Mmarare 9:19 - mzwDBL

¹⁹ N ɔmɛ Korowii bandia la, dɛkalkɛŋɔ dɛ o baah di he nɛɛ kohona kɛŋɔ o fee chɔɡ heya. Asɛ o berɛ no n wesoŋa ja.

Mmarare 9:19 ပူးပေါင်းရင်းမြစ်များ

Yela 106:19

Ba kpɔ suuɡaswɛm ɛ nabale Sinai Bwejen ta, dɛɛ tomɔ kɛ voɡ ken.

Yela 106:23

He baah diu dɛ fee ŋɔ hɛɛ chɔɡ baa, kɛ Mosis waa ɛ he bonɔɔ, he leo tɛ he te la soŋe, dɛ sɔɔh he bandia nyoa, he ta ban chɔɡɛ kpa.

Yela 78:59

Korowii aa no ba waa la, o baah diu kɛrɛdɛ, anomanta, o vɛh Israel tena kwaraa.

Yela 99:6

Dɛ Mosis ne Arɔn fa ɛ o sɔfore, asɛ Samoɛl che o sɔn ta dɛɛ soŋo. Ba soŋe Korowii, asɛ o no ba be.

Kaala 32:14

Anomanta, Korowii charɛ o liire dɛ le hɔhɔrɔwa waa aah o nɛra ŋɔ o fe ɛɛ kpɔɔ ba ta ba nɛɛ laanee.

Kaala 33:17

Asɛ Korowii ŋɔ o be ŋɔ, “Mɛɛ ɛ waa haa soŋa nɔɔ, dɛkalkɛŋɔ n jemɛ heyaa kɛrɛdɛ n sie ɛɛ lɛ he nɛ.”

Kaala 34:10

Belaa Korowii ŋɔ, “N ne hɛɛ fɔwɛ fɔwee. Mɛɛ ɛ nyokpowaa a dɔŋa aa wola harɛ nɔ ta bobɛlbwa chiɡe ka he bwa siwi ta. Nɛra he ne baa soɡa la ɛɛ nao ɡɛ men Korowii, we-ɛɛla maa lɔ he bini dɛɛ ɛ la aa ɔma kohona.

Nɛra Kura 11:2

Belaa ba wi no Mosis, asɛ o soŋe Korowii nii la dime.

Mmarare 10:10

“N berɔ so bwejen la ta tɔpera fifraanaarɛ webaŋa ne jwaana, ɡɛ n fa aa ɛa loɡla la, asɛ Korowii berɛ no n wesoŋa ja, dɛ ŋɔ waa heyaa kpoo.

Mmarare 11:17

Ásɛ Korowii baah bɛ he nɛɛ di, dɛ́ ɡel bwaala ɡel nɛɛ hwel che he kooni kondikwaa chɔɡ, ásɛ he serewe le harɛdɛɛɡe waa kpɔa dɛɛ tɛ heyaa la ta.

Mmarare 9:20

Korowii baah fa di Arɔn ɡba nɛɛ ɡɛ saŋ taeh kɛŋɔ wɛɛ chɔɡoo, asɛ n soŋe tɛ o ɡe ɡɛ.

Mmarare 9:8

Sinai Bwejen la lɔɡaa he ɡel o baah di kohona kɛŋɔ o fee kpoo heya.

Hibru 12:21

Waa aa chiɡ bela la, dɛ a ɔma kohona to, asɛ Mosis ŋɔ, “Ɔmee laɡ mɛ, n bwara dɛ sa!”