Mmarare 4:28 - mzwDBL

²⁸ Bela haa ka so la te, hɛɛ tomɛ voɡa nɛwɛnyini aa ɛa, daa ne bwea aa wola na, aa waa no, aa kwaa di aa wola sɔɔh ɡe no.

Mmarare 4:28 ပူးပေါင်းရင်းမြစ်များ

2 Koranar 17:40

Ba ta noɛ, dɛ ta teŋɛ ba webena ta.

Aesaya 26:14

Taraken, ɡɛ nɛra la serewɔ, ba toole kpa, ba lala aa ir kpa. He tɛr ba deŋne dɛ chɔɡ ba, nomɛlbwa aa ba waa lii kpa bwa.

Aesaya 44:11

O ne nɛra baa dɛ tomɛ voɡ la bwa ɛɛ di sihiih. Nɛra laa dɛɛ sɛh kwa aa? Ame binii ba doɔ? Ba bwa ɛɛ ba chemoo ba bol ba waa dɛ́ pa bole, ásɛ ba bwara yɔr kohona, ba di sihiih.

Aesaya 44:12

Nii taa loɡre do buni dɛ́ yon kpɔ dɛɛ ɛ toma. Hamba nee wɛɛ lɔɔro bokpeɡa ne, dɛ́ ɛo ɡɛ waa dɛ nyin kɛ kon la mar do. Lɔr ne nyɔɡre nee wɛɛ ɛo dɛ́ ba koh.

Aesaya 44:9

Nɛra baa dɛ ma voɡa kɛɛ dɛɛ sɛah la dɛ ɛ wepuu, kwaa ba sie aa dɛ lɛ a ta la ɛ konsale. Nɛra baa dɛ tomɛ voɡa nɔ, ba do kɛŋɔ nɛra baa nyoŋa ken, baa wobɛlbwa jemɛ, baa di sihiih.

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Aesaya 46:7

Ba ɡɔɔro dɛ chwaa, dɛ choɡo cheɡ o chebɔr aa, dɛ o cheɡɔ, waa won tu nakpala. Ba yerɔ waa won sɛh. Waa won lɛɛ ba le ba wahala ɡe ta.

Jeremia 10:3

Ba nawee waa bwa ɛ wepuu, ba yon teŋe daa le kɔr bini, ásɛ nɛn waa jemɛ kwaa sɛɛh kpɔ o buni sɛoh.

Jeremia 10:5

Ba ɛa a do kɛŋɔ yakwane baa saɡa koo, dɛ kpɔ dɛɛ doŋi jumbii la ken, ba voɡare la aa won waa bol. Cheɡaa baa chea, dɛkalkɛ aa won valɛ. He bɛ an dɛɛ ɔmɛ, wobɛlbwa toole á won ɛ, kɛɛ dɛ́ won ɛ wedɛɛɡa ane tɛ heya.”

Jeremia 10:9

Ba yon kpɔ suuɡapoŋa le bwɛjen Taases ne suuɡaswɛm le bwɛjen Ufas ta, dɛ baa ɛ ba voɡare bwara. Nɛra baa dɔ kwaa sɛɛh, ne suuɡaswɛm dɛ yale sɔeh wejema ɡe, yon kpɔ yaburum ne yakɔl ɛ a bwara.

Jeremia 16:13

Anomanta, mɛɛ kpɔ heyaa ka ta harɛfale he naawa aa wola o ta jemɛ bwa ta, ásɛ he kaa tomɛ voɡare bela chɔɔ ne jwaana. Maa he nɛɛ suna ba!’ ”

Ɛsekeɛl 20:32

He ɛ he liire kɛŋɔ he fee do ɡɛ harɛre nɛra bane aa doa, dɛɛ tomɛ voɡa baa kpɔ daa ne bwea ɛa. Aa ɡɛɛ maɡre.

Ɛsekeɛl 20:39

Nemenɛ Korowii ŋɔ, “Israel tena, hé dɛ nyin kaala ka tomɛ he voɡare aa, hé kaa. Kɛ n dɛ ŋɔ he be ŋɔ a habɔɔ la, hɛɛ baa teŋɛ n waa taa dɛ́ ɡel sarahare ka ɛɛ he voɡare ta, dɛɛ chɔɡ n sɔn waa do ɡoroŋ, dɛɛ duu mɛ.

We-ɛɛla 19:26

Kɛ taraken, he ɡbabir na waa Pɔɔl nɔ aa dɛ ɛ, dɛ no waa waa dɛ bol. Ɛfesos bonɔ ɡbo laa wɛɛ ɛ o waa nɔ. Eesia harɛ kɛrɛdɛ bwaa wɛɛ ɛa. O wono berɛ nɛndamanta bwa liire baa teŋɛ waa waa dɛ baɡle la ta. O waa waa dɛ bol laanee kɛ voɡa nɛwɛnyini ɡbaɡba aa kpɔ nɔn dɛɛ ɛa la ta kasinteŋ dɔe.

We-ɛɛla 7:42

Asɛ Korowii berɛ habɔɔ kpo ba, dɛ ɡel baa ɛ ba tetoowaa dɛɛ tomɛ wee ne korobie ne weweela aa lɔ nyundua la. Gɛɛ ba chwerɛ Korowii Keamere Tɔn ta la ŋɔ, ‘Israel tena, he fa aa lɔ pua hɛŋle ɡbo harɛ ta bene lafraanaarɛ la, menee he fa kpoo kondɛɛra dɛɛ tɛ la aa?

Mmarare 28:36

Mosis berɔ ŋɔ, “Wɛɛ kpɔ he ne he kooroo kaa harɛ he ne he naawa aa wola bela jemɛ, ásɛ he kaa tomɛ voɡa, kwaa baa kpɔ daa ne bwea ɛa.

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Mmarare 29:17

He na voɡa aa ɛ kii kwaa ba kpɔ daa ne bwea ne suuɡapoŋa dɛ suuɡaswɛm ɛa.

Wepila 9:20

A ɡɛ waa nɔ kwaraa ta la, nɛra baa kaa baa wola sewɛ a ɡɛ waa la ta la ta ba liire charɛ, dɛ le ba tonchɔɡa ta, dɛ ta ɛɛ tomɛ Bɔnsam toroma ne voɡa. Suuɡaswɛm ne suuɡapoŋa ne bwea ne daa baa kpɔa ɛ voɡa la aa na, aa waa no, aa won ir valɛ ɡe, kɛ ba dɛ toma.

1 Samoɛl 26:19

N naa kooro, no men maa ɛ he bonɔɔ waa maa dɛ bol. Dɛ Korowiirii ɡela he fome siwi pa n nɛ aa, mɛɛ kpɔ saraha kwaa tɛo. Kɛ dɛ nɛwɛnyinii dɛɛ ɛ aa, Korowii nyotaahna laɡ ba. Dɛkalkɛ, ba doŋ mɛ le Korowii be o harɛ ta, n ka do harɛfale baa dɛ tomɛ voɡa ɡbo o ta.