Mmarare 33:10 - mzwDBL

¹⁰ Báa dɛɛ baɡle he nɛra he Mmara ta teŋa taa, dɛ́ kpoo jam kwaa dɛɛ tɛɛ he saraha kon la ta.

Mmarare 33:10 ပူးပေါင်းရင်းမြစ်များ

Yela 51:19

Ásɛ mɔɔ he sie lɛ saraha aa wera dɛ toɡre, ne saraha kwaa baa fuah la ta, mɔɔ yá kpoo nabala tɛɛ he saraha kon la ta.

Lewi Dea Tena 10:11

ásɛ dɛ chaɡle Israel tena mmarare maa cheɡɛ Mosis nɛɛ dɛ kpɔ tɛɛ ba la bwa ta.”

Ɛsekeɛl 43:27

Tɔpera anuanɛ nɔ ba a jaɡa aa, tɔpenuatoro wee la, sɔfore la chɛ kɛŋɔ bá kpɔ saraha kwaa haa fuah, ne deŋnesɔɔhna sarahare la ba saraha kon la ta, ásɛ n lɛ heyaa do. Men Nemenɛ Korowiirii bola.”

1 Samoɛl 2:28

Israel deene fi dɛ anɛ bwa binii n le he naa Arɔn ne o bibaala cheɡ ŋɔ, bá ɛ n sɔfore, dɛ́ɛ la bela baa ɛ saraha dɛɛ tɛ men Korowii, dɛ́ ka fuh daawiile a sɔɔh aa soma dɛ́ɛ tom mɛ, dɛ́ do sɔfo batakaarebora efɔd ba n sie. N berɔ tɛ he naawa dea tena ŋwɛnɛ Israel tena kwaa baa kpɔa ba ɛ saraha dɛ fuh dɛɛ tɛ mɛ la, baa kpɔ a bini ane.

Hibru 9:24

Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Nehemia 8:18

Sɔfo Ɛsra kure Korowii Mmara Tɔn la bini waa baɡle nɛra tɔpere bɛlbwa, le Tɔpejen la tɔpeloɡle ta ba kaa tɔpere waa ka mun ta. Ba di Kukure Tɔpejen la tɔpera anuanɛ, asɛ tɔpenuatoro wee la, ba cheme ɡɛ Mmara la aa baɡla la.

2 Webena 30:22

Kooro Hɛsɛkea jam Lewi dea tena wejema ne kpɛɛra baa dɔa, dɛ kpɔ cha tɔpejen la dii la. Tɔpera anuanɛ bwa la, ba tɛɛ ba saraha kwaa aa ɛ ba dibɔra la ba di, dɛ ɛ deŋnesɔɔhna sarahare, dɛ kpɛɛ Korowii ba naawa aa tomɔ la.

2 Webena 26:18

Asɛ ba la o be ka bɔɔro ŋɔ, “N naa kooro, he ta ŋwɛnɛ dɔe kɛŋɔ he fuh daawiile a sɔɔh aa soma tɛ Korowii. Sɔfore baa ɛ Arɔn naanar baa sɔ ba doŋa ta, ba do ɡoroŋ Korowii be pera la, banee dɔ a ŋwɛnɛ kɛ bá ɛ ɡɛ toma nɔ. Le Korowii Dea bonɔ kaa, dɛkalkɛ he waa ta kasinteŋ dɔe o sie, waa andɛɛɡaa swee tɛɛ kpa.”

Mmarare 24:8

Dɛ bwadabii weechɔɡa ane le he nɛ aa, do sie dɛ́ pɛɛ a waa Lewi dea sɔfore la be. N bol ba be, anomanta, ɡɛ baa ŋɔ he be la, hé nyiŋi kɛrɛdɛ dɛ́ teŋɛ a ta.

Nɛra Kura 16:46

Belaa Mosis ŋɔ Arɔn be ŋɔ, “Kpɔ kon baa dɛ fuh daawiile o bini la dɛ́ do ane o ta, dɛ́ buh nii le saraha kon la ta do o ta. Ɛ warane kpɔ kaa nɛra la baah ta, dɛ́ ka soŋe ba wechɔɡa Korowii be ó kpɔ kɛ ba. Korowii baah di ba nɛ, weechɔɡa la pa mun ba bini.”

Nɛra Kura 16:40

ɡɛ Korowii aa cheɡɛ Mosis nɛɛ dɛ baɡle Eliasa la. Anɔɔ dɛ́ ja Israel tena kɛ nomɛlbwa waa wola Arɔn naa mun leɛ ta chɛ kɛ ó la Korowii sie ka fuh daawiile. Bɛlbwa ɛ ɡɛ naa, Kora ne o bala waa aa puu ba laanee wɛɛ ba nae.

Lewi Dea Tena 1:17

Ásɛ dɛ lawɛ o kena dɛ́ pere o bini anɛ, dɛ bɛ ɡel o cha ta. Ásɛ sɔfo la fuuh nii la ta. Anɔ nɔɔ ɛ saraha ba yon fuh o bwa o sɔɔh ɛɛ do som n be.”

Lewi Dea Tena 1:13

Ó yaɡle o tea bini kwa ne o nakpale, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 1:9

Naate yaɡle ol la tea bini kwa ne o nakpale la, ásɛ sɔfo la fuh a bwa nii la ta. Anɔɔ ɛ saraha ba yon fuh o bwa o sɔɔh ɛɛ do som men Korowii be.

Lewi Dea Tena 16:12

Ó kpɔ kon buh nii le saraha kon la ta n sie, dɛ́ ɛ daawiile a sɔɔh aa soma ba nama a kper kɛrɛdɛ nɔndela anɛ, dɛ́ kpɔ jo ba Boɡoroŋ Tenten pateesan la habɔɔ.

Lewi Dea Tena 16:13

Ó kpɔ daawiile la do nii la ta n sie bela, ásɛ a chuu la bɔle N Ne Nɛwɛnyina Fɔo Daka tɔ la ta, ásɛ o bɛ o tɔ la na dɛ́ ba sewɛ.

Nɛra Kura 7:50

ne suuɡaswɛm loɡ o tɔɡre aa ɛ suuɡapoŋa fi daawiile baa dɛ fuah suu,

Mmarare 33:11

N Naa Korowii, ɡel ba dea tena do kpeɡri. Gel ba wobɛlbwa baa dɛ ɛ su he siwi. Chɔɡ ba dɔma dɛ bɛ ɡel ba ir kpa bwa.’

Ɛsra 7:10

Sɔfo Ɛsra le o te cheɡ dɛ tɛ Korowii Mmarare la hwela ne a bini nyiŋa, asɛ dɛɛ chaɡle Korowii waa ne mmarare aa lɔ Israel harɛ ta.

Mmarare 27:14

Ásɛ name Lewi dea tena kpɔ takpeɡ ŋɔ Israel tena la bwa be ŋɔ,

Haɡae 2:11

“Bɔɔ sɔfore la ɡɛ Mmara la aa dɛ baɡle waa maa dɛ ba he bɔɔra nɔ.

Haɡae 2:12

Dɛ nomɛl kpoŋe ol baa kpɔa ɛ saraha tɛ men Korowii, o do wer ne dii do o batakaare bini, asɛ dɛ kpɔ batakaare la ka leɡe paanoo, ne kondikwaa baa daala kɛɛ sen, kɛɛ no, kɛɛ kondikwaa bɛlbwa naa, a ɡelɔ a ɡɛ kondikwaa la ɛɛ do ɡoroŋ aa?” Asɛ sɔfore la ŋɔ, “Akai.”