Amanesoma Mak Aa Chwera Tɔn 10:21 - mzwDBL

²¹ Yeesu nyiŋu, o sie lɛ o nɛ, dɛ ŋɔ o be ŋɔ, “A ka he webeŋkpoŋ. La ka yoɡ kwaa haa dɔa bwa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kondɔɔh cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Mak Aa Chwera Tɔn 10:21 ပူးပေါင်းရင်းမြစ်များ

Mumpar 34:19

Sɛkem aa dɛ nyin tolo la kohona nomanta, o ta waa la kpɔe tuuɡi harɛ. Dɛ o waa dɔ nyɛl ɡwaa nɛra baa lɔ o mɛɛ dem bela bwa.

Sɛɡla 23:23

Lawɛ kasinteŋ bini kpoŋe dɛ bɛ kpɔ ta, nyin wejema ne waa hwela dɛ waa mun noe.

Matiu 16:24

Asɛ Yeesu ŋɔ o habɔteŋra la be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Matiu 19:21

Anee Yeesu ŋɔ o be ŋɔ, “Dɛ he dɛ nyin kɛ he waa do kɛrɛdɛ ka tonaa, ka yoɡ he kwaa haa dɔa bwa, ásɛ dɛ kpɔ a suuɡa kɛ nyaara. Ka ɛ ɡɛ, ásɛ dɛ ba teŋɛ n nɛ. Hɛɛ dɔ kondɔɔh cheɡ Korowii doaa.”

Amanesoma Mak Aa Chwera Tɔn 10:22

Yeesu aa ŋɔ ɡɛ la, ate dɛ o tea bini chɔɡɔ, asɛ o berɛ ɡure nyu su, dɛkalkɛŋɔ dɛ o dɔ kwaa kɛrɛdɛ.

Amanesoma Mak Aa Chwera Tɔn 8:34

Belaa o yerɛ nɛnlaa ne o habɔteŋra la dɛ ŋɔ ba be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina, dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Amanesoma Luk Aa Chwera Tɔn 10:42

Waa aa weraa Mɛɛre kpɔ la, anomanta, maa won ŋɔ o be ŋɔ ó ɡel.”

Amanesoma Luk Aa Chwera Tɔn 12:33

Hé yoɡ kwaa haa dɔa, ásɛ dɛ kpɔ a suuɡa la kɛ nyaara. He ɛ ɡɛ naa, hɛɛ dɔ pure aa wola chɔɡ ne kondɔɔh aa wola tonɛ bwa Korowii doa. Belaa kondɔɔh aa wola mule, dɛkalkɛ ŋwɛɛra aa won la ka ŋwɛa, kwaa ɡe aa wola won chwea.

Amanesoma Luk Aa Chwera Tɔn 16:9

Yeesu berɔ ŋɔ ja ŋɔ, “Hé kpɔ he laala ne suuɡa aa ɛ harɛ nɔ ta kondɔɔh la dɛɛ nyin daamanar, ásɛ dɛ a baa hiah heya aa, bá won lɛ heyaa silɛɛ ne bwɛɛ waa wola chɔɡ bwa la ta.

Amanesoma Luk Aa Chwera Tɔn 18:22

Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Luk Aa Chwera Tɔn 19:41

Baa dɛ ba bwɛjen Jerusalam tela la, Yeesu nyiŋi bwɛɛ la dɛ wi tɛ o tena.

Amanesoma Luk Aa Chwera Tɔn 9:23

O berɔ ŋɔ ba bwa be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina, dɛ́ kpɔ o te tɛ tɔpere bɛlbwa kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

We-ɛɛla 2:45

Dɛ ba dɛ yoɡ ba koŋkwaare ne harɛre dɛ kpɔ a suuɡa la dɛɛ bɔne dɔŋa ɡɛ bɛlbwa aa hiah, ásɛ bɛlbwa won yawɛ o konnyina.

2 Kɔrent 12:15

N sie ɛɛ lɛo kɛŋɔ n chɔɡ n komɛlbwa he nɛ. N chɔɡ n bokpeɡa he nɛɛ kwara dɛ won cha heya aa, a som n be. Maa dɛ nyin heyaa kohona waa he te laa n waa kpɔ he bambile ta kɛɛ?

2 Timoti 3:12

Kasinteŋ, nomɛlbwa waa dɛ nyin kɛ o ne Yeesu Kristo pɛ o soɡa bini o waa su Korowii siwi la, baa ɛo hɔhɔrɔwaa.

Hibru 10:34

He na nɛra baa do ba dea la sum, dɛ cha ba ba wahala nae ta. Ba lɛ he kwaa haa dɔa bwa, kɛ he sie ta kie. He sie lɛo, dɛkalkɛŋɔ he jemɔ kɛ he dɔ komɛl waa wola jaɡa dɔe dɛ ɡwaa anɔ la haa paŋa la.

Jems 2:10

Nomɛlbwa waa teŋɛ Mmara la bwa ta kɛ dɛ koni o bini beŋkpoŋ la, dɛ o koni o bwa, dɛ di bolchɔɡe.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

Wepila 2:20

Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.

Wepila 2:4

Kɛ he webeŋkpoŋ maa dɔa laanee kɛŋɔ, nyina he fa aa dɛ nyin mɛ loɡla la ta ɡɛ doe kpa.