Mmarare 5:32 - mzwDBL

³² Asɛ Mosis ŋɔ ba be ŋɔ, “Hé nyiŋi kɛrɛdɛ dɛɛ ɛ waa Korowii yaa dɛ tomɔ aa dɛ bol he be nɔ. He bɛ sie laa kpɔ a ta.

Mmarare 5:32 ပူးပေါင်းရင်းမြစ်များ

2 Koranar 17:37

Hé nyiŋi kɛrɛdɛ dɛɛ teŋɛ mmarare, ne webaɡla ne waa maa do heyaa a ta, dɛ chwerɛ tɛ heyaa la ta. He bɛ voɡ bɛlbwa tomɛ.

2 Koranar 21:8

Dɛ Israel tena ɛɛ teŋɛ waa maa do ba a ta, ne mmarare la bwa n fa aa cheɡɛ n bonɔɔ Mosis nɛɛ dɛ kpɔ tɛɛ ba la ta tenaa, maa ɡel bá doŋ ba le harɛ maa kpɔa tɛ ba naawa la ta.”

2 Koranar 22:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

Yela 125:5

Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!

Yela 19:12

Umee dɛ́ won jemɛ o ɡbaɡba wechɔɡa waa ɛaɔ? N Naa Korowii, lɛɛ mɛ le wechɔɡa maa wola jemɛ dɛ ɛ la ta.

Yela 80:19

Korowii Waa Ɛ Koranar Bwa Kooro, berɛ ba lɛ yaa, sune ya nɛ, ásɛ dɛ lɛ yaa.

Sɛɡla 3:2

aa ɡeloo he dɔ mkpajaŋ, dɛ́ berɛ ɡel he soɡa bini do wer.

Sɛɡla 4:27

Laa he te kpɔ wechɔɡa ta, dɛ́ ɡel he ŋwɛnɛ toɡre. Bɛ ŋwɛnɛdɛɛɡe la ta le.

Aesaya 30:21

He kono kpɔ diɡ oo, ɡal oo, hɛɛ no taa bɛl he habɔɔ, o ŋɔ, “Ŋwɛnɛ laanee la, hé kpɔ o ta.”

Ɛsekeɛl 20:19

Menee Korowii haa dɛ tom mɛ la, hɛɛ teŋɛ n waa ne me Mmarare maa kpɔa tɛ heyaa la ta kɛrɛdɛ.

Ɛsekeɛl 37:24

Kooro waa do kɛ n bonɔɔ Kooro Devid la, onee dɛ́ ɛ ba kooro, dɛ́ do kɛ peteɡre beŋkpoŋ dɛɛ nyiŋi ba nɛ. Baa teŋɛ me Mmarare ne waa maa kpɔa tɛɛ ba taa kasinteŋ ne.

Mmarare 11:32

hé nyiŋi kɛrɛdɛ dɛɛ teŋɛ mmarare la bwa maa kpɔa dɛɛ tɛ heyaa fini nɔ ta.”

Mmarare 12:32

Hé do sie dɛ́ ɛ waa maa do heyaa a ta nɔ, he bɛ waane kpɔ ja a ta, he bɛ ane ɡe laa kpɔ le a ta.”

Mmarare 17:11

Hé no ɡɛ baa bola la. Hé den kpɔ a ta dɛ bɛ ane laa kpɔ, dɛ bɛ ane ɡe kpɔ ja.

Mmarare 17:20

Gɛɛ dɛ́ ɡel ó jemɛ kɛŋɔ o ta o bala Israel tena ɡwaalɛ. O bɛ tɔn la waa la ane laa kpɔ, dɛ bɛ ane ɡe kpɔ ja, ásɛ a ɡel o ne o naanar di kora dɛɛ biɡri Israel harɛ ta.”

Mmarare 24:8

Dɛ bwadabii weechɔɡa ane le he nɛ aa, do sie dɛ́ pɛɛ a waa Lewi dea sɔfore la be. N bol ba be, anomanta, ɡɛ baa ŋɔ he be la, hé nyiŋi kɛrɛdɛ dɛ́ teŋɛ a ta.

Mmarare 28:14

He bɛ he te laa kpɔ le waa maa dɛ do heyaa a ta fini nɔ bɛlbwa ta. He bɛ a ta le dɛ́ ka teŋɛ voɡa nɛɛ dɛɛ toma.

Mmarare 29:8

dɛ lɛ ba harɛre dɛ bɔne tɛ Rubin ne Gad deene tena, dɛ Manasɛ dea la pera nɛra.

Mmarare 6:17

Hé nyiŋi kɛrɛdɛ dɛ́ɛ teŋɛ mmarare waa kpɔa tɛ heyaa la bwa ta.

Mmarare 6:25

Dɛ ya do sie Mmarare waa kpɔa tɛ yaa nɔ ta naa, anee dɛ́ ɡel o tea too ya nɛ.’ ”

Mmarare 6:3

Israel tena, hé noa dɛ́ kaa teŋɛ a ta, ásɛ a do wer kɛrɛdɛ dɛ́ tɛ heya. Anee dɛ́ ɡel hé ya kohona harɛpare ondɛɛɡe ta, ɡɛ Korowii he naawa aa tomɔ aa baɡɛ heyaa nyoa la.

Mmarare 8:1

Mosis berɔ ŋɔ, “Hé ɡel he sie chɔ harɛ hɛɛ teŋɛ Mmarare maa kpɔa tɛ heyaa fini nɔ ta kɛrɛdɛ. Ásɛ dɛ dɔ he nyu, hé mun ya dɛ́ won jo harɛ Korowii aa baɡɛ he naawa nyoa la ta dɛ́ kpɔ ɛ he kon.

Josua 1:7

Che kiŋkiŋ, dɔ bambile kohona. Gel he sie chɔ harɛ hɛɛ teŋɛ mmarare la bwa n bonɔɔ Mosis aa kpɔa tɛɛ la ta. Bɛ sie laa kpɔ a ta dɛ́ dɔ kɛrɛdɛ bela bwa haa kaa.

Josua 23:6

Anomanta, hé nyiŋi kɛrɛdɛ dɛ́ɛ teŋɛ waa Mosis aa chwera do Korowii Mmara tɔn la bini la, dɛ bɛ ba koni.

2 Pita 2:21

Dɛ ba fe ta Korowii ŋwɛnɛtoɡre la waa noɛ ka aa, a fe bɔ ba nɛɛ dɛ ɡwaa kɛŋɔ baa jemɛ Korowii ŋwɛnɛ la dɛ vɛh waa o ɡbaɡba aa ŋɔa báa ɛ la ɛɛ.