Amanesoma Mak Aa Chwera Tɔn 1:44 - mzwDBL

⁴⁴ “Bɛ nomɛlbwa be ŋɔ. Pa sie kaa Sɔfo be dɛ́ kpɔ he te ka baɡlo ó pɛne, asɛ hé kpɔ kwaa ka tɛo ó kpo, ɡɛ Mosis aa baɡla la, á baɡle kɛ he weela la toole he nɛɛ kpa.” Waa kaoh tonɛ la, o ɡelɔ o le kaa.

Amanesoma Mak Aa Chwera Tɔn 1:44 ပူးပေါင်းရင်းမြစ်များ

Matiu 8:4

Anee Yeesu kaoh ŋɔ, “Bɛ nomɛlbwa be ŋɔ. Pa sie kaa Sɔfo be, dɛ́ kpɔ he te ka baɡlo ó pɛne, ásɛ he kpɔ kwaa ka tɛo ó kpo ɡɛ Mosis aa chaɡla la, á baɡle kɛ he weela la toole he nɛɛ kpa.”

Amanesoma Mak Aa Chwera Tɔn 1:43

Anee Yeesu kaoh ŋɔ,

Amanesoma Luk Aa Chwera Tɔn 17:14

Belaa Yeesu aa na ba la, o ŋɔ ba be ŋɔ, “Hé kpɔ he te ka baɡle sɔfore la ásɛ ba nyiŋi heyaa na.” Baa chiɡ ŋwɛnɛ ta dɛɛ kaa la, ba weela la kaalɔ, ba bwara kwaa.

Amanesoma Luk Aa Chwera Tɔn 5:14

Asɛ Yeesu kaoh ŋɔ, “Bɛ nomɛlbwa be ŋɔ, kɛ la Sɔfo be ó ka pɛne, ásɛ he kpɔ kwaa ka tɛo ó kpo, ɡɛ Mosis aa baɡla la, ásɛ nɛra bwa na dɛ́ jemɛ kɛ he weela la toole he nɛɛ kpa.”

We-ɛɛla 23:22

Belaa nomoa la ŋɔ o be ŋɔ, “Bɛ ɡel nomɛlbwa no kɛŋɔ he bol ɡɛ waa nɔ n be.” O ta bonɔɔ la ŋwɛnɛ o kaa.

Tɔn Pɔɔl Aa Chwerɛ Rom Tena 15:4

Wobɛlbwa ba fa aa chwera la, dɛ yanee ba chwera tɛ kɛŋɔ yá hweli waa le a ta. A ɡɛ waa nɔɔ dɛɛ ja yaa bambile dɔe ta, dɛɛ do yaa ɡbemba, ásɛ a che a ta ya dɔ hwɛɡa.

1 Kɔrent 10:11

Waa aa pu a ɡɛ nɛra la ɛo dɛ ɡel ba jemɛ wa. Mosis chwerɛ a wa, dɛ ɡel ya nɛra yaa lɔ harɛ nɔ aa ka tɔpera tamaa o chɔɡ nɔ ta nɔ jemɛ wa.