Asɛ Yeesu aa baa na kɛŋɔ nɛra wuro dɛɛ ba ba tɔ ba nɛɛ la, o den kɔr kwaa aa dɛ ir bie la nɛɛ la ŋɔ, “He konchɔɡa haa dɛ ir bie nɔ nɛɛ waa wola waa no, waa berɛ won dɛɛ bol waa ɡe nɔ, n ŋɔ he be ŋɔ hé le o nɛ! He bɛ o nɛɛ ba so kpa bwa!”
Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ!” Belaa a lɔ baa la bil nɛra la siwi ta. A ta on wobɛlbwa ɛɛ, dɛ le o nɛɛ dɛ kaa.
Kwaa aa dɛ ir nɛra nɛɛ la le ba nɛɛ pirim. Aa dɛ le dɛ a dɛ dooɡe lɔŋɔre dɛɛ ŋɔ, “Henee Korowii Bie la!” Yeesu kah kwaa la, o ta ɡelɛ a bol wa, dɛkalkɛŋɔ a jemɔ kɛŋɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ o nɛra la.