel saŋ papoo yon le la, kɛ nɛn o wa aa toɡra te ɛɛ do werii, kɛŋɔ bwaala nee saŋ papoo ken.

Sɛɡla 18:11

Kondɔɔhna dɛ lii kɛŋɔ ba kondɔɔh do kɛ bwɛjen baa ma danjwɛkpeɡ baro, ba dɛ lii kɛŋɔ o ɛ kon waa dɛ ba wona lɛɛ ba.

Sɛɡla 23:5

Kondɔɔh won hee kelo kɛŋɔ komɛl yon ɡale he sie ta la, a won ɛɛ kɛŋɔ kee kena yon moɡɛ ó ir kaa la.

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

Habakuk 2:9

Nomɛlbwa waa cheɡɛ ŋwɛnɛchɔɡe ta dɛɛ nyin kondɔɔh dɛ́ tɛ o nɛra, dɛɛ nyin bodɛɛɡe dɛ́ so, ásɛ nomɛlbwa bɛ won tel o be dɛ́ chɔɡo la, ó bwɛɛlɛ.

Sefania 1:18

Korowii bwaawee Tɔpere la, ba suuɡaswɛm kɛɛ suuɡapoŋa aa won lɛɛ ba. O bwaawee dɛ ba harɛ nɔ bwa fuih kɛŋɔ nii ken. Nomɛlbwa waa soɡe harɛ nɔ ta waa ɛɛ ba a jaɡaa buɡ ta.

Matiu 19:25

Yeesu habɔteŋra la aa no ɡɛ la, ba nyoa kpoo, baa pɛɛ dɔŋa ŋɔ, “Amɔ te umee dɛɛ ba o nyu dɔe yɔ?”

Amanesoma Mak Aa Chwera Tɔn 1:27

Gɛ waa nɔ ɛ nɛra la bwa nyokpoa, asɛ ba bol dɔŋa be ŋɔ, “Bɔkwa waa nɔɔ? A ɡe ɛ webaɡlefala kɛɛ? He ta nae kɛŋɔ o dɔ kpeɡri dɛ bol waa kwaa aa dɛ ir nɛra nɛɛ be a no dɛɛ kaa la aa?”

Amanesoma Mak Aa Chwera Tɔn 10:23

Asɛ Yeesu ke nyiŋi o habɔteŋra la dɛ ŋɔ, “Aa do kpeɡrii tɛ dɔɔhna kɛŋɔ bá dɔ bɔr ja Korowii Kora la ta.”

Amanesoma Luk Aa Chwera Tɔn 16:14

Farisii tena la aa no ɡɛ la, ba chwee Yeesu, dɛkalkɛ dɛ ba dɛ nyin suuɡa taeh.

Amanesoma Jɔn Aa Chwera Tɔn 13:33

N bii, maa he be bonɔɔ biɡri bɛlbwa. Hɛɛ baa nyin n bɔree. Gɛ maa bol Juu tena nomonome be laanee mɛɛ bol he be la. Anee kɛŋɔ haa won ba bela maa dɛ kaa la.

Amanesoma Jɔn Aa Chwera Tɔn 21:5

Belaa o yer ba ŋɔ, “Bwɛɛla, he ta pɛŋa dɔe yaa?” Anee ba ŋɔ, “Ɔɔh, ya ta komɛlbwa dɔe.”

Amanesoma Jɔn Aa Chwera Tɔn 6:60

O habɔteŋra la aa no ɡɛ la, ba kɛrɛdɛ ŋɔ, “Waa nɔ te kpeɡri kohona to, yaa won ɛ ɡɛ.”

Galaasia 4:19

N bii maa lolɛ heyaa Yeesu Kristo waa ta, he ta he da charɛ dɛ do kɛ Yeesu Kristo aa, he ɡelɔ n tea berɛ dɛɛ wee mɛ kɛ lol tea aa dɛ we haah la.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

1 Jɔn 2:1

N bidɛɛɡa, n chwerɛ waa nɔ dɛɛ tɛ heya, ásɛ he bɛ wechɔɡa dɛɛ ɛ. Kɛ dɛ nomɛlbwa ɡarɔ ɛ wechɔɡa aa, ya dɔ nomɛl o do ya Mɛɛ waa lɔ nyundua la be, dɛ́ soŋe ya wechɔɡa dɛɛ tɛ yaa. Onee Yeesu Kristo la. O Waa Toɡrɔ.

1 Jɔn 4:4

N bidɛɛɡa, Korowii nɛraa heya. He pɔ keamere baa ɛ nyosonteŋna la nɛ, dɛkalkɛ Korowii Domadɛɛɡe waa lɔ he nɛɛ la, o kpeɡri ɡwaa kon waa lɔ nɛra baa dɔ harɛ nɔ ta ɡbo liire la kpeɡri.

1 Jɔn 5:21

N bidɛɛɡa, hé nyiŋi he te kɛrɛdɛ dɛ́ laa he te kpɔ komɛlbwa waa wola Korowii tenten ɛɛ la ta.

Wepila 3:17

He ŋɔ he dɔ kwa, dɛ ɛ dɔɔhna, komɛlbwa ta heyaa nyae. Kɛ haa jemɛ kɛŋɔ he waa dɔ sinyana, dɛ do sum. He ɛ nyaara, dɛ nyoŋe, dɛ che mumɡbal.