Mmarare 4:1 - mzwDBL

¹ Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.

Mmarare 4:1 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 10:5

Kenii Mosis bol nɛra baa dɛ nyin ba che Mmara ta teŋa ta ásɛ ba waa su Korowii siwi la wa. O ŋɔ, “Nomɛlbwa waa dɛ teŋɛ waa aa lɔ Mmara la bwa ta la, wɛɛ dɔ mkpaa le Mmara la ta teŋa ta.”

Mmarare 8:1

Mosis berɔ ŋɔ, “Hé ɡel he sie chɔ harɛ hɛɛ teŋɛ Mmarare maa kpɔa tɛ heyaa fini nɔ ta kɛrɛdɛ. Ásɛ dɛ dɔ he nyu, hé mun ya dɛ́ won jo harɛ Korowii aa baɡɛ he naawa nyoa la ta dɛ́ kpɔ ɛ he kon.

Ɛsekeɛl 20:11

N kpɔ n waa tɛɛ ba dɛ baɡ ba me Mmarare, ásɛ nomɛlbwa waa teŋɛ a ta la, ó dɔ mkpa.

Lewi Dea Tena 18:5

Hɛɛ teŋɛ me Mmarare ne waa maa dɛ do heyaa a ta la bwa ta. Nomɛlbwa waa dɛɛ teŋɛ waa aa lɔ Mmara la bwa ta la, wɛɛ dɔ mkpaa le Mmara la ta teŋa ta. Men Korowiirii bola.

Mmarare 30:16

Dɛ he teŋɛ Korowii haa dɛ tomɔ nɔ waa maa kpɔa dɛɛ tɛ heyaa fini nɔ ta, dɛɛ nyinu dɛɛ teŋɛ o waa ta kɛrɛdɛ naa, he wobɛlbwa ɛɛ do werii tɛ heya taeh. Wɛɛ swee andɛɛɡaa tɛ heya he dɔ mkpa harɛ haa dɛ la ka so o ta la ta.

Mmarare 5:33

Waa Korowii aa do heyaa a ta la taa chɛ kɛŋɔ hé do sie, ásɛ dɛ dɔ he nyu á chiɡ heyaa kɛrɛdɛ, dɛ́ dɔ mkpajaŋ harɛ haa dɛ la ka so o ta la.”

Mmarare 5:1

Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.

Lewi Dea Tena 22:31

Hɛ́ɛ teŋɛ me Mmarare maa kpɔa tɛ heyaa la ta. Men Korowiirii bola.

Lewi Dea Tena 19:37

Hɛ́ɛ teŋɛ me Mmarare ne waa maa dɛ́ do heyaa bwa ta. Men Korowiirii bola.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Ɛsekeɛl 37:24

Kooro waa do kɛ n bonɔɔ Kooro Devid la, onee dɛ́ ɛ ba kooro, dɛ́ do kɛ peteɡre beŋkpoŋ dɛɛ nyiŋi ba nɛ. Baa teŋɛ me Mmarare ne waa maa kpɔa tɛɛ ba taa kasinteŋ ne.

Ɛsekeɛl 36:27

Mɛɛ kpɔ n domaa ba so he nɛ, ásɛ hɛɛ teŋɛ me Mmarare, ne waa maa baɡle heyaa la ta kɛrɛdɛ.

Ɛsekeɛl 20:21

Ba bii la ɡe ɛɛ mɛ deŋnekpeɡ. Bɛlbwa ta n waa ne me Mmarare la ta teŋɛ kɛrɛdɛ, a lole kɛŋɔ anee fe dɛ́ ɡel ba dɔ mkpa. Ba chɔɡ n Ona Tɔpera la. Asɛ n ŋɔ mɛɛ kpɔ n bandia kohonaa ba ta ba nɛ pua hɛŋle ɡbo harɛ ta bela, dɛ́ tɛr ba deŋne.

Ɛsekeɛl 11:20

Ásɛ baa teŋɛ me Mmarare ne n waa ta kɛrɛdɛ. Mɛɛ kpɔ baa ɛ n nɛra, ásɛ n ɛ Korowii baa dɛɛ tom mɛ.

Yela 119:4

N Naa Korowii, he kpɔ he Mmarare tɛ yaa, dɛ ŋɔ yá kpɔ kasinteŋ dɛɛ teŋɛ a ta.

Yela 105:45

ɡɛ aa ɛ ásɛ baa teŋɛ o Mmarare, ne waa waa do ba a ta la ta. Hé kpɛɛ Korowii!

Mmarare 30:19

Nyundua ne harɛ ɛ danseɛ fini kɛŋɔ n tɛ heyaa mkpa ne seo, dɛ som Korowii aa dɛ tɛ ne taahna. Kɛ hé kpɔ a bini bɛl. Hé kpɔ mkpa.

Mmarare 16:20

Hɛ́ɛ teŋɛ kasinteŋ waa ɡbo ta, ásɛ dɛ dɔ mkpa dɛ́ ka kpɔ harɛ la Korowii haa dɛ tomɔ aa kpɔa dɛɛ tɛ heyaa la.

Mmarare 11:32

hé nyiŋi kɛrɛdɛ dɛɛ teŋɛ mmarare la bwa maa kpɔa dɛɛ tɛ heyaa fini nɔ ta.”

