Amanesoma Mak Aa Chwera Tɔn 10:1 - mzwDBL

¹ Asɛ Yeesu le bela dɛ la Juda harɛ ta, dɛ ka le Jɔɔdan Moo la baŋ. Nɛndamanta wur dɛ ba tɔ o nɛɛ ja, asɛ o baɡ ba waa ɡɛ o yon dɛɛ ɛ la.

Amanesoma Mak Aa Chwera Tɔn 10:1 ပူးပေါင်းရင်းမြစ်များ

Wejereme 12:9

Wejereme la aa dɔ wejema nomanta, o baɡle bane ɡe ba dɔ wejema. O hweli wobosɛɡla, dɛ na a bini kasinteŋ kɛrɛdɛ ken.

Jeremia 32:33

Ba berɛ habɔɔ kpo mɛ, a lole kɛŋɔ n teŋɔ dɛɛ baɡ ba n waa la, kɛ baa deŋne cheɡ dɛ́ no n be, ásɛ dɛ hweli.

Matiu 26:55

Anee Yeesu pɛɛ nɛra la ŋɔ, “Ŋwɛɛree men he kpɔ keri ne ɡule dɛɛ ba dɛ́ ba laɡ mɛ naa? Tɔpere bɛlbwaa n ne heyaa yon so Korowii Dea bela, ásɛ mɛɛ baɡle nɛra wa, kɛ he ta men bela lawɛ.

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Amanesoma Mak Aa Chwera Tɔn 1:21

Yeesu ne o habɔteŋra la Kapeeneɔm, asɛ Ona Tɔpere la, o la cheremi dea dɛ ka baɡle wa.

Amanesoma Mak Aa Chwera Tɔn 10:2

Farisii tena bane ba bela dɛ baa haɡro bela dɛ fe ɛɛ nyin dɛ́ lawɔ. Ba bɔɔro ŋɔ, “Mmara dɛ tɛ ŋwɛnɛ kɛŋɔ baa vɛh o haah naa?”

Amanesoma Mak Aa Chwera Tɔn 12:35

Yeesu aa ba dɛ baɡle waa Korowii Dea la, o bɔɔ ba ŋɔ, “Aah ɛrɛ waa Tɔnjerema la ŋɔ Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa la ɛɛ ɛ Devid naa nɔɔ?

Amanesoma Mak Aa Chwera Tɔn 14:49

Saŋ la bwa maa lɔ Korowii Dea dɛɛ baɡle waa la, ɛrɛɛ haa wola men lawɔɔ? Gɛ aa ɛ ásɛ waa baa chwera la bwa ɛ kpela la, waa anɔ bwa ɛɛ ɛ nɔ.”

Amanesoma Mak Aa Chwera Tɔn 2:13

Yeesu berɔ la Galilia Moo la nyoa. Belaa nɛra warɛ dɛ ba o be, asɛ wɛɛ baɡ ba wa.

Amanesoma Mak Aa Chwera Tɔn 4:2

Belaa o kpɔ sɛɡla dɛ bol waa chaɡ ba ŋɔ,

Amanesoma Mak Aa Chwera Tɔn 6:2

Ona Tɔpere la aa tela la, o la cheremi dea dɛ ka chaɡle wa. Nɛra baa lɔ bela dɛ no la, a ɛɛ ba anebɛlbwa. Ba ŋɔ, “Ɛrɛɛ baa nɔ ɡe ɛ dɛ jemɛ waa nɔ nɔɔ? Bɔkwa wejemaa o dɔ ken dɛ won nyokpowaa nɔ bwa dɔŋa ɛɛ nɔɔ?

Amanesoma Mak Aa Chwera Tɔn 6:34

Yeesu aa le ɡbera la bini la, dɛ nɛnlaa tenten lɔ bela. Ba waa domɛ o tea, dɛkalkɛ dɛ ba do kɛ peera aa wola teɡre dɔe ken. Anomanta, o chaɡ ba waa taeh.

Amanesoma Mak Aa Chwera Tɔn 6:6

Yeesu bwara yɔr ba yarada baa wola on yaradae la wa. Asɛ o la bwɛɛre la aa bɛne bela la ta ka bol Amanesoma la chaɡ ba.

Amanesoma Jɔn Aa Chwera Tɔn 10:40

Yeesu le Jɔɔdan Moo la ja dɛ kaa o baŋ bela Jɔn faa dɛ sɔ nɛra Korowii nee la, dɛ ka so bela.

Amanesoma Jɔn Aa Chwera Tɔn 11:7

A habɔɔ la, o ŋɔ o habɔteŋra la be ŋɔ, “Hé ɡel ya berɛ kaa Juda harɛ ta.”

Amanesoma Jɔn Aa Chwera Tɔn 18:20

Anee o ŋɔ, “Tɔpere bɛlbwaa mɛɛ baɡla nɛra baah ta ba bwa ɛɛ no. Korowii Dea ne cheremi deene ya Juu tena bwa aa dɛ cheme a bini la, belaa mɛɛ baɡla. N ta sɔeh dɛ baɡle wobɛlbwa ɡe bwa.