Mmarare 5:14 - mzwDBL

¹⁴ kɛ tɔpenuanɛte la ɛ Ona Tɔpere tɛ men Korowii haa dɛ tom mɛ. O telaa, he bɛ toma bɛlbwa ɛ o ta. He ne he bibaala ne bihaahna kɛɛ bonɔɔna, kɛɛ toli bɛlbwa bɛ toma ɛ. Hale he nae ne keeɡore, ne kondɛɛre te bɛlbwa, dɛ hɔɔhra kwaraa baa lɔ he deremi bɛ toma ɛ. Gɛ aa ɛ bonɔɔ kɛɛ tolo waa lɔ he sie la ɡe won dɔ bɔr onɛ ɡɛ haa dɛ onɛ la.

Mmarare 5:14 ပူးပေါင်းရင်းမြစ်များ

Mumpar 2:2

Tɔpenuanɛ te ne tela la, dɛ o tonɛ o toma bwa. Anomanta, o onɔ tɔpenuanɛ te la ta.

Nehemia 13:15

A ɡɛ saŋ la, n na Juda tena bane baa dɛ tiɡri ɡrepo nɔna ta, dɛ kpɔ a nee dɛɛ ɛ sen Ona Tɔpere ta. Bane ɡe che mea ne sen ne ɡrepore, ne fiɡ daa nɔna, dɛ kwaa bwa soo siwi ba keeɡore ta, dɛɛ ba Jerusalam. Anomanta, n kah ba ŋɔ, bá nyiŋi kɛrɛdɛ dɛ bɛ komɛlbwa yoɡ Ona Tɔpere ta.

Nehemia 13:16

Dɛ bwɛjen Taaya tena bane soɡe Jerusalam, dɛ kpɔ pɛŋa ne laala bwa soo siwi ba yoɡ dɛɛ tɛ Juda tena Ona Tɔpere ta.

Nehemia 13:21

Kɛ n kah ba, dɛ ŋɔ ba be ŋɔ, “A ta aŋwɛnɛ ta ɛɛ kɛŋɔ he baa so danjwɛɛ la baŋ jɔmɔra ka tel kɛ tɔ aa pera. He berɔ ɛ ken ja aa, mɛɛ tɛr he deŋnee.” A habɔɔ, ba ta Ona Tɔpere ta balɛ kpa.

Nehemia 5:5

Ya ne ya bala Juu tena bwa beŋkpoŋ. Gɛɛ ya bii ne ba ɡe bii ɛ kɛrɛdɛ, kɛ ya kpɔ ya bibaala ne bihaahna do ba lɔɡa kɛŋɔ yoma ken, ya bihaahna bane tɔ sie ɛ yoma. Taraken ya ta kpeɡri bɛlbwa dɔe kpa, dɛkalkɛ ya kooni ne daa kooni berɛ nɛra bane kwa.”

Kaala 23:12

Tɔpera anumɛlee hé dɔ kɛ he ɛ toma, kɛ tɔpenuanɛ wee ta te, he bɛ toma bɛlbwa ɛ, ásɛ he nabala ne keeɡore ne nɛndɔɔla baa lol ba he deremi dɛ nɛŋhɔɔhra ɡe won dɔ bɔr onɛ.

Lewi Dea Tena 23:3

Tɔpera anumɛlee lole kɛ hé kpɔ ɛ he tomare, kɛ tɔpenuanɛ wee la ɛ Ona Tɔpere. O ɛ tɔpere hé bwa aa cheme dɛ́ɛ tom mɛ o ta. He bɛ toma bɛlbwa ɛ o ta bobɛlbwa haa soɡa, o ɛ Ona Tɔpere dɛ tɛ Korowii.

Amanesoma Mak Aa Chwera Tɔn 2:27

Anee Yeesu ŋɔ ba be ja ŋɔ, “Nɛn waa Korowii cheɡ Ona Tɔpere. Ona Tɔpere te waa laa o ta nɛn.

Amanesoma Luk Aa Chwera Tɔn 23:56

Asɛ ba berɛ kaa dem, dɛ ka ɛ kwaane a sɔɔh aa soma dɛɛ ba kpɔe ka ɛ lale la. Ona Tɔpere la, ba onɔ ɡɛ Mmara la aa baɡla la.

Mmarare 5:13

Tɔpera anumɛlee he dɔ kɛŋɔ hé ɛ he toma bɛlbwa,

Hibru 4:4

Korowii Tɔn bobɛl bol tɔpenuanɛ wee la waa ŋɔ, “Korowii aa tonɛ o toma bwa la, o onɔ tɔpenuanɛ wee la ta,”