21 Asɛ dɛ kpɔ nabale haa ɛo o ɛ wechɔɡa tɛ heyaa la do nii ta, asɛ dɛ paɡro dɛ namɔ o ɛ mohooh ken, dɛ pa ta nee bɛl waa pala le bwejen la ta.
O ir o naa Maaka haŋkora ta, dɛkalkɛŋɔ, o ɛ voɡ Asera daa aa ɛ kii kwaa la. Kooro Asa teŋni daa la dɛ fuah Kedrɔn Fɛlembɔjen ta.
Kooro Josia ɡelɔ ba paɡre kwaa baa kpoo kwaa a ta, dɛ ɛ sarahare dɛɛ tɛ voɡare la, dɛ chɔɡ voɡ Asera dajaŋa Israel harɛ ta bobɛlbwa. O paɡre voɡare la mohooh ken, dɛ paɡre kwaa baa fuh konsɔɔhsoma a ta dɛɛ tɛ voɡare la ɡe, dɛ berɛ laa berɛ kaa Jerusalam.
Belaa o fuh nabale baa kwaaro la, asɛ o namɔ dɛ ɛ o men la merɛ nee sie, asɛ dɛ ɡel Israel tena la nyɔ.
Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”
Awola tɔpere la, he bɛlbwa ɛɛ vɛh voɡa haa kpɔ suuɡapoŋa ne suuɡaswɛm ɛa, dɛ che a ta ɛ wechɔɡa laanee.
Israel tena aa ɛ kwaa baa ɛ saraha a ta aa warɛ la, dɛ ɡɛɛ ba wechɔɡa ɡe ɛɛ warɛ.
Samaria tena voɡa bwa ɛɛ paɡroo burbur ken, ásɛ nii fuh saraha kwaa bwa aa lɔ bela. Mɛɛ chɔɡ ba voɡa bwaa. Baa lɛ kwaa haahna aa bɔ jwamane dɛ dɔ, dɛ boa a nyoa nomanta, ba dɔma ɛɛ paa ka tɛ jwamane tena bane ɡe bobɛl.”
Korowii baah fa di Arɔn ɡba nɛɛ ɡɛ saŋ taeh kɛŋɔ wɛɛ chɔɡoo, asɛ n soŋe tɛ o ɡe ɡɛ.