Mmarare 32:24 - mzwDBL

²⁴ Lɔr ɛɛ kpo heyaa kohona he ɡwaŋre dɛ serewe, weechɔɡaa dɛɛ ba heyaa kpoora. Mɛɛ ɡeloo kpɔɡ bini ola lawɛ heya, domkpuli choɡe heya.

Mmarare 32:24 ပူးပေါင်းရင်းမြစ်များ

Mumpar 3:14

Belaa Korowii ŋɔ harɛkon la be ŋɔ, “Gɛ haa ɛa nɔ nomanta, N taahne, ásɛ a do kpeɡri tɛɛ ɡwaa kpɔɡ bini ola ne kondɛɛra bwa. He tea taa hɛɛ ba tuuɡa, dɛɛ di teera ka tel he serewe bena.

Mumpar 49:15

o nao kɛŋɔ bela waa dɛ ba ona la ɛ bodɛɛɡe asɛ silɛɛ do bela aa, wɛɛ kpɔ vaamaa lɛa, dɛ́ kpɔ o te tɛ tomkpeɡa.

Job Tɔn 20:16

Kwaa nyubinikpeɡ tena aa lɛa la do kɛŋɔ tɛɡchɔɡa ken, aa kpoo baa kɛ harɛ aa kpɔ ba ken.

Yela 120:4

Banyoo hɛma aa nyɛɡa, ne hɔla aa dɛ hɔ kohona nee wɛɛ ba he deŋne tɛra.

Yela 91:6

kɛɛ weechɔɡa aa dɛ ba jwaana, kɛɛ weela aa dɛ kpo webaŋa.

Aesaya 65:25

Gboli ne pebiiri ɛɛ pɛ bobeŋkpoŋii dɛɛ di, nyujentena chwe kpɔɡa kɛŋɔ nae ken, harɛkon ɡe, teeraa wɛɛ ba dii. A bɛlbwa aa kwaa chɔɡ, aa nɛra ɡee kpo n bwejen waa do ɡoroŋ Saayɔn ta kpa.” Korowiirii bola.

Jeremia 14:18

N leɔ kaa kpɔɡ bini naa, n dɛ na nɛra baa kpoo ba laa ta, n berɔ ba bwɛjen la bini ɡe aa, n dɛ na nɛra lɔr aa kpo ba ba serewe. Korowii keamere ne sɔfore bwa lɔ harɛ la ta, baa jemɛ waa Korowii aa ŋɔa bá ɛ.”

Jeremia 15:3

Men Korowii ɛ n liire kɛŋɔ wekpeɡa bele anaarɛɛ mɛɛ ba ɡela ba na. Baa kpoo ba laa taa, ásɛ nyootena tuɡ ba ka ta. Jumbii ne kpɔɡ bini olaa dɛ́ di ba ola kabora.

Jeremia 16:4

“Weechɔɡaa dɛɛ ba ba kpoora, nomɛlbwa aa ban wi kɛɛ dɛ huɡ ba, ásɛ a chɔ kɛŋɔ puldoa haahra aa ɡela harɛ ɛɛ do wer. Laa kɛɛ lɔree dɛ́ kpo ba bá serewe, ásɛ ba ola berɛ jumbii ne kpɔɡ bini ola kondikwa.”

Jeremia 8:17

Korowii bolɔ ja ŋɔ, “Hɛ́ɛ no! Mɛɛ tomɛ he dɔmaa kɛŋɔ harɛkonchɔɡa á ba yo heya. Domkpuli aa dorome heya, haa wola won vɔwa kabere.”

Wiile 5:10

Lɔr ɡelɔ yaa we kabul, a ɡel ya bwadabii wɔrɔbe kɛŋɔ baa mar nii fononoo bini ken.

Ɛsekeɛl 14:15

Kɛɛ dɛ n kpɔ kpɔɡ bini olchɔɡa ba harɛ la ta, a ba kpoo nɛra baa lɔ o ta o chɔ pɛɛ, a ɡel nɛra ɛɛ ɔmɛ o ta kpɔe yaa,

Ɛsekeɛl 14:21

Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.

Ɛsekeɛl 5:17

Mɛɛ kpɔ lɔr ne kpɔɡ bini olchɔɡaa ba ta he nɛ, ásɛ a kpoo he bii. Weechɔɡa ne nɛŋkpoa ɛɛ ba he nɛɛ, ásɛ ba kpoo heyaa laa ta. Men Korowiirii bola.”

Lewi Dea Tena 26:22

Mɛɛ ɡeloo kpɔɡ bini olchɔɡa ba jo he bini, dɛ́ ba kpoo he bii, dɛ́ chɔɡ he kondɛɛra bwa soo siwi. He bini tamaa kenii dɛɛ ba kae, anomanta, he ŋwɛnɛre ɛɛ chɔ pɛɛ.

Emɔs 9:3

Ba chwao ka sɔh Kaamɛl Bwejen doa aa, mɛɛ nyin ba bɔree, dɛ́ laɡ ba. Ba chwao le n sie ka sɔh mpo bini naa, mɛɛ ɡeloo mpo bini oljen laɡ ba chwe.

Maeka 7:17

Baa di teeraa kɛŋɔ harɛkon, kɛŋɔ kwaa aa dɛ tuuɡi tea ta ken. Baa le ba dekpeɡa taa bochela ne ɔmee ne, dɛ́ berɛ ba hen Korowii yaa dɛ tomɛ sie.

Habakuk 3:5

Weechɔɡa tɔ he sie, asɛ he ŋɔ seo be ŋɔ ó teŋɛ he nɛ.

Mmarare 28:22

Wɛɛ ba weela aa dɛ bu nee, kabul ne ɔɡra, dɛ́ berɛ ɡel hwel che bɔr wɔrɔbe, ásɛ he konduula chɔɡ. A ɡɛ wekpeɡa nɔ bwa ɛɛ chole he nɛɛ ka tel kɛŋɔ haa serewa.

Mmarare 28:48

Korowii ɛɛ ɡeloo he tomɛ he dɔma waa dɛ ba ɡela ba yo heya, ásɛ dɛ lawɛ heyaa yoma hé paŋɛ komɛlbwa. Haa kwaa dɔ di, haa nee ɡee dɔ nyɔ. Hɛɛ so mumɡbalee ba do heya hɛɛ tom ba. Hɛɛ di somanjirii ka tel kɛŋɔ haa serewe.

Mmarare 28:53

Tɔe baa tɔ heyaa do dɛ so bar heyaa hɛɛ na wahala la nomanta, lɔr ɛɛ kpo heyaa, ásɛ he chwe he ɡbaɡba bilola.