Amanesoma Mak Aa Chwera Tɔn 1:13 - mzwDBL

¹³ bela kpɔɡ bini olchɔɡa aa lole, asɛ o do bela tɔpera fifraanaarɛ. Dɛ Bɔnsam dɛ ba o be bela dɛ baa daahno dɛɛ na kɛŋɔ o fe charɛ nyoa. Dɛ nyundua toroma ɡe dɛ ba o be dɛ baa chao.

Amanesoma Mak Aa Chwera Tɔn 1:13 ပူးပေါင်းရင်းမြစ်များ

Kaala 24:18

Mosis jo bam la bini dɛ teeh kaa bwejen la doa. O soɡe bela tɔpera fifraanaarɛ chɔɔ ne jwaana.

Kaala 34:28

Mosis soɡe Korowii be bela tɔpera fifraanaarɛ chɔɔ ne jwaana. Dɛ waa kwaa di waa nee ɡe nyɔ. Asɛ Korowii chwerɛ o fɔo waa la dawɛ bwepɛle anɛ Mosis aa sɛah la ta. O Mmara fi laanee o chwerɛ dawɛ a ta.

Matiu 26:53

Haa jemɛ kɛŋɔ n fe ɛɛ wonoo yerɛ n Mɛɛ ŋɔ ó ba cha mɛ, ásɛ o ɡel nyundua toroma baa wola nyoa dɔe ba dɛ́ ba yo lɛɛ mɛ kɛɛ?

Matiu 4:1

Belaa Korowii Domadɛɛɡe la kpɔ Yeesu kaa pua hɛŋle ɡbo harɛ ta, ásɛ Bɔnsam daahno na.

Amanesoma Luk Aa Chwera Tɔn 4:1

Yeesu aa le o Korowii nee sɔe la bɔr Jɔɔdan Moo ta dɛɛ kaa dem la, Korowii Domadɛɛɡe la ir o nɛ, dɛ kpɔɔ kaa pua hɛŋle ɡbo harɛ ta, asɛ o ka do bela tɔpera fifraanaarɛ.

Mmarare 9:11

Tɔpera fifraanaarɛ webaŋa ne jwaana la aa tela la taa Korowii kpɔ bwepɛle anɛ waa chwerɛ fɔo la dawɛ a ta la tɛ mɛ.

Mmarare 9:18

Asɛ n berɛ chole dɛ kpɔ n sie pi harɛ Korowii sie tɔpera fifraanaarɛ webaŋa ne jwaana ɡɛ n fa aa kaa di bwejen la ta la. Dɛ maa kwaa di maa nee ɡe nyɔ, he wechɔɡa haa ɛ Korowii o baah di la nomanta.

Mmarare 9:25

Anomanta, n kpɔ n sie pi harɛ Korowii sie ɡɛ tɔpera fifraanaarɛ la ta webaŋa ne jwaana bwa, dɛkalkɛŋɔ n nao kɛŋɔ o dɛ nyin o chɔɡ heya.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.