Mmarare 9:3 - mzwDBL

³ Kɛ he te, hé jemɛ kpela kɛŋɔ fini Korowii haa dɛ tomɔ laanee dɛ́ tɔ he sie le moo la baŋ. O do kɛŋɔ nii naa dɛ chɔɡ kwaa la, dɛ́ pɔ ba nɛ. Hɛ́ɛ doŋ baa le, dɛ́ kpoo ba warane ɡɛ waa baɡɛ heyaa nyoa la.

Mmarare 9:3 ပူးပေါင်းရင်းမြစ်များ

Kaala 23:23

N nyundua torome ɛɛ tɔ he siee, dɛ́ ba he ne Amɔre ne Hiti, ne Pɛrɛs ne Keenan ne Hivi, dɛ Jebus tena harɛ ta. Mɛɛ kpo ba bwaa harɛ la ta.

Kaala 24:17

Israel tena te be la, Korowii jirima aa lɔ bwejen la doa la do kɛŋɔ nii aa won kwaa chɔɡa kohona la ken.

Aesaya 27:4

N baah ta daa koo nɔ waa cheɡa tɛ n nɛra la nɛɛ dii, kɛ dɛ jabalnadaŋɛre ne sɔɔhne aa cheɡa tɛ ba dɔma, leɔ dɛ tɔ ba nɛɛ tenaa, mɛɛ jo ba binii dɛ́ chɔɡ ba.

Aesaya 30:27

Hé no! Korowii sɔn ɔma, o le bojaŋ dɛɛ ba. O baah diu kɛŋɔ nii aa dɛ hɔ ken, chuu ɛɛ le kohona. Bandia ɡboo o wobol bwa, aa fuh o dɔmaa kɛŋɔ nii aa dɛ fuh kwaa ken.

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Maeka 2:13

Korowiirii dɛ́ pili ŋwɛnɛ tɛɛ ba dɛ́ le bojaŋ harɛfale baa kaa bane la ta. Baa kuuɡi bwɛjen la doonyojena laanee dɛ́ le kaa. Korowii waa ɛ ba kooro laanee dɛ́ tɔ ba sie.

Matiu 15:10

Yeesu yerɛ nɛnlaa la ba o be, dɛ ŋɔ ba be ŋɔ, “Hé no waa nɔ dɛ́ jemɛ kɛŋɔ

Amanesoma Mak Aa Chwera Tɔn 7:14

Yeesu yerɛ nɛra la ba o be ja dɛ ŋɔ, “Hé bwa no n be dɛ́ jemɛ kɛŋɔ

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Ɛfesos 5:17

Hé ɡel he nfɛrɛ nyae la, dɛ́ jemɛ waa Korowii aa dɛ nyin la kɛrɛdɛ.

Mmarare 1:30

Korowii haa dɛ tomɔ la ɛɛ tɔ he siee yo tɛ heya, ɡɛ waa ɛa Ijipt harɛ ta he na la.

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Mmarare 20:4

Dɛkalkɛŋɔ he ne Korowii haa dɛ tomɔ nɔɔ dɛɛ kaa dɛ́ ka yoo ba, hɛɛ yoo le.’

Mmarare 4:24

Korowii do kɛŋɔ ninlao ken dɛɛ chɔɡ kwa, o dɛ mee. Anomanta, he Israel tena ne waa won pɛ dɛ he ɡelo dɛ kaa tomɛ voɡaa.

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

Mmarare 7:22

Tama tamaa Korowii haa dɛ tomɔ nɔ ɛɛ ba ba doŋa ta, haa ba bwa kerabeŋkpoŋii kpoo. A ba ɡɛ naa, kpɔɡ bini olchɔɡa ɛɛ warɔɔ dɛɛ aah heya.

Mmarare 9:6

Anomanta, hé no a mun kɛŋɔ he nɛndɛɛɡa ɛɛ waa laa Korowii haa dɛ tomɔ nɔ koh kpɔ ɡɛ harɛpare ondɛɛɡe la ɛɛ ba heyaa tɛɛ ŋɔ ó ɛ he kon. A waa laa, he ɛ lwɛmkpeɡ nɛra.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

Josua 11:12

Josua yo a ɡɛ bwɛjena nɔ bwa ne a koranar, dɛ kpo nɛra baa lɔ a ta bwa, ɡɛ Korowii bonɔɔ Mosis aa doo la.

Josua 11:8

asɛ Korowii den kpɔ ba do Israel tena nɔn ta. Ba pɔ ba nɛɛ dɛ ti ba ka le weekaŋle nyundua bwɛjena ane baa dɛ yera Sidon ne Mesrefɔt Maim, ne wee leebɔr ka le Mispa Fɛlembɔjen ta, hale ba bini beŋkpoŋ kwaraa ta kae.

Josua 14:12

Anomanta, n dɛ soŋe kɛ hé kpɔ deŋɡarere harɛ Korowii aa kpɔa baɡ mɛ nyoa awola tɔpere la tɛ mɛ fini. He ɡbabir noɔ kɛŋɔ Anak tena baa kpeɡa kohona lɔ harɛ la ta, asɛ ba bwɛjena do kan ba ma danjwɛkpeɡa bara. Kɛ dɛ Korowii cheɡɛ n mun ta naa, mɛɛ won doŋ ba le, ɡɛ waa bola la.”

Josua 3:11

Hɛɛ nao kɛŋɔ sɔfore baa cheɡɛ Korowii waa dɔ harɛ nɔ bwa, O Ne Nɛwɛnyina Fɔo Daka la aa tɔ he sie dɛɛ ɡale Jɔɔdan Moo la.

Josua 3:14

Belaa a ba kɛ Israel tena la chuɡro le ba sobɔr bela dɛ ɡale Jɔɔdan Moo la, asɛ sɔfore la kpɔ Korowii Ne Nɛwɛnyina Fɔo Daka la che dɛ tɔ ba sie.

Sitɔɔla 4:14

Dɛbora ŋɔ Barak be ŋɔ, “Kaa! Fini tɔpere nɔɔ Korowii kpɔ Sisera do he nɔn ta hé pɔ o nɛ. Korowii te tɔ he sie kaa.” Anomanta, Barak ne o laa tena kaɡboŋa fi la tuo le Tabɔ Bwejen doa ba harɛ.