Mmarare 33:9 - mzwDBL

⁹ Banee lawɛ he waa bini kpoŋe ɡwaa ba nyare ne mɛɛnanar, ne ba dɔɔranar kɛɛ biirere. Ba teŋɛ he waa ta dɛɛ di kasinteŋ he fɔo he ne baa fɔwa la ta.

Mmarare 33:9 ပူးပေါင်းရင်းမြစ်များ

Mumpar 29:32

Lea kpoŋe tea dɛ lolɛ bibaa dɛ pa o sɔn Rubin. O munii kɛŋɔ Korowii na wahala maa lɔ a bini. “Name te n jaa ɛɛ dɛɛ nyin mɛɛ.”

1 Webena 17:17

N Naa Korowii, he ta ɡelɛ a jaɡɛ bela dɛ ta teŋɛ ɛ ane dɛɛ ja, he berɔ bol he bonɔɔ naanar baa ka ba kerekere ɡe wa. He berɔ ɛɛ mɛ kɛŋɔ nɛnjen kohona.

Job Tɔn 37:24

Nɛra dɛ duuru a wa, nɛra baa dɛ lii kɛ ba jemɛ wa, kɛ dɛ ɡɛn la, waa ban nyin.”

Yela 119:57

N Naa Korowii, henee n komɛlbwa. N sɛoh kɛŋɔ mɛɛ teŋɛ he Mmarare la taa.

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Lewi Dea Tena 10:6

Belaa o ŋɔ Arɔn ne o bibaala Eliasa ne Itama be ŋɔ, “He bɛ he batakaani kɛɛ á baɡle kɛŋɔ he dɛ ɛ lwe. Hé lee he nyuune. He ɛ ɡɛ naa, hɛɛ serewoo ásɛ Korowii baah di nɛra nɔ bwa nɛ. Kɛ he lolanar ne Israel tena te bwa dɔ ŋwɛnɛ kɛŋɔ ba ɛ lwe, nii Korowii aa ɡela a ba kpoo ɡɛ nɛra nɔ wa.

Lewi Dea Tena 21:11

Sɔfonomoa la bɛ bela nɛn aa sewa dɛ chɔ la jo. O ta ŋwɛnɛ dɔe hale dɛ o mɛɛ kɛɛ o nyaa sewa oo, ó ka jo o be dɛ́ kah doŋa,

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

Matiu 12:48

Yeesu pɛɛ ba ŋɔ, “Umee n nyaɔ? Umewaa n nimanar ɔ?”

Matiu 22:16

Anomanta, ba tomɛ ba habɔteŋra bane ne Hɛrɔd nɛra bane, ba ba o be dɛ ba ŋɔ, “Nomoa, ya jemɔ kɛŋɔ kasinteŋ ɡboo hɛɛ bol, haa nyosone teŋe. Korowii ŋwɛnɛɛ hɛɛ chaɡle nɛra kasinteŋ ne. He ta bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol wa, kɛŋɔ bɛl ɛ kooro kɛɛ nomoa kɛɛ bechala nɔ.

Amanesoma Luk Aa Chwera Tɔn 14:26

“Dɛ nomɛlbwa ba n be o ta men nyine ɡwaa o mɛɛ ne o nya, ne o haah ne bii, o dɔɔranar ne nimanar ne nimambii dɛ o ɡbaɡba aa, waa won ɛ n habɔteŋre.

2 Kɔrent 5:16

Anomanta, fini habɔɔ, yaa nɛra nyiŋi ɡɛ nɛwɛnyina aa dɛ nyiŋ ba la. Ya fa dɛ nyiŋi Yeesu Kristo ɡba ɡɛ, kɛ yaa on ɡɛ nyiŋi kpa.

Galaasia 1:10

Maa ŋɔ ken nɔ, dɛ nɛwɛnyini bee mɛɛ nyin sɔn kɛɛ Korowii be nɔ? Maa sɔn nyin nɛwɛnyini be, Korowii bee mɛɛ nyin sɔn. Dɛ nɛwɛnyini bee mɛɛ nyin sɔn te naa, n fe ta Yeesu Kristo bonɔɔ ɛɛ.

1 Tesalonika 2:4

Anɔ la Korowii aa dɛ nyin laanee yaa bol. Yanee o dɔ hwɛɡa tɛ kɛŋɔ ya bol o Amanesoma la. Anomanta, yaa anɔ la nɛwɛnyini sie aa dɛ lɛ a ta bol, kɛ anɔ la Korowii waa jemɛ bambile bɛlbwa waa la aa dɛ nyin la, anee yaa bol.

1 Timoti 5:21

N cheɡɛ Korowii ne Yeesu Kristo ne nyundua toroma la bwa sie dɛ kpɔ waa nɔ dɛɛ tɛɛ, ásɛ he we-ɛɛla bwa ta la, he bɛ ɡel nɛra bane waa su he siwi dɛ ɡwaa bane, kɛ dɛɛ ɛ ba bwa kɛrɛdɛ.