Mmarare 33:29 - mzwDBL

²⁹ Israel tena, he na som to. Nomɛlbwa ta heyaa tele, he ɛ nɛra Korowii aa lɛ heya. O ɡbaɡbaa he ɡbemɡbe ne he tokobi. Onee dɛ́ lɛ heya dɛ́ ɡel he yo le. He dɔma ɛɛ ba ɡuŋi he siee, dɛɛ soŋe ŋɔ he sune ba nɛ, ásɛ he tiɡri ba nɛ.’ ”

Mmarare 33:29 ပူးပေါင်းရင်းမြစ်များ

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

2 Samoɛl 22:3

Korowii maa dɛ tomɛ do kɛŋɔ Bwetal maa chwaa kaa marɛ. Onee dɛɛ tɔ mɛ ɡbemɡbe dɛ ɛ n Kpeɡnɛn. Onee n chwa baa pɛl dɛɛ dɔ n nyu, dɛ ɛ n Lɛɛ le nɛra baa dɛ nyin yoi nɔn ta.

2 Samoɛl 22:45

Nɛŋhɔɔhra baa ɡuŋ mɛ, ba no n wa aa, ba dɛ teŋɛ a ta.

2 Samoɛl 7:23

Harɛ bɛlbwa nɛra toole dɛ do kɛŋɔ he nɛra Israel tena, harɛ beŋkpoŋ nɛra hen Korowii aa lɛɛ ba le wenaale ta Ijipt harɛ dɛ kpɔ ba ɛ he nɛra la. Wejena ne nyokpowe-ɛɛla haa ɛa tɛɛ ba la bwa ɡelɔ he dɔ sɔn harɛ nɔ ta bwa. He berɔ doŋi harɛre ane nɛra ne ba voɡa le ba sie.

2 Webena 31:8

Kooro Hɛsɛkea ne o nomonome aa baa na ɡɛ koŋkɛɛla la aa daŋa chɔ la, ba kpɛɛ Korowii, dɛ swee andɛɛɡa tɛ o nɛra Israel tena.

Yela 1:1

Nɛra baa wola nɛnchɔɡa we-ɛɛla ta teŋɛ, baa wola waa wechɔɡ-ɛɛra aa dɛ ɛ ɛ, kɛɛ baa wola banɔ la baa dɛ mamɛ Korowii nɛɛ jae la, ba na som.

Yela 144:15

Nɛra baa dɔ a ɡɛ waa nɔ la, ba na som. Nɛra baa dɛ tomɛ Korowii la, ba na som!

Yela 18:44

Baa dena no n waa ba no n be, nɛŋhɔɔhra pwɛr ba te dɛ baa ɡuŋi n sie.

Yela 18:45

Ba hwɛɡa bwa tonɔ, ba kpɔ bochela le ba dekpeɡa bini dɛɛ ba.

Yela 32:1

Nɛra Korowii aa kpɔ ba wechɔɡa kɛ ba, waa wola a waa lii kpa la, ba na som.

Yela 32:2

Nɛn Korowii aa wola o wechɔɡa waa lii kpa, nyosone bɛlbwa aa wola toole o bini la, o na som.

Yela 33:12

Harɛ bɛlbwa nɛra baa kpɔ Korowii dɛɛ tomɔ, o lee ba tɛ o te la, ba na som.

Yela 33:20

Ya hwɛɡa bwa lɔ Korowii nɛ, onee dɛɛ cha yaa, dɛɛ tɔ yaa ɡbemɡbe.

Yela 45:3

Banyoo, ir kpɔ he dɔmkon sɛɡle, he ɛ koojen, waa haa dɛ ɛ kan dɛ dɔ jirima.

Yela 66:3

Hé ŋɔ Korowii be ŋɔ, “He we-ɛɛla dɔ nyokpoa, he kpeɡri haa dɔa ɡe do kan kohona a ɡel he dɔma kpɔ ɔmee baa ɡuŋi he sie.

Yela 68:34

Hé bol o kpeɡri waa dɔa wa, o nyanyini bɔle Israel tena nɛ, o kpeɡri do nyundua ɡe.

Yela 7:12

Dɛ wechɔɡ-ɛɛra la ta ba liire charaa, Korowii ɛɛ sar o tokobii, dɛ́ harɛ o to kpa.

Yela 81:15

Nɛra baa hah men Korowii ɛɛ kpɔ ɔmee ba ɡuŋi n sie. Ba deŋnetɛra ɛɛ do lee saŋ bɛlbwa dɛɛ la.

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 27:1

Awola tɔpere la, Korowii ɛɛ kpɔ o kerejen waa nyɛɡa laanee tɛr oljen waa dɛ tuuɡi harɛ, dɛ ɛ harɛkon, dɛ ɡoɡli dɛɛ kaa sɔrr la deŋne. Onee mpo bini oljen Lɛvayatan la.

Aesaya 33:16

Banee dɛɛ ba deŋnesɔɔhna ne soɡa, kɛŋɔ baa soɡe dekpeɡ bini. Baa dɔ kondikwaa dɛɛ di, nee ɡe aa ban paŋɛ bwa.

