Amanesoma Mak Aa Chwera Tɔn 1:15 - mzwDBL

¹⁵ O bolɔ ŋɔ, “Tɔpere la telo! Korowii Kora pu heyaa tonɛ! Hé charɛ he liire dɛ́ le he wechɔɡa ta, ásɛ dɛ yarada Amanesoma nɔ!”

Amanesoma Mak Aa Chwera Tɔn 1:15 ပူးပေါင်းရင်းမြစ်များ

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Daneɛl 9:25

Do waa nɔ dɛɛɡɔ dɛ́ jemɛ kɛŋɔ, le ɡɛ saŋ Korowii aa bola ŋɔ bá berɛ kwaa ma Jerusalam la, aa ɛ bene anuanɛ bele anuanɛɛ, ásɛ ba kwaa vɔrɔwe Jerusalam ɡɛ o fa aa doa la, dɛ́ berɛ kwaa o fɔɡbaahna, dɛ́ ma danjwɛkpeɡa baro bene anuanɛ bele fifraanumɛl dɛ anɛ mɔɔ nomoa Korowii aa leo la ba. Aa bao wahala saŋ.

Matiu 10:7

dɛ́ ka bol ba be ŋɔ Korowii Kora puu ba tonɛ.

Matiu 3:2

“Hé charɛ he liire le he wechɔɡa ta, dɛkalkɛ Korowii Kora pu heyaa tonɛ.”

Matiu 4:17

Gɛ saŋ laanee Yeesu pa mun bol waa dɛɛ chaɡle nɛra ŋɔ, “Hé charɛ he liire le he wechɔɡa ta, dɛkalkɛ Korowii Kora la pu heyaa tonɛ.”

Amanesoma Luk Aa Chwera Tɔn 10:11

‘Hale ya pee he bwɛɛ nɔ teera aa ɛ ya napaala la ta, dɛ baɡle kɛŋɔ ya kpɔ Korowii Waa ba he be he vɛah. Kɛ a chɛ kɛ hé jemɛ kɛŋɔ Korowii Kora la pu heya.’

Amanesoma Luk Aa Chwera Tɔn 10:9

Hé chah bela tena ba bwara aa dɛ wee ba la weela, ásɛ dɛ ŋɔ ba be ŋɔ, ‘Korowii Kora la pu heya.’

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

Galaasia 4:4

Korowii Tɔpere La aa tela la, o tomɛ o ɡbaɡba Bie, asɛ nɛŋhaah lolɔ harɛ nɔ ta, asɛ o ɛ nɛra baa dɛ teŋɛ Mosis Mmara ta la bɛl.

Ɛfesos 1:10

asɛ a ɛ ɡɛ saŋ la waa liira la. O cheɡa kɛŋɔ wɛɛ ɡeloo nyundua ne harɛ ta komɛlbwa ɛ beŋkpoŋ, ásɛ Yeesu Kristo ɛ ba Dɔɔ.

1 Timoti 2:6

waa kpɔ o te tɛ kɛŋɔ ba kpɔɔ charɛ nɛra bwa nyu la. Gɛ saŋ aa chɛ kɛŋɔ waa nɔ maɡre la taa a den chiɡ la. O ɛ ɡɛ a ɛ danseɛ dɛ chɔ le saŋ bɛlbwa.

Taetos 1:3

Tɔpere o tea aa toora la, o ɡelɔ mɛɛ bol a waa nɛra jemɛ. Ya Lɛɛ Korowiirii kpɔa do n nɔn ta dɛ ŋɔ mɛ́ɛ baɡle nɛra.