Mmarare 8:15 - mzwDBL

¹⁵ Onee tɔ he sie dɛ kpɔ heyaa kpɔ pua hɛŋle ɡbo harɛ waa kana dɛ do ɔma, nyɔɡre ne hwel ne harɛkonchɔɡa, ne nɔrɔme aa lɔ o ta la. Onee ɡela nee le bwe ta dɛ tɛ heyaa he nyɔ la.

Mmarare 8:15 ပူးပေါင်းရင်းမြစ်များ

Yela 105:41

O ɡelɔ bwe bini pere, asɛ nee le dɛɛ palɛ kɛŋɔ, nenapale ken, pua hɛŋle ɡbo harɛ ta.

Yela 114:8

Onee ɡela nee bule le bwe ta dɛ berɛ tam, dɛ ɡel nee le bwekpeɡ ta, dɛɛ palɛ kɛŋɔ nenapale.

Yela 136:16

Onee tɔ o nɛra sie ba kpɔ pua hɛŋle ɡbo harɛ ta. O nyina lole saŋ bɛlbwa dɛɛ la.

Aesaya 30:6

Waa Korowii aa bera kpɔ baɡle Aesaya chaahna ta, a ɛ kpɔɡ bini olchɔɡa waa Nɛɡɛv pua hɛŋle ɡbo harɛ taa nɔ. “Juda tena toroma la vɔrɔwe ba laala dawɛ keeɡore ta, dɛ vɔrɔwe ba kondɔɔh dawɛ nyoɡmare ta, dɛ kpɔ wekpeɡa ne siswɛm harɛ, nyujentena ne domkpule ne harɛkwaare aa dɛ jah aa lole, dɛɛ kaa harɛ la tɔnɔ bɛlbwa aa wola toole o ta la ta.

Aesaya 35:7

Bela wee aa lɔa o hol la ɛɛ berɛ tamee, ásɛ bela nee fa aa wola toole pili ne. Bela kalampoŋare fa aa lole la ɛɛ berɛ kataŋaa, o berɛ moɡɛ kpɔɡa ne pul.

Aesaya 43:19

Hɛ́ɛ no! N dɛ ba wefale bɛl ɛɛ. Taraken o dɛ le, he ta on nae yaa? Mɛɛ bil ŋwɛnɛ pua hɛŋle ɡbo harɛ taa, dɛ́ ɡel nenabɔɔne chɔ harɛ la ta.

Jeremia 2:6

Ba ta n waa bɔɔrɛ ŋɔ, ‘Leperaa Korowii dɔɔ? Onee lawɛ yaa le Ijipt harɛ, dɛ kpɔ yaa valɛ pua hɛŋle ɡbo harɛ ta, harɛ komɛlbwa aa wola toole o ta, o dɔ bɔluŋe, biro ne hwel do bela, nomɛlbwa aa o ta kpɔ, á ba ɛ kɛŋɔ nɛra ɛɛ so belaa.’

Hosia 13:5

N nyiŋi he nɛɛ pua hɛŋle ɡbo harɛ ta, harɛ o ta aa do wɔrɔbe kohona.

Nɛra Kura 20:11

Ate, o ɡɔɔ daŋɡbala la lɔ bwe la kera anɛ, asɛ nee palɛ le bwe la ta yɔɔ ken, ba ne ba kondɛɛra bwa nyɔ.

Nɛra Kura 21:6

Belaa Korowii ɡel harɛkonchɔɡa ba ba baah, dɛ choɡri ba ɡalɡa ba serewe.

1 Kɔrent 10:4

A berɔ che Korowii kpeɡri ta ba dɔ nee dɛ nyɔ. Bwe taa ba dɔ nee la le. Kristoo bwe la, dɛ faa teŋɛ ba nɛɛ ba kaa.

Mmarare 1:19

Asɛ ya ir le Sinai Bwejen ta, ɡɛ Korowii aa ŋɔ ya be la, dɛ kpɔ pua hɛŋle ɡbo harɛ waa do kan kohona dɛ do ɔma la ta, dɛ kpɔ sie chaɡɛ Amɔre tena deŋɡarere harɛ he fa aa naa la ta dɛ ka tel Kades Baanea.

Mmarare 32:13

O ɡelɔ ba won kpɔ bwea dor dɛ kaa, dɛ di kwaa baa dua harɛ la ta. Asɛ dɛ berɛ dɔ tooh bwea la baah di, dɛ ɡel ba ɔleve daa baa dua bwea harɛ la ta do wer.