Amanesoma Mak Aa Chwera Tɔn 1:34 - mzwDBL

³⁴ O chah nɛndamanta weela bwa soo siwi aa lɔ ba nɛ, dɛ doŋi kwaa ɡe le nɛndamanta nɛ. O ta kwaa la ŋwɛnɛ tɛɛ a won bol wa, dɛkalkɛŋɔ a jemɛ o nɛnsoo.

Amanesoma Mak Aa Chwera Tɔn 1:34 ပူးပေါင်းရင်းမြစ်များ

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

Amanesoma Mak Aa Chwera Tɔn 1:25

Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ.”

Amanesoma Mak Aa Chwera Tɔn 3:12

Anee Yeesu kah ba ŋɔ ba bɛ o nɛnsoo baɡle.

Amanesoma Luk Aa Chwera Tɔn 4:41

Kwaa aa dɛ ir nɛra nɛɛ la le ba nɛɛ pirim. Aa dɛ le dɛ a dɛ dooɡe lɔŋɔre dɛɛ ŋɔ, “Henee Korowii Bie la!” Yeesu kah kwaa la, o ta ɡelɛ a bol wa, dɛkalkɛŋɔ a jemɔ kɛŋɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ o nɛra la.