Mmarare 11:1

Mosis berɔ ŋɔ, “Anomanta, hɛ́ɛ nyin Korowii haa dɛ tomɔ nɔ waa dɛ́ɛ teŋɛ o Mmarare bwa ta.

Mmarare 4:45

Anee ɛ webaɡla ne Mmarare Korowii aa kpɔa tɛɛ ba a ɡɛ saŋ baa le Ijipt harɛ ta ba habɔɔ,

Mmarare 4:8

Harɛ bɛlbwa ɡe toole, hale o ne o sɔn dɔe bwa, dɛ dɔ mmarare aa toɡra kɛŋɔ anɔ nɔ maa dɛ dalwe a ta nɔ bwa.

Lewi Dea Tena 20:8

Hé lawɛ me Mmarare bini kpoŋe dɛ́ɛ teŋɛ a bwa ta, dɛkalkɛ menee Korowii, menee ɡela he do ɡoroŋ.

Amanesoma Jɔn Aa Chwera Tɔn 15:14

He dɛ teŋɛ n waa maa kpɔa tɛ heyaa la ta te naa, amɔ dɛ n daamanaree heya.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Kaala 18:20

Gel ba jemɛ Korowii Mmarare la, dɛ́ baɡ ba ɡɛ baa so sodɛɛɡa.

Mmarare 1:3

Baa le Ijipt harɛ bene fifraanaarɛ habɔɔ, korobie fi dɛ beŋkpoŋ tɔpere waa tɔ sie la taa Mosis bol waa Korowii aa ŋɔa o bol ba be bwa.

Mmarare 4:40

Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”

Mmarare 30:20

He nyin Korowii haa dɛ tomɔ nɔ, dɛ́ teŋɛ o waa ta kasinteŋ ne, dɛ́ kpɔ he te pɛlo, ásɛ he ne he naanar biɡri harɛ waa baɡɛ nyoa ŋɔ wɛɛ kpɔɔ tɛ he naawa Abraham ne Aesek dɛ Jekɔb la ta.”

Lewi Dea Tena 19:19

Hɛ́ɛ teŋɛ n waa maa kpɔa tɛ heyaa la ta. He bɛ ɡel he kondɛɛra aa wola siwi beŋkpoŋ ɛɛ jwee dɔŋa. He bɛ kondwee aa wola siwi beŋkpoŋ ɛɛ pɛ du harɛ beŋkpoŋ ta. He bɛ yal baa kpɔ jisepondɛɛɡe ne pee pona sɔh la tɔ.

Mmarare 1:8

Harɛ nɔ waa chɔ he sie nɔ, hé kaa dɛ́ ka kpɔ. Harɛ nɔɔ n baɡɛ nyoa ŋɔ mɛɛ kpɔɔ tɛ he naawa, Abraham ne Aesek ne Jekɔb dɛ ba naanar baa ka ba la.’ ”

Mmarare 6:1

Mosis berɔ ŋɔ, “Mmarare Korowii aa do mɛ ŋɔ ń baɡle heyaa laanee mɛɛ ba heyaa baɡla nɔ. Hé kaa do sie a ta, harɛ haa dɛ ba o ta kaala ka so la ta.

Mmarare 6:24

Asɛ Korowii ŋɔ yáa teŋɛ Mmarare nɔ ta dɛ́ɛ duuru. Dɛ ya dɛ ɛ ɡɛ naa, aa chiɡ yaa kɛrɛdɛɛ ya dɔ mkpa ɡɛ yaa doa fini nɔ.

Mmarare 7:11

Anomanta, hé nyiŋi kɛrɛdɛ dɛ́ɛ teŋɛ Mmarare waa baɡle heyaa dɛ kpɔ tɛ heyaa fini nɔ ta.

Mmarare 8:11

Hé nyiŋi kɛrɛdɛ kɛŋɔ haa Korowii haa dɛ tomɔ la waa soh, dɛ́ ba vɛh o Mmarare maa kpɔa dɛɛ tɛ heyaa fini nɔ.

Mmarare 9:1

Mosis berɔ ŋɔ, “Israel tena hɛ́ɛ no, fini hɛ́ɛ le Jɔɔdan Moo la baŋ harɛ taa dɛ́ ka doŋi harɛre nɛra baa kana dɛ do kpeɡri ɡwaa heya. Ba dɔ bwɛjena dɛ ma danjwɛkpeɡa a kaa nyundua bara.

Mmarare 13:1

Mosis berɔ ŋɔ, “Dɛ keame nyosonteŋni bɛl kɛɛ nɛn waa won deera mun baɡla ba he be dɛ ba bol nyokpowaa bɛlbwa he be,

Josua 3:9

Anee Josua yerɛ Israel tena la ŋɔ, “Hé ba, dɛ́ ba no waa Korowii haa dɛ tomɔ la aa dɛ bol.

Jeremia 11:6

Anee Korowii ŋɔ n be ŋɔ, “Ka bol ɡɛ waa nɔ bwa Juda bwɛjena ta, ne Jerusalam fɔɡbaahna. Bol nɛra la ɡe be ŋɔ bá cheɡ deŋne dɛ́ no waa aa lɔ fɔo nɔ ta kɛrɛdɛ dɛ́ɛ teŋɛ a ta.