Dɛ Korowii baa kpɔ heyaa tel Keenan ne Hiti ne Amɔre ne Hivi, dɛ Jebus tena harɛ waa ŋwɛɛra baɡle he naawa ŋɔ wɛɛ kpɔɔ tɛ heya ó ɛ he kon la ta, harɛpare ondɛɛɡe ta naa, a chɛ kɛ hé di a ɡɛ tɔpere nɔ korobie nɔ ta. Dɛkalkɛ o ba he ne harɛ o taa soma ta.
La ka cheme Israel nomonome dɛ́ ŋɔ ba be ŋɔ, ‘Korowii he naawa Abraham ne Aesek ne Jekɔb aa tomɔ la ba n be dɛ ba ŋɔ, o nyiŋo, dɛ na ɡɛ baa dɛ ɛ heyaa hɔhɔrɔwa Ijipt harɛ.
Lii he bonɔɔna Abraham ne Aesek dɛ Jekɔb baa tomɛ la wa. He ŋwɛɛ he ɡbaɡba, dɛ baɡ ba nyoa ŋɔ hɛɛ ɡeloo ba naanar mun ya kɛŋɔ weweela, ásɛ dɛ tɛɛ ba harɛ la bwa haa ŋɔa hɛɛ kpɔɔ tɛɛ ba laanee ó ɛ ba kon saŋ bɛlbwa dɛɛ la.”
A ɡɛ saŋ ne awola tɔpere la, baa nyiŋi waa aa ɡela Israel tena di bolchɔɡee, kɛ baa bolchɔɡe baa dia bɛlbwaa na, dɛ́ nyiŋi Juda tena ɡe wechɔɡa baa wobɛlbwaa na, dɛkalkɛ mɛɛ kpɔ n nɛra baa kaa la wechɔɡaa kɛ ba.
Mɛɛ koh ba waa, dɛ́ lii n ne ba naawa fɔo yaa fɔwa la. Gɛ maa ɡela harɛre na n kpeɡri, dɛ lawɛ n nɛra le Ijipt harɛ ba siwi ta la wa. Men Korowiirii bola.”
Gɛ laa aa, harɛ haa lawɛ yaa le o ta la nɛra ɛɛ ŋɔɔ, he ta wone kpɔ he nɛra kaa harɛ haa baɡ ba nyoa la ta, dɛ ka kpoo ba pua hɛŋle ɡbo harɛ la ta, haeh haa hah ba la wa.