Mmarare 6:13 - mzwDBL

¹³ Hɛ́ɛ duu Korowii dɛ́ɛ tomɛ o ɡbo, dɛɛ baɡɛ nyoa o sɔn ta.

Mmarare 6:13 ပူးပေါင်းရင်းမြစ်များ

Mumpar 24:3

dɛ́ ŋwɛɛ Korowii waa lɔ nyundua ne harɛ bwa la, kɛŋɔ haa Keenan tena maa soɡe ba baah nɔ bihaahnee nyin tɛ n bie nɔ.

2 Koranar 17:36

Hé tomɛ men Korowii maa cheɡɛ n kpeɡri ne nyokpowe-ɛɛla ta, dɛ kpɔ heyaa le Ijipt harɛ ta la ɡbosoo. N ɡbosoo chɛ kɛ hé tomɛ, dɛ́ kpo kwaa ɛ sarahare tɛ mɛ.

Yela 15:4

nɛn waa hah wechɔɡ-ɛɛra, kɛ dɛɛ duu nɛra baa dɛ ɔmɛ Korowii, dɛ teŋɛ o nyobaɡa ta, hale dɛ a kpeɡri tɛo kwaaraa noo,

Yela 63:11

Korowii aa ɡela kooro pɔ o dɔma nɛɛ nomanta, o sie ɛɛ lɛo. Nɛra baa dɛ yerɛ Korowii sɔn bwa ɛɛ kpɛɛroo, kɛ nyosonteŋna te, wɛɛ tɔ ba nyoo.

Kaala 20:7

He bɛ men maa ɛ Korowii haa dɛ tom mɛ la dɛɛ ŋwɛɛ wesale bɛlbwa ta. Mɛɛ tɛr naate waa dɛ ŋwɛɛ mɛ ɡɛ la deŋnee.

Kaala 23:25

Dɛ hɛɛ teŋɔ dɛɛ tomɛ men Korowii haa dɛ tom mɛ nɔɔ yaa, mɛɛ swee heyaa andɛɛɡaa he kondikwa ne he neerare dɛ weela bwa ta.

Aesaya 45:23

N ŋwɛɛ n ɡbaɡba, maa nentanee ta dɛ́ berɛ kpɛla. N nyoa wobol bɛlbwa toɡrɔ. Nomɛlbwa ɛɛ ɡuŋ mɛ harɛɛ, ásɛ dɛ che n sɔn ta ŋwɛɛ kɛŋɔ ba Dɔɔree men.

Aesaya 48:1

Korowii ŋɔ, “Hé no, Jekɔb naanar baa bera dɛɛ yerɛ heyaa Israel tena he le Juda dea, he dɛ ŋwɛɛ men Korowii sɔn, dɛɛ ɛ kɛŋɔ he dɛ tomɛ Korowii Israel tena aa dɛ tomɔ la, kɛ haa waa haa dɛ bol la ɛ.

Aesaya 65:16

Nomɛlbwa dɛ nyin kɛ o swee andɛɛɡa harɛ la ta naa, ó soŋe le men Kasinteŋ Korowii be. Wahala aa lɔ he nɛɛ wubwa ɛɛ tonɔɔ, he soh a wa.”

Jeremia 12:16

Kɛ dɛ ba wono charɛ ba liire dɛ hweli n nɛra we-ɛɛla, dɛ won dɛɛ ŋwɛɛ n sɔn ta ŋɔ, ‘N ta aa lole saŋ bɛlbwa’ nɔ ɡɛ ba fa aa baɡle n nɛra ba yon ŋwɛɛ voɡ Baal la aa, amɔ ba ɡee ja n nɛra nɛɛ, ásɛ ba wobɛlbwa do wer tɛɛ ba.

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Jeremia 5:2

A lole kɛ ba ŋɔ ba dɛ tomɛ men Korowii, kɛ ba teŋe nyosone dɛɛ ŋwɛɛ n sɔn ta.”

Jeremia 5:7

Korowii ŋɔ, “Juda tena, ɛrɛ waa a chɛ kɛ ń kpɔ he wechɔɡa kɛ heya ɔ? He vɛɛh mɛ dɛɛ tomɛ voɡare a wa aa wola kasinteŋ dɔe. N tɛ heyaa komɛlbwa haa dɛ nyin, kɛ he ɡarɛ kaa bɔ jwamane, he ne hanjwamanere ɛɛ valɛ.

Lewi Dea Tena 19:12

He bɛ n sɔn kpɔ dɛɛ ŋwɛɛ waa aa ɛ nyosone, dɛ́ chɔɡ men Korowii haa dɛ tom mɛ sɔndɛɛɡe la. Men Korowiirii bola.

Matiu 4:10

Anee Yeesu kɔro ŋɔ, “Le n jwɛɛh kaa, Bɔnsam! Korowii Tɔn baɡlɔ ŋɔ, ‘Dɛɛ duu N Naa Korowii dɛɛ tomɛ o ɡbo.’ ”

Matiu 5:33

Anee Yeesu berɛ ŋɔ, “He noɔ kɛ baa ŋɔ saŋ la tena be ŋɔ, ‘He bɛ waa haa baɡɛ nyoa dɛ ŋwɛɛ a ta la ta koni. Hé ɛ waa la tɛ Korowii.’

