Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mmarare 8:2 - mzwDBL

2 Hé lii ɡɛ Korowii haa dɛ tomɔ nɔ aa tɔ he sie ŋwɛnɛjaŋ pua hɛŋle ɡbo harɛ ta bene fifraanaarɛ bwa, dɛ daah heyaa na wekpeɡa ne, dɛ tɛr he deŋne he pwɛr he te la. Asɛ a che a ta o won jemɛ he bambili bini kɛ he dɛ teŋɛ o Mmarare waa do heya la ta, kɛɛ haa teŋɛ.

အခန်းကိုကြည့်ပါ။ ကော်ပီ




Mmarare 8:2
46 ပူးပေါင်းရင်းမြစ်များ  

Waa nɔ bwa habɔɔ la, Korowii daah Abraham dɛ́ na ɡɛ waa dɛ yaradao. O yerɔ, “Abraham,” asɛ o sɛh ŋɔ “N Naa Korowii, menee nɔ.”


A balɔ kɛŋɔ Babelɔn harɛ ta nomonome tomɛ nɛra Kooro Hɛsɛkea be ŋɔ, bá ba pɛɛro ŋwɛnɛ waa cheɡɛ o ta, dɛ ɛ nyokpowe-ɛɛla la o harɛ la ta. Asɛ Korowii le o habɔɔ, dɛ daahno na kɛ wɛɛ di kasinteŋii kɛɛ.


O bwara aa ba dɛ nyɛɡo la, o soŋe Korowii o naawa aa tomɔ la, dɛ pwɛr o te tɛo.


Gɛ waa soŋe Korowii asɛ o no o be, ne o wechɔɡa waa ɛa mɔɔ dɛ charɛ o liire, ne bɔra waa ɛa tɛ voɡtoroma baa tomɛ voɡare, ne voɡ Asera dajaŋa waa paaɡa, dɛ voɡa waa toma la, ba chwera do Korowii Keamere Waa Tɔne bini.


Kɛ he ta ban ɡelɛ pua hɛŋle ɡbo harɛ ta bela, dɛkalkɛ tedoma haa dɔa tɛ nɛra kan kohona. He ta bam kɛɛ nii waa tɔ ba sie dɛɛ baɡ ba ŋwɛnɛ webaŋa ne jwaana laa kpɔ.


dɛ́ berɛ ba liire le wechɔɡa ɛɛ ta, dɛ́ le ba ne mbarafo ta,


N dɛ kpɛɛ Korowii n bambile bwa ne, maa o wedɛɛɡa la waa soh.


Ya naawa fa ta hen Korowii nyokpowe-ɛɛla waa mun noɛ, ɡɛ saŋ baa lɔ Ijipt harɛ ta la. Ba soh nyina haa nyin ba la keraŋwɛnɛ bwa, dɛ ɛɛ deŋnekpeɡ Mposwɛm la ta.


Onee tɔ o nɛra sie ba kpɔ pua hɛŋle ɡbo harɛ ta. O nyina lole saŋ bɛlbwa dɛɛ la.


N Naa Korowii, mɛɛ lii he wejena haa ɛa la waa, he nyokpowaa haa ɛa saŋ la.


Gɛ saŋ haa lɔ wenaale ta la, he yerɛ men Korowii, asɛ n ba lɛ heya. N cheɡɛ peukpeɡ bini dɛ chaŋe heya, dɛ daah heyaa na Mɛreba, bela ne aa bula la.


Ate, Mosis wi no Korowii asɛ o baɡlo daa bɛl. O kpɔ ta nee la ta nee la do som ba bwa nyɔ. Bela la, Korowii do Mmarare tɛɛ ba asɛ dɛ kpɔ daah ba na.


Bene fifraanaarɛɛ Israel tena di maana mɔɔ dɛ tel Keenan harɛ jwɛh ta.


Ate, Korowii ŋɔ Mosis be ŋɔ, “Mɛɛ ɡeloo kondikwa le nyundua lee kɛŋɔ bwaala tɛ heya. Gel nɛra la le tɔpere bɛlbwa dɛ́ ka tɔɔ tɔpebeŋkpoŋ kwaa aa tel ba. Anee ń kpɔ daah ba na kɛŋɔ baa dɛɛ teŋɛ n webaɡla taa kɛɛ baa teŋɔɔ?


Asɛ o ŋɔ nɛra la be ŋɔ, “He bɛ ɔmɛ. Korowiirii bala dɛ́ ba daah heyaa na, ásɛ hɛɛ ɔmɔ dɛ́ ɡel wechɔɡa ɛɛ.”


