Mmarare 7:26 - mzwDBL

²⁶ Hɛɛ berɛ ɡɛ voɡare la bɛlbwa ne he deremi bala, ɡɛ laa aa, he ne a bwa ɛɛ cheo tɛ kɛŋɔ Korowii chɔɡ heya. A ɛ kondoŋa he kia, dɛkalkɛŋɔ Korowii lea cheɡ kɛŋɔ wɛɛ chɔɡaa.”

Mmarare 7:26 ပူးပေါင်းရင်းမြစ်များ

Aesaya 2:20

Nɛra ɛɛ pa ba voɡa baa kpɔ suuɡapoŋa ne suuɡaswɛm ɛa, dɛɛ toma laanee ta a wola tɔpere, ásɛ a berɛ daŋɡboŋre ne jereme kwa.

Aesaya 30:22

Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”

Aesaya 41:24

Voɡa la ta komɛlbwa ɛɛ, asɛ a we-ɛɛla ɡe ɛ wepuu. N kii nɛra baa dɛ toma la ne ba voɡa.

Ɛsekeɛl 11:18

Baa berɔ ba, dɛ́ ba laa voɡdoŋa maa kia bwa kpɔ le harɛ la ta.

Ɛsekeɛl 14:7

Dɛ Israel te bɛlbwa kɛɛ hɔɔh bɛlbwa waa soɡe Israel tena bini berɛ habɔɔ kpo mɛ dɛ kpɔ voɡa toma che o bambile ta, dɛ ir la n keame be, dɛ́ ka bɔɔ dɛ́ jemɛ waa maa dɛ ba ɛɛ yaa, n ɡbaɡbaa dɛ́ chaŋe naate waa tɛo.

Hosia 14:8

Israel tena aa voɡaa tomɛ kpa. Mɛɛ no ba wesoŋaa ásɛ dɛ nyiŋi ba nɛ. N do kɛŋɔ daa waa wola chure ken, n chunchule ɛɛ tɔ ba nɛɛ, ba wer doe bwa le n be.”

Sekaria 5:4

Koranar Bwa Kooro ŋɔ, “Mɛɛ tomɛ tɔn nyotaahna aa lɔ o ta laanee o kaa dem bɛlbwa baa dɛ ŋwɛ ta, ne dem bɛlbwa baa teŋe nyosone dɛɛ ŋwɛɛ n sɔn ta. Wɛɛ ka do dem la taa dɛ́ taɡɔ ɡo, dɛ́ kuuɡi o daa bwa kwaraa.”

Tɔn Pɔɔl Aa Chwerɛ Rom Tena 2:22

Hé tenten nɔ, he ŋɔ nɛra bɛ ba bala haahna ne ba bala jaranar dɛɛ nyin. Hé ɡbaɡba, haa ɡɛ ɛa? Hé ŋɔ he kii voɡa, hen ɡee bera dɛɛ ŋwɛ kwaa a deene bini.

Mmarare 13:16

Hé pa kwaa aa lɔ bwɛɛ la ta bil bwɛɛ la baah ta bela baa dɛ cheme, ásɛ dɛ kpaa nii do bwɛɛ la ne kwaa la bwa ta tɛ Korowii kɛŋɔ saraha kwaa ken. Gɛ bwɛɛ la te, ó chɔ dimɡbia, ba bɛ on vɔrɔwe kpa.

Mmarare 13:17

He bɛ ɡɛ kwaa la bɛlbwa ba kpɔ, ásɛ a ba ɛ musu tɛ heya, ásɛ Korowii baah bɛ hé nɛɛ ba di. Ó na he sum, dɛ́ dɔ tedoma tɛ heya, dɛ́ ɡel he ya kohona ɡɛ waa baɡɛ he naawa nyoa la,

Mmarare 13:18

dɛkalkɛŋɔ he dɛ no Korowii haa dɛ tomɔ nɔ deŋna waa, dɛɛ teŋɛ o waa bwa maa kpɔa dɛɛ tɛ heyaa fini nɔ ta, dɛɛ ɛ anɔ la aa toɡra o be.”