Mmarare 32:46 - mzwDBL

⁴⁶ o ŋɔ ba be ŋɔ, “Hé nyiŋi kɛrɛdɛ kɛŋɔ hɛɛ teŋɛ ɡɛ waa maa dɛ do heyaa a ta fini nɔ taa. Hé kpɔ do he bii ásɛ ba ɡee teŋɛ Korowii webaɡla la ta kɛrɛdɛ.

Mmarare 32:46 ပူးပေါင်းရင်းမြစ်များ

1 Webena 22:19

Name, le fini kpɔ he bambile ne liire bwa ne dɛɛ tomɛ Korowii. Pa mun ma Korowii Dea la, ásɛ dɛ won kpɔ Korowii Ne Nɛwɛnyina Fɔo Daka la ne laala aa do ɡoroŋ ba kpɔ dɛɛ tomɔ la bwa ba cheɡ o bini.”

Yela 78:5

O kpɔ o Mmarare tɛ Israel tena baa ɛ Jekɔb naanar, a do le tɛɛ ba. O baɡle ya naawa ŋɔ, bá kpɔ baɡle ba ɡe bii,

Sɛɡla 12:28

Waa aa toɡra ŋwɛnɛ chɔɔ kaa mkpa ta, wechɔɡa ŋwɛnɛ te, seo taa o kaa.

Ɛsekeɛl 40:4

Baa la ŋɔ n be ŋɔ, “Nɛwɛnyini bie, nyiŋi kɛrɛdɛ, dɛ́ cheɡ deŋne no waa maa dɛ ba he be bola nɔ kɛrɛdɛ, dɛkalkɛ a waa n ba he ne bonɔ. Ásɛ dɛ ka bol wobɛlbwa haa naa Israel tena be.”

Ɛsekeɛl 44:5

Korowii ŋɔ n be ŋɔ, “Nɛwɛnyini bie, cheɡ deŋne kɛrɛdɛ, dɛ́ no n mmarare ne waa bwa aa chɔ le tɛ n Dea la. Do sie dɛɛ nyiŋi doonyoo ne bɔra baa cheɡɛ a ta jo dɛɛ le a ta bwa.

Emɔs 5:4

Korowii ŋɔ Israel tena be ŋɔ, “Hé berɛ ba n be, ásɛ dɛ dɔ he nyu.

Amanesoma Luk Aa Chwera Tɔn 9:44

“Hé cheɡ deŋne dɛ́ no waa nɔ maa dɛ ba he be bola nɔ, ásɛ dɛ bɛ soh! Ba dɛ ba Men Nɛn Bie lee do nɛra nɔn ta.”

Mmarare 11:18

Hé kpɔ waa nɔ do he nyuune ne bambili bini dɛɛ liira, hé ɛa kɛŋɔ nɔnloɡ dɛ́ kpɔ do nɔɔra, dɛ́ kpɔa vɔwɛ hé tili ta á ɛ waa chɔ dɛ́ɛ lii heya.

Mmarare 11:19

Hé bol baɡle he bii, hɛ́ɛ bola he dem soɡa ne he vala bini. He chɔe ne ira bini bwa, hɛ́ɛ bol a wa.

Mmarare 32:45

Mosis aa baɡle waa aa lɔ Korowii yel la bini tɛ nɛra la tonɛ la,

Mmarare 4:6

Hé noa kɛrɛdɛ dɛɛ teŋɛ a ta. Anee dɛɛ ba ɡela harɛre nɛra no he waa kɛŋɔ he ɛ wejerema. Dɛ ba no Mmarare nɔ naa, ba ŋɔ ɡɛ nɛra baa dɔ sɔn kohona nɔ ɛ wejerema dɛɛ no waa mun.

Mmarare 4:9

A bwaa kɛŋɔ hé nyiŋi kɛrɛdɛ dɛ́ ɡel he sie chɔ harɛ, hɛɛ berɛ waa haa naa la soeh. Hé bola baɡle he bii ne he naanar.

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.