Amanesoma Luk Aa Chwera Tɔn 4:8

Anee Yeesu ŋɔ o be ŋɔ, “Korowii Tɔn baɡlɔ ŋɔ, ‘Dɛɛ duu N Naa Korowii dɛɛ tomɛ o ɡbo.’ ”

Mmarare 10:12

Mosis berɔ ŋɔ, “Israel tena, waa Korowii aa dɛ nyin dɛ le he be taraken laanee kɛŋɔ, hɛ́ɛ ɔmɔ dɛ́ɛ teŋɛ o waa bwa ta, dɛ́ nyinu dɛ́ɛ tomɔ he bambile ne he hweera bwa ne,

Mmarare 10:20

Hɛ́ɛ duu Korowii haa dɛ tomɔ nɔ, hé tomɔ. Hé kpɔ he te pɛlo, o ɡbo sɔn taa chɛ kɛŋɔ hɛ́ɛ ŋwɛɛ.

Mmarare 13:4

Korowii haa dɛ tomɔ nɔ nɛɛ chɛ kɛŋɔ hé teŋɛ, onee chɛ kɛ hé ɔmɛ. Hé teŋɛ o waa ta dɛɛ duuru, hé tomɔ dɛ́ kpɔ he te pɛlo.

Mmarare 13:5

Keame nyosonteŋni kɛɛ nɛn waa won deera mun baɡla la chɛ kpoe, o baɡle heyaa waa a ɡel he ɛ deŋnekpeɡ dɛ le Korowii haa dɛ tomɔ o le he ne somanjiri dii ta Ijipt harɛ ta la habɔɔ, dɛɛ nyin kɛŋɔ he laa he te kpɔ waa haa dɛ teŋɛ a ta la aa, hé kpoo dɛ́ le ɡɛ liichɔɡa la ne he bini.

Mmarare 5:11

He bɛ men Korowii haa dɛ tom mɛ nɔ dɛɛ ŋwɛɛ wesale bɛlbwa ta. Mɛɛ tɛr naate waa dɛ ŋwɛɛ mɛ ɡɛ la deŋnee.

Mmarare 5:29

Dɛ ba pɛla fe ɛɛ lawɔɔ saŋ bɛlbwa dɛɛ duu mɛ, dɛɛ teŋɛ n waa bwa ta naa, ba ne ba naanar wobɛlbwa fe ɛɛ maɡroo tɛɛ ba.

Mmarare 6:2

Hé ne he bii ne naanar bwa ɔmɛ Korowii haa dɛ tomɔ nɔ, dɛ́ teŋɛ o Mmarare bwa maa kpɔa dɛɛ tɛ heyaa nɔ ta, ásɛ he won so biɡri.

Josua 2:12

Rahab berɔ ŋɔ ba be ŋɔ, bá ŋwɛɛ Korowii kɛŋɔ dɛ ba dɛ ba dɛ́ ba yo Jeriko tena aa, baa na o ne o lolanar sumii ɡɛ waa na ba sum la. Dɛ ŋɔ ba ɛ we-ɛɛle bɛl ásɛ o na dɛ́ yarada kɛŋɔ

Josua 23:7

Hé laa he te kpɔ harɛre nɛra baa kaa he ne ba so nɔ nɛ, he bɛ ba voɡare sɔna dɛɛ yerɛ kɛɛ dɛɛ ŋwɛɛra. He bɛ an tomɛ, he bɛ an ɡuŋi ɡe.

Josua 24:14

Asɛ Josua berɛ ŋɔ Israel tena be ŋɔ, “Hɛ́ɛ ɔmɛ Korowii dɛɛ tomɔ kasinteŋ ne. Hé pa he naawa voɡa baa toma Yufretis Moo la baŋ le ne Ijipt harɛ ta la ta, ásɛ dɛ tomɛ Korowii ɡbo.

1 Samoɛl 20:3

Anee Devid ŋwɛɛ ŋɔ, “He mɛɛ jemɔ kɛŋɔ n dɛ nyin he wa, asɛ o lii o nyu bini ŋɔ, ‘Jonatan ta chɛ kɛ ó jemɛ ɡɛ waa nɔ, ɡɛ laa aa, o bambile ɛɛ chɔɡoo.’ N ŋwɛɛ Korowii waa lole saŋ bɛlbwa nɔ kɛŋɔ, n ne seo baah aa jaŋɛ kpa.”

1 Samoɛl 7:3

Asɛ Samoɛl ŋɔ Israel tena be ŋɔ, “Dɛ hɛɛ berɔɔ ba Korowii be dɛɛ nyinu he bambile bwa ne, dɛ́ laa he te kpɔ voɡa toma ne voɡhaahna Astɔrɛt nɛ, dɛ́ kpɔ he te tɛo dɛɛ tomɛ o ɡbo aa, wɛɛ lɛ heyaa le Filisti tena kpeɡri baa dɛ di he nɛɛ la taa.”