Mmarare 33:13 - mzwDBL

¹³ O bol Josef dea tena ɡe waa ŋɔ, ‘N Naa Korowii, ɡel bwaala nɛ ba harɛ ta o do wer. Ásɛ nee bule dɛɛ le harɛ bini ó do sɔne.

Mmarare 33:13 ပူးပေါင်းရင်းမြစ်များ

Mumpar 27:27

Asɛ o suuh tel o mɛɛ, dɛ ɡbaaro pɛl o bambile, dɛ mo o lwɛɛma. Waa no o bie Jekɔb laala la sɔɔh la, o soŋe andɛɛɡa Korowii be tɛo dɛ ŋɔ, “N bie sɔɔh do kɛŋɔ harɛ Korowii aa ɡela o ɛ harɛdɛɛɡe sɔɔh.

Mumpar 27:39

Belaa o mɛɛ Aesek ŋɔ, “Korowii aa nyundua pili dɛ́ nɛ bwaala tɛɛ, waa hen harɛdɛɛɡee tɛ he so dɛ́ dɔ kondikwa.

Mumpar 48:5

Jekɔb berɔ ŋɔ o be ŋɔ, “He bibaala banɛ, Manasɛ ne Efrem haa lol ba Ijipt mɔɔ n ba la bwa ɛ n kwa, kɛŋɔ n bibaala Rubin ne Simeon.

Mumpar 48:9

Asɛ Josef chaŋe o mɛɛ ŋɔ, “N bii Korowii aa tɛ mɛ Ijipt harɛ ta bonɔ laanee.” Anee Jekɔb ŋɔ, “Kpɔ ba ba, ásɛ n swee andɛɛɡa tɛɛ ba.”

Job Tɔn 29:19

N do kɛŋɔ daa o lune aa kaa nee ta, asɛ mɛn ɛɛ ta o kpala ta jwaana.

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Yela 148:7

Harɛ nɔ ta kwaa ne mpo bini oljena ne mpo vile bwa, hé kpɛɛro.

Sɛɡla 19:12

Kooro bandia do kɛŋɔ nyujente aa sia ken, asɛ o silɛɛ ɡe do kɛŋɔ mɛn aa ta kpɔɡa ta ken.

Sɛɡla 3:20

O wejema taa o che, dɛ ta neerare aa palɛ, dɛ berɛ ta baama aa ɛ bwaala dɛɛ nɛ.

Aesaya 18:4

Korowii ŋɔ n be ŋɔ, “Mɛɛ so nyundua dɛ́ nyiŋi jeiih ken, kɛŋɔ wee aa lea bɔr wɔrɔbe, kɛɛ mɛne aa dɛ ta wee lɔ a ta aa nyɛɡle kwaa koma saŋ la.”

Hosia 14:5

Mɛɛ ɛo kɛŋɔ bwaala waa nɛ harɛ waa hola ta, dɛ́ tɛ Israel tena, ásɛ ba do kɛŋɔ kpɔɡa fee ken. Dɛ so kɛŋɔ daa lune aa kaa harɛ bini ken, kɛŋɔ peleme daa aa lɔ Lɛbanɔn harɛ ta ken.

Maeka 5:7

Israel tena baa ɛ Jekɔb naanar baa ka la ɛɛ doo kɛŋɔ mɛn aa le Korowii be, dɛ koo harɛre nɛra bini, kɛŋɔ bwaala aa wir kpɔɡa ta, aa wola nɛn siwi ta nyiŋi mɔɔ la.

Sekaria 8:12

Koo kondikwa ɛɛ do werii kɛrɛdɛ, ɡrepo daa ɛɛ nɔnɔɔ kohona, komɛlbwa do wer harɛ la ta, ásɛ bwaala nɛ kohona. Gɛ kwaa nɔ bwaa mɛɛ ba kpɔe tɛ he nɛra haa kaa la kɛ kapɛrɛ kwa.

Nɛra Kura 1:32

Josef bibaala ɡe bini, Efrem naanaree, baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

Mmarare 32:2

N webaɡla ɛɛ ba he bee kɛŋɔ bwaala aa dɛ wiri, n wobol do kɛŋɔ chɔɔlen mɛn, ne bwaala wira waa ɡela kpɔɡa ɛɛ le la.

Mmarare 33:14

N Naa Korowii, ɡel wee lɔ ásɛ ba harɛ daa nɔna do wer. Saŋ bɛlbwa ɡel daa nɔndɛɛɡa do ba harɛ ta.

Mmarare 33:28

Anomanta, Jekɔb naanar, bosɔɔhna taa hɛɛ ba soɡa. Harɛ mea ne sen aa lɔ o ta asɛ mɛn ɛɛ ta dɛɛ pwe harɛ la.