Niinii ba kpɔ dɛɛ jemɛ suuɡapoŋ ne suuɡaswɛm kɛŋɔ a wer, ɡɛɛ Korowii ɡe ɛɛ nyiŋi bambile bini.


Nɛn nyanyini ɛɛ ba harɛɛ ɡɛ saŋ, ásɛ maŋkurae nɛwɛnyini aa dɛ maŋkura o te la tonɛ. Korowii ɡbo sɔnee dɛɛ ba lee awola tɔpere,


Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’


Menee Korowii haa dɛ tom mɛ la, hɛɛ teŋɛ n waa ne me Mmarare maa kpɔa tɛ heyaa la ta kɛrɛdɛ.


Menee lawɛ heyaa le Ijipt harɛ ta, dɛ kpɔ heyaa kpɔ pua hɛŋle ɡbo harɛ ta bene fifraanaarɛ, dɛ ba kpɔ Amɔre tena harɛ tɛ heya.


Asɛ he bii ɛ peteɡra dɛɛ ɡaaɡe pua hɛŋle ɡbo harɛ nɔ ta bonɔ bene fifraanaarɛ dɛɛ koh, á ɛ yarada haa wola dɔe la kembɔr, dɛ́ ka tel kɛŋɔ he bwa aa baa serewe kwaraa.


Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”


A ta hiaih kɛ nɛn baɡlo ɡɛ nɛwɛnyini aa doa, dɛkalkɛŋɔ o ɡbaɡba jemɛ waa aa lɔ nɛn bambile bini.


Baa le Ijipt harɛ bene fifraanaarɛ habɔɔ, korobie fi dɛ beŋkpoŋ tɔpere waa tɔ sie la taa Mosis bol waa Korowii aa ŋɔa o bol ba be bwa.


Onee tɔ he sie he vala bini, dɛ kpɔ nii dɛɛ tɔ he sie jwaana, dɛ kpɔ bam ɡe dɛɛ tɔ he sie webaŋa, dɛ nyin bela haa dɛɛ chɔ, dɛ baɡle heyaa ŋwɛnɛ haa kpɔ o ta.


he bɛ a ɡɛ nɛn la be no. Korowii haa dɛ tomɔ nɔ dɛ daah heyaa, dɛ́ na kɛŋɔ he dɛ nyinu he bambile bwa ne he hweera bwa ne kɛɛ.


Korowii swee heyaa andɛɛɡa toma haa ɛa bwa ta. Onee nyiŋi he nɛɛ he vala ta pua hɛŋle ɡbo harɛ waa do kan kohona ta la. Korowii ja he nɛɛ bene fifraanaarɛ nɔ bwa ta, o ta ɡelɛ komɛlbwa paŋɛ heya.


Korowii tɔ he sie bene fifraanaarɛ pua hɛŋle ɡbo harɛ la ta he laala haa doa ta kɛɛrɛ, ɡɛɛ he naŋɡaware ɡe aa wola chɔɡɛ.


Hé lii fafa la, nɛra baa lole ɡɛ saŋ la. Hé bɔɔ he nɛmbena ba baɡle waa aa chiɡa. Hé bɔɔ ba bá baɡle saŋ la waa he be.


He bɛ ban ɔmɛ, hé lii ɡɛ Korowii haa dɛ tomɔ aa ɛ Ijipt kooro ne o harɛ nɛra bwa la.


O tɛ heyaa maana he di pua hɛŋle ɡbo harɛ la ta, kondikwaa he naawa aa wola an jemɛ bwa. Nee ne kondikwaa nyae nɔɔ o kpɔ daah heyaa na, asɛ wobɛlbwa do wer tɛ heyaa he daahna dɛ na la habɔɔ.


A chɛ kɛŋɔ hé jemɛ kɛŋɔ dɛ wobɛlbwa pu heyaa he ta habɔɔ berɛ kpo Yeesu aa, anee dɛɛ ba ɡela he dɔ bambile, dɛ́ won che kiŋkiŋ wobɛlbwa ta.


Hé pwɛr he te tɛ Korowii. Wɛɛ ɡɔɔ heyaa.


Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”


A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.


Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.


Mɛɛ kpɔ ɡɛ waa nɔɔ daah Israel tena na kɛ baa dɛɛ teŋɛ n nɛɛ dɛɛ tom mɛ, ɡɛ ba naawa fa aa dɛ ɛ la kɛɛ.”


Gɛ nɛra laanee Korowii ɡel ba so, dɛ́ kpɔ daah Israel tena, dɛ́ na kɛŋɔ baa dɛɛ teŋɛ waa waa cheɡɛ Mosis nɛɛ dɛ do ba naawa la taa yaa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