Aesaya 45:17

Kɛ Israel tena te, Korowii ɛɛ lɛɛ baa saŋ bɛlbwa. Baa sihiih di, saŋ bɛlbwa bwa.

Aesaya 58:14

ate, mɛɛ ɡeloo he dɔ silɛɛ toma haa dɛ tom mɛ la wa. Mɛɛ berɔ ɡel he dɔ duure harɛ ta bobɛlbwa, dɛ́ berɛ na som harɛ maa kpɔa tɛ he nabaa Jekɔb la ta. Men Korowiirii bola.”

Jeremia 12:12

Laa tena baa wara lɔ pua hɛŋle ɡbo harɛ deŋɡarere dor, dɛɛ ba dɛ́ ba chɔɡ nɛra ne kwa. Men Korowiirii kpɔ ba dɛɛ ba, bá ba yoo ba, dɛ́ chɔɡ harɛ la bwa ásɛ nomɛlbwa bɛ deŋnesɔɔhna dɔ.

Jeremia 47:6

He yon dɛɛ wi ŋɔ, ‘N Naa Korowii, he kpoŋe he kere, saŋ besoo hé kpɔ kere la kpoo nɛra ka tel ɔ? Kpɔɔ do o tɔɔ bini ó chɔ bela jeih ken.’

Hosia 13:9

Israel tena, he serewɔ, dɛkalkɛ he ɛ wechɔɡa dɛ jo n nɛ.

Emɔs 8:7

Korowii Israel tena aa dɛ tomɔ la ŋwɛɛrɔ ŋɔ, “Maa ba waa baa ɛa bɛlbwaa soh bwa.

Habakuk 3:19

Nemenɛ Korowiirii n kpeɡri, o ɡelɔ n nakpale do kɛŋɔ chwae kwaa ken, n won bwejena dor vala. N chwerɛ waa nɔ ka tɛ yela nomoa ó kpɔ o janjela ne kwaa aa do ɡɛ la lɔa.

Nɛra Kura 24:5

He na ɡɛ he tɛnte deene aa wera, Israel tena, he sobɔra wer.

Nɛra Kura 33:52

hé doŋi bela tena baa lɔ harɛ la ta bwa le. Hé chɔɡ ba voɡa baa sɛah ne anɔ la baa loɡa, dɛ́ chɔɡ bela baa chema dɛɛ toma bwa.

Mmarare 32:13

O ɡelɔ ba won kpɔ bwea dor dɛ kaa, dɛ di kwaa baa dua harɛ la ta. Asɛ dɛ berɛ dɔ tooh bwea la baah di, dɛ ɡel ba ɔleve daa baa dua bwea harɛ la ta do wer.

Mmarare 4:32

Hé ta sie nyiŋi waa aa bala mɔɔ ba lolɛ heyaa la. Dɛ́ berɛ le ɡɛ saŋ Korowii aa ta nɛn ba harɛ nɔ ta la na. Hé ta sie nyiŋi harɛ nɔ bwa ta, waane aa do kan ɡwaa anɔ dɔŋ chiɡo kɛɛ he no a dɔŋa kaa?

Mmarare 4:34

Voɡ bɛl wono che nyokpowe-ɛɛla ta dɛ lawɛ o nɛra le nɛra bane harɛ ta, ɡɛ Korowii aa ɛa tɛ heyaa ɡɛ saŋ haa lɔ Ijipt harɛ ta la kaa? O cheɡɛ o kpeɡri waa kana kohona la ne hɔhɔrɔwa ne laa ne nyokpowe-ɛɛla dɛ waa aa do ɔma ta, dɛ lawɛ heyaa le.

1 Timoti 4:10

Koeh yaa dɛ swɛɛ siwi dɛɛ ɛ o toma nɔ bwa, Korowii waa lole saŋ bɛlbwa la nɛɛ ya sie dawɛ. Onee dɛɛ lɛ nɛn te bɛlbwa. Nomɛlbwa waa yaradao dɛ kpɔ o te tɛo la, o dɛ lɛo.

Wepila 1:16

O kpoŋe weweela anuanɛ o nɔndiɡ ta, asɛ tokobijen sie anɛ te waa nyɛɡa ɛɛ le o nyoa. O siebɔr ɡe dɛ nyɛɡle kɛŋɔ wee aa dɛ lɔ kpeɡri nɛɛ la.

Wepila 19:21

Naate waa soɡe jaaɡɔ ta la kpɔ tokobinyɛɡ waa le o nyoa ta la kpoo olchɔɡe la nɛra baa kaa la, asɛ jumbii la bwa di ba ola ɡɛ aa wona.

Sitɔɔla 7:20

Kuore atoro la bwa hoh ba kwaa dɛ paɡre ba viine la. Ba kpoŋe kapɛle la nɔŋɡal ta, dɛ kpoŋe bɛle baa hoah la ɡe nɔndiɡ ta dɛɛ moo ŋɔ, “Hé kpɔ keri yo tɛ Korowii ne Gedeɔn!”